حل فتح كبوت اللانوس

[mahmoud_dev]

حصلت معايا من شهر تقريبا وسرق البطاريه ربنا يبارلك علي الحل ده

[abokoko]

تعليقي علي حاجه مختلفه

انا كنت فاكر ان عربيتي ال لادا وال128 واللي ذيهم
هما بس اللي ممكن فتحهم بسهوله

[i_samy]

ممكن حد يقولى مين فى أكتوبر يعملى الطريقة دى ويكون شغله نضيف
عشان البطارية لسه مسروقه يوم الجمعة اللى فاتت

[مصطفى-حسن]

فكرة ممتازة وبسيطة وسهلة وتتنفذ فى نص ساعة

والاهم انها هتحمى حاجات كتير داخل الحوض ومن ضمنها واهمها البطارية طبعا

[swimmer25]

ممكن حد يقولى مين فى أكتوبر يعملى الطريقة دى ويكون شغله نضيف
عشان البطارية لسه مسروقه يوم الجمعة اللى فاتت

إنت محتاج حداد بس لو هتعرف تفك..الفك بسيط أوي مفيش أي إختراع
لو مش هتعرف تفك يبقى تروح لسمكري وتحكيله القصة
بس في الأول هيقولك نعمل قفص حديد للبطارية بقفل زي ما السمكري قالي
بس أنا شايفها مش عملية أوي وأنا كنت عايز أمنع الموضوع من جذوره...ممكن بردو تزود قفص على البطارية زيادة أمان
لحد ما أصريت إني أعملها بطريقتي فطبعا عشان الشغل مش حاجة كبيرة فبدأ يبعتني للحداد عشان أشتري ماسورة وهو يكمل فعملتها أنا بنفسي عند الحداد

[swimmer25]

فكرة ممتازة وبسيطة وسهلة وتتنفذ فى نص ساعة

والاهم انها هتحمى حاجات كتير داخل الحوض ومن ضمنها واهمها البطارية طبعا

شكرا يا مصطفى بيه من بعض ما عندكم ونورت القسم
وهي فعلا هتحمي غير البطارية أول حاجة للي مركب إنذار هتحمي إن الحرامي يفصل السرينة عن طريق قطع سلك السرينة
إعملوا الفكرة ضروري الموضوع إنتشر وبتتفتح العربية في وضح النهار

[i_samy]

طيب محدش عنده فكره مين فى أكتوبر يعملها ولا أى سمكرى والسلام

لإن الحقيقة ظروف فترات عملى هتأخر موضوع إنى أعملها بنفسى وأروح للحداد
عشان كده أنا عاوز حد يعملها كلها بجوده وسرعة

[A.Saad]

اعرف حداد
فى الكفراوى السنتر المقابل امام منهاتن
اسال على محمد الراوى
سمكرى
مجربتش فى اكتوبر

[i_samy]

اعرف حداد
فى الكفراوى السنتر المقابل امام منهاتن
اسال على محمد الراوى
سمكرى
مجربتش فى اكتوبر

أعرف الشخص بس ماجاش على فكرى
شكرا ليك يا عزيزى

[ALI ISMAIL]

الف شكر على هذة الفكرة الرائعة .. جارى التنفيذ الان

[i_samy]

الحمد لله
البطارية اتسرقت تانى والمرة دى فى 6 أكتوبر .... فى 10 دقايق
انا دلوقتى عملت الماسورة بالشكل ده


عندى بعض الأسئله :
- مسمار الفانوس اللى ناحية فردة الكلاكس اللى يعتبر الشفه الأولى لتثبيت الماسورة (فى عربيتى) جاويت ثابت بصاموله .... هل من الممكن تفويره وتركيب مسمار 10 طويل شوية
- مين صنايعى يعمل ده يعنى ميكانيكى ولا سمكرى
- اجيب منين مسمار 10 طويل شويه ... وهل في فعلا
- اعتقد انه يجب تحويط الماسورة بعازل ارموفلكس عشان حرارة شمس الصيف ماتسيحش سلك الكابوت داخل الماسوره
- تم خرم الماسوره من اقصى اليمين عشان مايبقاش الطرفين ملحومين

وياريت لو حد اضاف اقتراح آخر ... لأنى هاركب الموضوع ده يوم الجمعه

[swimmer25]

الحمد لله
البطارية اتسرقت تانى والمرة دى فى 6 أكتوبر .... فى 10 دقايق
انا دلوقتى عملت الماسورة بالشكل ده


عندى بعض الأسئله :
- مسمار الفانوس اللى ناحية فردة الكلاكس اللى يعتبر الشفه الأولى لتثبيت الماسورة (فى عربيتى) جاويت ثابت بصاموله .... هل من الممكن تفويره وتركيب مسمار 10 طويل شوية
- مين صنايعى يعمل ده يعنى ميكانيكى ولا سمكرى
- اجيب منين مسمار 10 طويل شويه ... وهل في فعلا
- اعتقد انه يجب تحويط الماسورة بعازل ارموفلكس عشان حرارة شمس الصيف ماتسيحش سلك الكابوت داخل الماسوره
- تم خرم الماسوره من اقصى اليمين عشان مايبقاش الطرفين ملحومين

وياريت لو حد اضاف اقتراح آخر ... لأنى هاركب الموضوع ده يوم الجمعه

أولا الله يعوض عليك
قصدك المسمار اللي حوليه دايرة زرقا ده


فعلا هو ثابت ولو عرفت تفوره يبقى أفضل عشان تربط الماسورة من ورا مش من قدام زي ما انا عملت فبالتالي مش هيفرق معاك تخانة الماسورة او الشفة اللي هتتلحم فيها من الناحية دي لان كل ما تخنت كل ما كان الفانوس بارز برا
روح لسمكري وهو يظبطهالك وإسأله على المسمار الطويل وأكيد موجود عند محلات الحدايد والبويات
بالنسبة للعزل عشان الحرارة فأعتقد مش مهم لأن حرارة الشمس طبيعية مش حرارة موتور ولا حاجة وأصلا الدنيا دي كلها تحت الكبوت
رش بس الماسور برايمر و بويه سودا قبل ما تركبها عشان الصدأ وده اللي أنا ملحقتش أعمله

وربنا يستر على الكل ويبعد عنكم كل شر

[hon]

تم التنفيذ وربنا يستر علينا جميعا

[i_samy]

[swimmer25]

مبارك عليكم