مشكلة فى عدادات تابلوة نوبيرا 1 اوتوماتيك

[SeniorMostafa]

بسم الله الرحمن الرحيم

دا اول موضوع ليا فى المنتدى و فالبداية اشكركم على المجهود الرائع الى فى المنتدى دا ،

المشكلة الاولى ...

ان عداد السرعات مش شغال ، و عداد الـ Rpm ساعات يشتغل و يقوم فاصل لواحدة و ساعات مايشتغلش خالص ، كنت فى بورسعيد امبارح فى منطقة بنك الاسكان و اشتريت تابلوة جديد و ركبتو برضو عداد السرعات مش شغاال و ال Rpm مش شغال و الحرارة بقت على الآخر و العربية واقفة اصلا !!!

مشكلة تانية ،،،

لمبة الـ service شغالة و مكانتش شغالة قبل كدة ، هيا اللمبة دى بتاعت اية ؟ و هل دا خطر و لا اية ؟؟

مشكلة تالتة ،،،

لمبة الزيت لما بشغل العربية بتقعد ترعش نور لحد ما ادوس على دواسة البنزين او اطلع بالعربية بتروح خالص و بتطفى اية المشكلة دى بقى ؟؟


مستني ردودكم السريعة

[SeniorMostafa]

ياجماعة ردو عليا انا بخاف امشى بالعربية بسبب المشاكل دى و الله بخاف من الحرارة كمان :(

[عم جحا]

انا كان عندى عداد السرعة والكيلو مترات احيانا بيفصل ولا يعمل ورحت للكهربائى وتبين ان حساس السرعة عطلان وغيرته والعدادات اشتغلت ، قم بمراجعة الحساسات بالسيارة والكشف عليهاوما اذا كان اى منها يحتاج تغيير ، وايضا قم بالكشف على اسلاك التوصيل وتنظيف اطرافها جيدا لانها عندما تكون غير نظيفة بسبب الاتربة او الزيوت او الماء تمنع توصيل الكهرباء او تكون رديئة التوصيل ، وبالنسبة لحرارة المحرك راجع واكشف جيدا على دورة المياه كاملة من رادياتير وقربة وخراطيم وطلمبة المياه والترموستات والمراوح ، وتاكد من عدم وجود تسريب مياه وان الترموستات وطلمبة المياه تعمل بكفاءة وان مواسير الرادياتير ليس بها انسداد اوضيق فى بعض الاماكن او تسريب ، وبالنسبة للمبة الزيت قم بمراجعة مستوى الزيت بالموتور ودرجة لزوجته واذا كان عمره انتهى قم بتغييره ، كذلك قم بالكشف على طلمبة الزيت ، وبالنسبة لاضائة لمبة السيرفس فهذا معناه وجود مشكلة بالسيارة ويجب عدم تركها واصلاحها فورا ، ولكن ان شاء الله بعد اجراء المراجعات السابقة تصبح السيارة سليمة وتنطفئ اللمبة .