و إليكم ماحدث في خلال 3 اشهر مع النوبيرا

[FAR!D]

الحمد لله في خلال 3 اشهر كنت مصاب في النوبيرا واليكم ماحدث
قطعت مني سير كاتينه بس للامانه هي حذرتني قبلها بمسافه كافيه من اصوات و خلافه لكن انا مكانش عندي استعداد اقف
وبالتالي وش سلندر كامل استيراد ب 900 لان القديم محتاج حشو وعشان مسوس و 10 صبابات يعني طقم كامل +روديه و مخرطه و خلافه فالوش استيراد افضل و احسن و اوفر + طلمبه المايه السبب لانها قفشت و قطعت السير +طقم سيور و مصنعيه +الحمد لله

و بعدها على طول لاحظت صوت تكته بيظهر مع السرعه طلع الصنيعي مكانش رابط المانفول بلا اي مسمار على الماتور و غيرت جوز بطاحات اماميه و عملت بارومه كانت عندي في البطاحات الخلفيه

و بعد السير الاولاني بحوالي شهر اتقطع سير الكاتينه تاني عشان الصنيعي الاولاني المحترم مربطش على مسمار في الفبره فحل من مكانه و قطع السير و بهدل البليه المتحركه بس الحمد لله سير و بليه فقط

و بعديها باسبوع الزجاج الامامي اتكسر و غيرته ب450 و مكانش مظبوط و فكيته و ركبته و لصمته حوالي 5 او 6 مرات عند نفس الصنايعي عشان مكانش راكب صح و بيسرب مايه او يصفر من الهوا و قررت اروح عند واحد غيره يركبه تاني عشان نخلص اكتشف ان الاولاني اتشرخ منه البربريز من ورا قاعده المرايه و هوا بيركبها في الاول خالص و مكانتش باينه و لسه بخرجه بره اتشرخ بالطول من النص فا غيرته تاني بواحد انضف من الاولاني

خلاصه التجارب اللي فاتت كلها ان الصنيعيه في مصر قادرين يجيبوا اي عربيه عاليها واطيه
و المصيبه الاكبر في ده كله ان ربنا رزقني بميكانيكي ابن حلال علم و ادب و اسعاره تحفه هوا اللي اكتشف حاجات كتير غلط في العربيه و عدل غلطات الصنيعيه اللي قبله بس للاسف اتسجن 6 شهور في قضيه مشاجره ههههههه
مش بقولكم مصاب في النوبيرا بتاعتي هههههههه

[bluemail]

ربنا يعينك
انت المفروض كنت دبحت حاجه لله الاول علشان ربنا يكرم
عموما خير ان شاء الله والواحد ما بيتعلمش ببلاش

[midogad331]

معلش انشاء الله خير

[homos_loz]

الحمد للة على كل شيء

[tarek_2005]

ربنا يعوض عليك

[FAR!D]

الحمد لله

[medo_1s]

على ربنا معاك ويسترها عليك بس تقريبا والله اعلم ده كل حال النوبيرا اللى فى البلد لما تغير رجل اللى راكبها انا عملت كده معايه فى الاول بس دلوقتى الحمد لله ماشية كويس اصبر واحتسب وربنا هيكرمك ان شاء الله

[pepo2011]

الحمدلله انك بخير -- ولايهمك المهم انك ظبطها وخلاص

[FAR!D]

ديه عشره 4 سنين و مربيها على الغالي والله

[heshamfathi]

مصاب ايه بس امال لو حكتلك على الانوس بتاعتى حتقول ابه بس