البوجيهات مهببه

[Haitham Gamal]

ياجماعة انا عربيتي شيفرولية لانوس2013
المهم فصلت مرة واحدة ومش راضية تدور ولما جبت ليها ميكانيكي غيرلي البوجيهات واشغلت ميه ميه
بس البوجيهات القديمة كانت مهببه وسودة قوي من عند الشمعه طبعا
المهم انا عايز اعرف هي البوجيهات دي اسودن لية وهببت كدة رغم انه ماعداش عليها شهر حتي
حد قالي انه ممكن يكون حساس شكمان هو اللي مأثر عليها
يارات اصحاب الخبرة يقولولي المشكلة فين لاني خايف يكون فية مشكلة وتزهقني كل شوية

[elwany90]

لو حساس الشكمان فية مشكلة هيبان علي الإسكانر
أفضل واديها لحد يكون عندة إسكانر

[Haitham Gamal]

طيب انا وديتها اسكنر قبل كدة وكانت لمة الشيك منورة وقالي دة حساس شكمان بس انا وديتها لواحد تاني قالي ان الحساس مظبوط وفي مشكلة في حساس الصاج وقام منظفة وركبهولي والعربية اشتغلت فل الفل 3 ايام وبعد كدة بطلب مرة واحدة ومرضيتش تدور خالص ولما جبتلها كهربائي معرفش يشغلها وديتها جر لميكانيكي راح مغيرلي البوجيهات واشتغلت مية مية الحمد لله
المهم العربية دلوقتي مفيهاش لمبة الاخطاء منور ولا حاجة ومشاية كويسة بس عايز اعرف هو ممكن حساس الشكمان يبق فية مشكلة ولمبة الاخطاء مش منورة فعلا واعرف ازاي

[elwany90]

لا بصراحة دي مقدرش افتي فيها
و الحمد الله ان العربية كويسه

[Mecha]

كام كيلو ؟؟
ممكن الموبينه ضعيفة

[midogad331]

طيب ايه اخبار استهلاك البنزين

[Haitham Gamal]

طيب ايه اخبار استهلاك البنزين

مفيهاش مشكلة في استهلاك البنزين بس انا كل سواقتي جوة البلد يعني مش بسافر بيها علشان وهي بصراحة مش مزعلاني خالص في موضوع البنزين

[Haitham Gamal]

كام كيلو ؟؟
ممكن الموبينه ضعيفة

انا شكيت فعلا في موضوع الموبينة دة ووديتها لكهربائي شافهالي وقالي الموبينة زي الفل
مكمن تكون من حاجت تانية ولا هي الموبينة من وحهة نظرك
وايه رأيك في حكاية لمبة الشيك اللي نورت وجابتلي حساس شكمان ولما وديتها لواحد تاني ونضفلي حساس الصاج الدنيا اتحسبت وظبتط كدة

[Mecha]

انا شكيت فعلا في موضوع الموبينة دة ووديتها لكهربائي شافهالي وقالي الموبينة زي الفل
مكمن تكون من حاجت تانية ولا هي الموبينة من وحهة نظرك
وايه رأيك في حكاية لمبة الشيك اللي نورت وجابتلي حساس شكمان ولما وديتها لواحد تاني ونضفلي حساس الصاج الدنيا اتحسبت وظبتط كدة

حساس الشكمان يعمل misfire وتاكل بنزين
الكهربائي اللي اختبر الموبينه اختبرها ازاي ,طلع البوجيه وشاف قوة الشراره؟؟؟
ايه هو حساس الصاج؟؟؟

عاملة كام كيلو؟؟

[Haitham Gamal]

حساس الشكمان يعمل misfire وتاكل بنزين
الكهربائي اللي اختبر الموبينه اختبرها ازاي ,طلع البوجيه وشاف قوة الشراره؟؟؟
ايه هو حساس الصاج؟؟؟

عاملة كام كيلو؟؟

اولا العربية عاملة 79 الف كيلو
والكهربائي فك شيك علي البوبينة بالطريقة اللي انت بتقول عليها بالظبط ياباشا وهي انه فك البوجية وشاف قوة الشراراة وقالي انها كويسة قوي ومفيهاش حاجة


وبخصوص حساس الصاج دة فبصراحة انا كل الناس لما بقولها عليه بيستغربوا قوي بس هو اللي في الصورة دي اللي بجوار الضفيرة من علي اليمين مش من ناحية الكلاكس لا الناحية التامية
معلهش بقي انا مابعرفش ارفع الصور علي المنتدي بس بحاول

http://www2.0zz0.com/2012/09/18/20/160619629.jpg

ياريت لو لية اسم تاني تقولهولي حتي ابق فاهم اية حوار البتاعة دي وايه فايدتها ؟
شكرا ياكبير

[Mecha]

دا اسمو map سنسور علي يمين ecu, لكن ليه خرطوم الفكيوم مش واصل ,شايف البشبوري ال 5 مللي من السنسور دا لازم خرطوم فكيوم من المنفول يخش فيه ,ازاي دايره كدا ,المكنه بتبا مكلوبه من غيره

[Haitham Gamal]

شكرا ياكبير علي الرد
بس ياريت تفيدني كمان وتقولي الماب دة وظيفتة ايه بالظبط
بس خرطوم الفيكيوم واصل ياباشا بص كويس هتلاقية واصل في المانفول وواصل للحساس

وحاجاة كمان الاسم الصح للبتاع دة ماب بس ولا حساس صاج ولا ايه بالظبط

[Haitham Gamal]

هو علي فكرة الخرطوم دة اتخلع مرة وانا مش اخدت بالي والعربية اشقلبت وحالها اتغير وبقت تدور بالعافية والعزم بتاعها كان في لاضياع وبعدين قطعت خالص ومرضيتش تدور وخلتني تقريبا اغير بوجيهات ممكن فعلا يكون عدم تركيب الخرطوم دة بهدل العربية بالشكل اللي بقولك عليه بس الميكانيكي ركبهولي والعربية الحمد لله شغاله تمام بعد ماركبة وحطلي افيز علشان مايخلعش

[Mecha]

مفيش خرطوم واصل ,كلو سلوك كهربا
اسمه الصح ماب Manifold absolute pressure sensor
شغلته يقرا الضغط المطلق للمنفول وهو مع عدد اللفات وحساس tps
يقوم الكمبيوتر يحدد كمية البنزيم اللي تتحقن

[Mecha]

مفيش حاجة اسمهاحساس صاج
الحساس دا لو مفتوح كدا وسف تراب هيخرف