مساعدة بخصوص عمود الكامة

[ahmed121185]

يا رجالة لو سمحتوا محتاج النصيحة انا عربيتى جوليت موديل 99 اللى حصل ان عمود الكامة اتكسر اول اسبوع فى يناير و غيرتة و جبت واحد جديد اصلى بعد ما فشلت انى اجيب استيراد من الحرفيين و المصيبة ان الجديد اتكسر امبارح يعنى مكملش شهر ،،، اكيد فى سبب غير ان العمود يكون مضروب و ده اللى محتاج اعرفه عشان مفيش صنايعى افدنى فى الحوار ده.

[zendo]

المشكلة عندك فى وش السلندر مقفع فبيضغط على الكامة فبتنكسر من نفس المكان لانها عمليه ميكانيكة وكلة مرتبط ببعضة اكشف على الوش وشوف سليم ولا لا عاوز يتغير وفيه مشكلة تانية ممكن ضغط الزيت ضعيف عندك من الطرمبة فبيحصل احتكاك كتير فالعمود بيقفش فينكسر انا كان معايا اوبل وهى نفس الموتور وكان بيحصل معايا كل سنة نفس المشكلة والسبب وش السلندر مش مظبوط وانصحك هات وش كامل بنشتملاتة على بعضة والعيب بعد كده هيختفى وروح لميكانيكى كويس