استهلاك بنزين اللانوس ؟؟؟؟؟؟؟؟

[Sherif Khalifa]

اسمحلى ارد عليك بالنيابة عن محمد علشان هوا مختفى من فترة و كمان انا مركبهم عندى

ياريت محمد ممدوح يقولنا فين مكان رشاشات ال BMW بالتفصيل و هل البياعين هنلك عارفين الموديل لو قلنالهم عليه

المكان فى الحرفين عند بتوع BMW مش فاكر رابع او خامس يمن المهم اسئل على بتوع bmw
كتير هيدلك
اول محا اسمة برسعيد

حاجة تانية: هل الرشاشات دي جديدة و لا مستعملة و لو كانت مستعملة إزاي أعرف إنها كويسة و مش متهانة

دى رشاشات مستعملة فى الخارج بس حلتها كويسة و بتخدهم على تجربة

حاجة ثالثة: الميكانيكي بتاعي قاللي لو عايز رشاشات جديدة تجيب أحسن بتاعت Hyundai Accent لإنهم بيعيشوا أكتر من رشاشات الـ Lanos الأصلية و كمان سعرهم أرخص فإيه رأيك يا دوحة.

الميكانيكية مش عارفين الموضوع دة و مشعارفين غير بتاعت الاكسنت و هيا بتبءة GM و بتاعت ال BMW boch

حاجة رابعة و أخيرة: لو أنا مصمم أركب رشاشات جديدة فتنصح بإيه؟

الرشاشات الاصلى ب 950 ل 1000 جم و كتير بيئولو مش بتعيش
فا انت تدفع 200 جم فى حاجة مضمونة و لا 1000 فى حاجة مش مضمونة

[Abourayya]

شكراً شريف باشا

لو سمحت أنا عندي سؤال بايخ شوية بس اعذرني علشان أنا أول مرة أركب عربية و مش عارف الطرق. ممكن تقولي فين الحرفيين دي و أروحها إزاي.

و شكراً مرة تانية يا ريس.

محمد أبوريا

[Hossam_Hassan]

الرشاشات عاملة معاك ايه يا شريف؟

[Sherif Khalifa]

ممكن تقولي فين الحرفيين دي و أروحها إزاي

معلش يا جماعة حد يوصف السكة علشان انا عارف اروح بالشبة كدة

[Sherif Khalifa]

الرشاشات عاملة معاك ايه يا شريف؟

زى الفل الحمد للة

[Sherif Khalifa]

BOSH

[sab3aawy]

الحرفيين فى أول طريق الإسماعيلية،

يمكن الوصول للحرفيين من الطريق الدائرى، لو احنا جايين على الدايرى من الهرم او المهندسين او مصر اسكندرية الزراعى فى اتجاه مدينة نصر والمعادى،بعد ما نعدى تقاطع المرج بحوالى 12 كيلو تقريبا بنوصل عند نفق طريق الإسماعيلية الصحراوى مننزلوش وناخد يمين ونطلع فى طريق القاهرة الإسماعيلية الصحراوى فى اتجاه القاهرة، بنمشى حاجة كدة زى 2كيلومتر هنلاقى كوبرىالحرفيين ، منطلعش الكوبرى وناخد اول يمين بعديه ، هنلاقى نفسنا فى الحرفيين

لو جاى على الدائرى من مدينة نصر او المعادى او المنيب تفضل ماشى بعد ما تعدى تقاطع طريق السويس حوالى 9 كيلومتر تقريبا لحد ما توصل لطريق الإسماعيلية، برضه ماتنزلش النفق واخرج يمين فى طريق الإسماعيلية فى اتجاه الإسماعيلية، خد اول يو تيرن وارجع فى اتجاه الفاهرة وكمل زى فوق

ممكن تيجى من طريق صلاح سالم، تطلع كوبرى شيراتون مع نهاية الكلية الحربية وتلف على الكوبرى شمال وتننزل من المنزل الشمال ده فى الشارع اللى على يمينك سور المطار وشمالك سور الكلية الحربية، بعد كدة هتلف يمين إجبارى مع سور المطار فى شارع جوزيف تيتو، اللى فيه السندباد على اليمين وبعديها بحوالى كيلو بتروجت، كمل فى جوزيف تيتو لحد ما يخلص هتلاقى قدامك كوبرى الحرفيين، هيينزلك فى فى اول طريق مصر الإسماعيلية الصحراوى، خد اول يو تيرن وارجع كما سبق

دة رابط لخريطة جوجل إيرث مبينة طريق الوصول للحرفيين

http://up.haridy.org/storage/7erafeyyen.jpg

لمن لديه جى بى إس ، احداثيات مدينة الحرفيين: 30.08.47 N و 31.24.09 E

[Sherif Khalifa]

هوا ال جى بى اس شغال فى المتطقة بتاعت مصر ؟

[MMamdouh]

الرشاشات الGM حتبوظ تانى و تالت و رابع فا مفيش منطق يرجح انك تشتتريهم تانى

الرشاشات الاكسنت نفس تصميم البوش بس صناعة كورى... اكيد الكورى مش احسن من الالمانى... و على فكرة الرشاشات الاكسنت الجديدة ب 750 جنية

رشاشات ال BMW المانى اصلى و تمنهم يخليك تجربهم و تاخد المخاطرة و الحمد لله لحد دلوقتى كل اللى غيروا الرشاشات و جابوا البوش مبسوطين على الاخر

عشان تروح الحرفيين امشى فى طريق السندباد فى اتجاة طريق مصر الاسماعيلية بس متطلعش الكوبرى... لف من تحتية و ارجع اكنك داخل جسر السويس تانى و ادخل او شارع على يمينك (جمال عبد الناصر)

MMamdouh