مشوار الفرامل طويل

[morabet79]

السلام عليكم

حاسس إن مشوار الفرامل للانوس طويل شويه

التيل بحاله جيده ، معدلتش الفرامل لسه ( نفس الطنابر والماستر للانوس 1500 )

هل اللانوس ده الطبيعي بتاعها؟

وهل يمكن تعديل طول المشوار؟

[abzoabzo]

انا عندى كده برضه
مع انى مغير تيل من شهر

[human]

مستوى الزيت الباكم بينقص؟

انا موش خبير بس العربيه الكرولا 84 عندى لما عملت كده بعد شويه بقت بترخى وتجمع على مرتين وبعد شويه كتير حجرت قالولى دور على ماستر جبته ومتظبتتش قالولى هات سيرفو ومالقتوش وواحد ورا التوفيقيه فكو وصلحه ميه ميه

[morabet79]

الزيت ثابت مبينقصش

[MMamdouh]

اعمل رجلاش للفرامل الخلفية

MMamdouh

[n_nabil76]

يعني ايه رجلاش للفرامل الخلفية معلش انا لسه جايب لانوس 2 موديل 2000 من كام شهر مستعملة عاملة 76000 ك وبردو عندي نفس المشكلة والتيل لسه معملش 4000 ك وكشفت على التيل الخلفي و حالتة جيدة و الزيت لا ينقص واعذروني في الأسئلة اول مرة اركب كورى وكنت راكب لادا موديل 75

[mido12001]

يعنى خد هوا للفرامل اللى ورا

[Sherif Khalifa]

يعني ايه رجلاش للفرامل الخلفية معلش انا لسه جايب لانوس 2 موديل 2000 من كام شهر مستعملة عاملة 76000 ك وبردو عندي نفس المشكلة والتيل لسه معملش 4000 ك وكشفت على التيل الخلفي و حالتة جيدة و الزيت لا ينقص واعذروني في الأسئلة اول مرة اركب كورى وكنت راكب لادا موديل 75

الفرامل الخلفية التيل بيتحرك بى سوستة فا لازم كل فترة تظبت درجة شد السوست دى علشان بتسيب
مش زى الفرامل الامامى بتظبت نفسها لوحدها
بيفك الطنبورة و بينضف بالهواء و بعد كدة بيرجلش السوستة دى

[samirayad]

السلام عليكم

حاسس إن مشوار الفرامل للانوس طويل شويه

التيل بحاله جيده ، معدلتش الفرامل لسه ( نفس الطنابر والماستر للانوس 1500 )

هل اللانوس ده الطبيعي بتاعها؟

وهل يمكن تعديل طول المشوار؟

تقريبا كفاءة جلد ماستر الفرامل عندك بدأت تقل ......وبيحدث عندك تسريب داخلى بالماستر.........ويمكنك تغيير الماستر باّخر استيراد من بنك الاسكان ببور سعيد....وتتفق مع البائع على أنك ستشترية تحت التجربة......لان مايحدث لحالتك هو تسريب داخلى غير مرئى لاسطوانة الماستر الرئيسى..........دى نصيحة من بورسعيدى قديم......ويمكنك أيضا تغيير جلد الماستر بطقم بنوعية جيدة

[morabet79]

تقريبا كفاءة جلد ماستر الفرامل عندك بدأت تقل ......وبيحدث عندك تسريب داخلى بالماستر.........ويمكنك تغيير الماستر باّخر استيراد من بنك الاسكان ببور سعيد....وتتفق مع البائع على أنك ستشترية تحت التجربة......لان مايحدث لحالتك هو تسريب داخلى غير مرئى لاسطوانة الماستر الرئيسى..........دى نصيحة من بورسعيدى قديم......ويمكنك أيضا تغيير جلد الماستر بطقم بنوعية جيدة

بس الزيت مش بينقص ، يبقى إزاي فيه تسريب

على فكره عملت رجلاش للفرامل الخلفية والفرامل اتحسنت

[samirayad]

الماستر عبارة عن سلندر هيدروليك بداخلة مكبس أولى ومكبس ثانوى....على كل مكبس موجود داخل السلندر يوجد مانع زيت(oil seal or seal ring )....عندما يضعف السيل هذا نتيجة كثرة الاستعمال ...فى هذة الحالة يحدث تفويت داخل الأسطوانة(السلندر)...وبالتالى يقل ضغط زيت الفرامل والخارج الى الأسطوانات الفرعية الموجودة على كل عجلة للسيارة....فى هذة الحالة يزداد مشوار بدال الفرامل........والتفويت الداخلى هذا لايرى بالعين المجردة ولايؤدى الى نقصان الزيت......وانما تأثيرة يظهر فى صورة زيادة مشوار بدال الفرامل(أى أن الفرامل تبقى خفيفة)..............والحمد لله اّداء الفرامل اتحسن معاك.......