ارجو المساعده علشان العربية ماتت

[homos_loz]

سلام عليكم
اخت العربية ورحت الشغل وبعد مشوار طويل لاقيت العربية ماتت تيجى تدور تلاقى اللمبات فى الطبلوة منورة بس لا فى صوت مارش ولا تكتكة ولا حاجة خالص دوست على الكلاكس تمام الكاسيت تمام الانوار تمام المهم جبت حد يزق ورميت ليها وروحت واولت لما اكلمكم علشان اعرف اية المشكلة العربية نوبيرا ون 98 مانيوال

[asteraster]

اكشف علي البطارية

[هيثم احمد]

شوف الانوار ضعيفة ام قوية وكذلك صوت الكلاكس لو ضعاف تبقى البطارية مفيهاش شحن اشحنها لو غير كده يبقى المرش

[homos_loz]

البطارية جديدة من حوالى 3شهور وهية كويسة جدا 70 امبير وكشفت عليها امبارح والدينامو زى الفل

[Abo Yasmin]

احتمـال كبيـر يبقى العيب فى المـارش

ولو أول مـرة يعمل كـده فممكن يتصلح مش يتغير

بس عموماً هيا سهلة إن شـاء الله واطمـن لسة العربية ليها عمـر :)

[midogad331]

المارش المشكلة هتكون في المارش

[zendo]

عيب مارش وعاوز شربون

[homos_loz]

ياجماعة لما تيجى تدور والمفتاح على الاخر بيبقى مفيش اى صوت خالص ولا تاثير على الانوار ولا اى حاجة خالص كان مفيش كهربة وصلة للمارش علشان تدور هل لية فيوز ولا وهل للمارش وصلة كهربة وفين مكانها

[Mark Sawiris]

روح لواحد بتاع مارش يا هيعمل طقم اصلاح يا هيجبهولك استيراد وهو في حدود 200 جنيه وان شاء الله تنظبط

[homos_loz]

متشكر جدا ياجماعة انا لسة راجع من عند الكهرباءى حكتلة على اللى حصل قام فك المارش لاقى الشربون بايظ راح مغير شربون وعمل اللازم كام ياعم قالى 80جنية 40 شربون و40جنية مصنعية وبقت بدور من اول لمسة انا قلت انقل التجربة يمكن حد يستفاد وشكرا مرة تانية

[blazer]

العربيه عملت معايا كدا طلع قواطش البطاريه عاوه تتغير

[شريف]

طب هو فك المارش ازاي ؟
باريت لو في صور كمان ؟

[faron525]

مبروك الاصلاح وراحة البال وشكرا ع الافادة

[sehs_for_ever]

حضرتك ده كان عمومى المارش فاصل مش مشكلة شربون ..... بس هو قال يشتغل ..... الشربون ميقطعش مرة واحدة ....... بس على العموم كده كويس ...... وعلى فكرة العمومى لما بيفصل مابينورش لمبة الأعطال