تقييم مساعدين منورو

[hon]

السلام عليكم
حابب انقلكم لحضراتكم تقييم مساعديين منورو أوريجينال للانوس
انا غيرت عافشة كاملة من ياى لبارات الدريكسيون والمقص وبطاحات وكبايات واشتريت مساعدين منورو اوريجينال من التوفيقية وبعد استخدام اسبوع عايز انقل تجربتى لان كتير كانو متلخبطين بين مساعديين مونورو وkyb و مساعدين جى ام
من ناحية الاحساس بالمطبات والتقر والحفر فهو محسوس نسبيا وبصراحة المساعدين غير مريحة للقيادة داخل البلد مقارنة بالاصلى و kyb بس اكيد أريح من المساعدين الكونى
من ناحية الثبات المساعدين مديين تقل للعربية فى السرعات 140 زى احساس 100 قبل كدا فى الملفات والفرامل ممتازة وبنصح بيها جدا للناس الى بيتسافر كتير زى
الملخص عايز ثبات هات مونورو عايز راحة جوا البلد فى المطبات هات جى أم الاصلى أو kyb
واى سؤال انا تحت امركم

[sameh zaghlol]

الف شكر لحضرتك

[eisaa100]

معلومه مفيده الف شكر تحياتى

[Viper911]

ممكن الأسعر يا باشا لو تكرمت

[hon]

الف شكر لحضرتك

لا شكر على واجب

معلومه مفيده الف شكر تحياتى

عفوا يا فندم

ممكن الأسعر يا باشا لو تكرمت

حضرتك انا كنت شارية من لهيطة التوفيقية ب 480 جنية وشكرا

[HAMASA99]

Kyb بصراحه ناعم بس المساعد الى ورا بيخبط خفيف كده
فى الشوارع المكسرة بس عامه ناعم جدا وثبات جميل
والسعر 400 قدام
ورا 250 من عند البنا

[dedi]

السلام عليكم
حابب انقلكم لحضراتكم تقييم مساعديين منورو أوريجينال للانوس
انا غيرت عافشة كاملة من ياى لبارات الدريكسيون والمقص وبطاحات وكبايات واشتريت مساعدين منورو اوريجينال من التوفيقية وبعد استخدام اسبوع عايز انقل تجربتى لان كتير كانو متلخبطين بين مساعديين مونورو وkyb و مساعدين جى ام
من ناحية الاحساس بالمطبات والتقر والحفر فهو محسوس نسبيا وبصراحة المساعدين غير مريحة للقيادة داخل البلد مقارنة بالاصلى و kyb بس اكيد أريح من المساعدين الكونى
من ناحية الثبات المساعدين مديين تقل للعربية فى السرعات 140 زى احساس 100 قبل كدا فى الملفات والفرامل ممتازة وبنصح بيها جدا للناس الى بيتسافر كتير زى
الملخص عايز ثبات هات مونورو عايز راحة جوا البلد فى المطبات هات جى أم الاصلى أو kyb
واى سؤال انا تحت امركم

ممكن تكلفة تغيير العفشة واية الاسعار ومن اين وماهى الماركة وشكرا لتعبك

[hon]

ممكن تكلفة تغيير العفشة واية الاسعار ومن اين وماهى الماركة وشكرا لتعبك

حرد على حضرتك عمليا
انا غيرت عفشة كاملة جى ام اصلى وعايز اقول لحضرتك انى جمعتها فى حوالى 6 شهور من ناحية القطع الاصلية غالية ومن ناحية كان فى قطع مش موجودة واستنتها لما جت
على رأى المثل التكلفة على حسب ما تكلف حضرتك
يعنى اسعار العافشة الامامية عندى عدت ألفين جنية ممكن تشتريها كورى ب 1000 جنية
وممكن تغير اجزاء معينة على حسب ميزانية حضرتك اما المصنعية فدى حاجة ممكن نقدرها كانت فى حدود 350 جنية بمصنعية المكبس عشان بلى الصرة و كاوتش المقص والاكراميات وخلافه
أى استفسار انا تحت امر حضرتك

[dr wael ghanem]

انا جبتهم من حوالى شهر فعلا كلامك صح هم فى المطبات فيهم تخبيط انما على السريع مالهمش حل ثبات وقوه
كنت عاوز اتاكد من حضرتك اللى كنت جايبهم كان محفور عليهم اسم مونرو على المساعد نفسه ده زى اللى انت جبتهم ولا فيه فرق ؟

[الاسد المهاجر]

شكرا لنقل التجربه وفعلاkyp فيه خبط خفيف في الطرق المكسره

[hon]

انا جبتهم من حوالى شهر فعلا كلامك صح هم فى المطبات فيهم تخبيط انما على السريع مالهمش حل ثبات وقوه
كنت عاوز اتاكد من حضرتك اللى كنت جايبهم كان محفور عليهم اسم مونرو على المساعد نفسه ده زى اللى انت جبتهم ولا فيه فرق ؟

حضرتك انا اسف مش حقدر افيدك لانى مخدتش بالى قبل ماركبهم بس انا شاريهم من موزع غبور المعتمد هشام لهيطة فمدورتش وراه الصراحة تحياتى

[waelkiki]

كنت محتاج افهم من حضرتك حاجه انا عندى المساعد الخلفى بيجيب زيت اجيبهم استيراد و لا جديد و لو جديد الاسعار تقريبا كام و خصوصا kyp لان فى ناس بتقول انه ب 800 جنيه و شكراا