كورسا بدلا من اللانوس

[amr_shn]

بعد التحية للجميع ،

معى الأن للانوس 2002 حالة جيدة عاملة 80000
معروض على سيارة أوبل كورسا موديل 2004 1.6 عاملة 6000 كم فقط والسيارة خاصة بزميل لى وهو بالفعل تنقلاته قليلة جدا والسيارة لا يوجد بها خدش واحد وكأنها لسه خارجة من المعرض وهى فول اوبشن ومانيوال .
وايه رأيكم فى الأوبل كورسا بصفة عامة ،
و هل هى اقتصادية لى المدى البيعد ام ااتغير باليابانى افضل كما نصحنى صديق لى
ولكم خالص التحية

[MMamdouh]

الاوبل موتورها اقوى و متينة زى الحديد بس صيانتها مكلفة عن اللانوس طبعا... مش عارف فى فرق فى سعر قطع الغيار الالمانى و اليابانى بس الاكيد ان الاتنين اغلى من الكورى

MMamdouh

[amrrashed]

متهيألى تتوكل على الله وتشترى انت كدة هتجيب حاجة زيرو والمفروض ان قطع غيارها هتعيش فترة على بال ما تفتح بقها

[fahd_628]

عربية جميلة بس انا اسمع انها خفيفة على السرعات بس يعنى بعد ال 140 كدة لكن اكيد 100 - 120 حتبقى كويسة و قطع غيارها غالية

[hazem_khidr]

الاوبل كورسا السيدان عربيه محترمه فعلا و كماليتها كويسه.
موتورها برازيلي مش الماني علي فكره خد بالك من النقطه دي.
ثباتها حلو لحد 160 تبقي مطمن اوي بعد كده بيبتدي ثباتها يضعف بس في اسوأ حالتها ما تتقارنش باللانوس كمان!!
جبت بيها مره 200 و كانت بتستجيب عادي و دا اكتر حاجه عجبتني فيها.
مشكله الاوبل عموما الموديلات العاليه (فوق 98) هيا الحساسات بتاعها بتعطل و غاليه بس معمره شويه يعني عربيه صاحبك دي قدامها مثلا 3 سنين كمان علي ما الحساسات بتاعها تبتدي تضرب واحد ورا التاني و دا عن تجربه ليا اتنين صحابي معاهم كورسا و استرا موديلا 98 و 2001 علي التوالي و الحساسات بدات تضرب فعلا .
ف لو انت عاوز تتمتع برفاهيه و برستيج اعلي مقابل انك تضحي في قطع الغيار شويه يبقي الكورسا مناسبه ليك جدا

[amr_shn]

شكرا لكل الردود القيمة جدا, و لكن كنت عايز اعدل الكيلومتر الى 60000 مش 6000 , بعد التعديل هل بردو ممكن تكمل 3 سنوات بدو اى مشاكل زى ما قال حازم؟

[hazem_khidr]

شكرا لكل الردود القيمة جدا, و لكن كنت عايز اعدل الكيلومتر الى 60000 مش 6000 , بعد التعديل هل بردو ممكن تكمل 3 سنوات بدو اى مشاكل زى ما قال حازم؟

,ايوه يا عمر حتعيش مفيش مشاكل

[Powert]

كورسا عموما عربية جامدة ومتينة وانا لو مكانك اغير وش لكورسا

انت عايز تنتازل وتجيب ياباني على حساب الالماني ماأنصحكش هو لحق الياباني ممتاني بس الالماني احسن منه 100 مرة

[dragonsmith]

الكورسا برازيلي

السلام عليكم،

والدتي عندها موديل 2006 و عاملة دلوقتي 52000 كم. العربية محتاجتش غير الصيانة الدورية في التوكيل و تغيير سير الكاتينة و البلية و الشداد زائد طرمبطة المياه وكل دا كان عند 50000. الكاوتش كمان اتغير على 50000. عشان ابقى امين في لمبة في الفانوس الأمامي اتغيرت ب30 جنيه كمان على ما اتذكر.

المدام بقى عندها موديل 2007 و دي للأسف اتغيرلها صرة عجل و هي لسا زيرو بس على حساب الضمان.
العربية كمان عانت من مشاكل بسيطة زي أصوات مستفزة في الباب الأمامي و الكراسي واكرة الباب. بناء على نصيحة صديق عزيز WD-40 صلح الكراسي و الباب و الأكرة اتكلفت 10 جنيه!

العربية اكتر من ممتازة في السرعات و الثبات. بتجيب 180 لو مش محملة و 170 لو راكب 4 فيها زائد شنط. العفشة خشنة نوعا ما زي معظم الألماني لكن الثبات رائع.

استهلاك البنزين عالي نوعا ما...حوالي 230 كم في الصفيحة.