نور طفاية السجاير

[adhamrady2000]

اكتر من موضوع لاحظت فيه ان الانوس فيها نور لطفاية السجاير
انا معايا لانوس 2006 من الزيرو و عمرى من شوفت النور ده
وكل حد اساله يقولى مفيهاش
حتى لما فتحت فى مرة و فكيت ملقتش ليها اى سلك
ارجو الافادة مع العلم ان العربية se بدون كماليات تماما

[aymanshebl]

ممكن توصللها نور من نور التابلوه لمبة وسلك يعنى و تنور مع النور الصغير

[adhamrady2000]

يعنى يا ايمن باشا انا بحب اخلى كل حاجة على اصلها و انا عارف انه عادى اخود سلك و لمبة انا اصلا مهندس اتصالات و الكترونيات :d
بس الفكرة هل الناس كلها عاملة كده ولا الانوس الفاضية مش بتنزل كده ولا ايه بالظبط مش فاهم
اسلوب المواضيع فى اللمبة دى بيخلينى احس انها موجودة و نازلة مع العربية

[J A G U A R]

فى لمبه اسمها سفايا ممكن تركب للطفايه
هيا عندى فى الاوبترا نازله بيها
بس مش عارف نازله فى اللانوس ولا لا بس بتركب عادى

[lutenit030]

انا لانوس فاضيه خالص خالص، يعني منغير تكييف او بور حتي، و نازل فيها نور للطفايه لكن هو بيبقي ضعييف جدا و عشان تشوفه لازم تبقي الدنيا ضلمبه حتلاقي نور بسيط اوي لما تفتح الدرج
لو عايز توصل للمبه، فك الفرام اللي حوالين الطفايه و حامل الكوبيات و الكاسيت، حتلاقي مسمارين ماسكين حامل الكوبايات فكهم و طلعه بره خالص حيظهر معاك اللمبه ممكن تركب بدل منها ليد سفايا

[tarek_2005]

موجودة في كل اللانوس