تيل الفرامل؟!!

[emad6610]

السلام عليكم
ليا استفسارين يا تري التيل المفروض يتغير كل اد ايه؟ امامي و خلفي و ياتري التيل الجولد كويس؟
اللي راكب عندي بقاله حوالي 25 الف كيلو..العربية لانوس 2004
اوقات لما ابطل العربية بعد مشوار محترم اسمع صوت غليان الميه في القربه دة طبيعي ؟؟
علما اني لسه مغير المية و عامل دورة غسيل!!

[asteraster]

اه غليان المياه طبيعي والتيل الجولد بقي تعبان خليك في الاصلي هو غالي شويه بس بيعيش ومحترم

[midogad331]

التيل ال gm افضل وبالنسبة للقربة الفيصل يا باشا حراذة المؤشر لو مظبوط

[emad6610]

اغير التيل بعد قد ايه

[Mark Sawiris]

في نوع تيل انا مجربة هو اسمه فركسا كوري ب 70 جنيه كويس ولما بيخلص بيعمل صفارة يعني تغير

[emad6610]

تسلموا يا بشوات علي الرد يرضه اغير التيل بعد قد ايه او ايه الاعراض

[bebo20]

لو مركب التيل gm الاصلى بعد 20 الف تكشف علية وبعد كدة تتابع قبل ما التيل يخلص ويبوظ الطنابير ويتوقف عمر التيل على جودته وطريقة استخدامك للفرامل

[tarek_2005]

عمر التيل يتوقف علي طريقة قيادتك ونوعية الطرق التي تسير بها
الفيصل مدي التاكل في المادة الخاصة بالتيل