طرمبة بنزين نوبيرا

[sabbourh]

صباح الفل عليكم و جمعه مباركه ان شاء الله
سؤال لاصحاب الخبره
عوامة طرمبة البنزين عندي باظت مؤخرا , و بقت لمبة البنزين بتنور و العربيه فيها بتاع 15 لتر
المهم قطعت بنزين مني و دخلت افول فوجئت انها فولت على 30 لتر و هي المفروض 55

سألت قالولي ان طرمبة البنوين ممكن تفصل حتي لو العربيه فيها بنزين و السبب ان العوامه مش بتدي قرايه صح و نصحوني اغير طرمبه كامله بالعوامه بتاعتها اصلي

هل الكلام ده صحيح؟ هل فعلا الطرمبه ممكن تفصل و العربيه فيها بنزين؟ و لا ايه
افيدوني الله يكرمكم
و السلام عليكم

[modyegypt]

قوالله انا تجربتى سيئة مع الطرمبة
انا اشترت اللى 350 جنية وقرفانى فى القراية
اهم حاجة الماتور ..... والعوامة بتتباع لوحدها بس ظبتها عند كهربائى نظيف

[hi_nmr]

العوامه ملهاش علاقه بالطرمبه
الطرمبه طول ما في بنزين هتشتغل حتي لو العوامه بايظه خالص
لا العوامه ليها علاقه بالطرمبه ولا الطرمبه ليها علاقه بالعوامه

[sabbourh]

افادكم الله
طب ممكن تفهمني ازاي العربيه تقطع بنزين و تفول 40 لتر بس؟
مش كده المفروض ان لسه فيها 15 لتر تمشي بيهم؟ ايه الي خلاها تفصل
و شكرا لردك

[sabbourh]

مغيرها مرتين و كل مره بحاله شكل
مره المؤشر يتطلع فوق حرف الاف بمراحل لما تفول و لما تفضي ينزل لنص التانك
و مره العكس لما تفول يدي نص تنك و بمجرد ما تمشي 100 كليو تدي فاضي و اللمبه تنور
و كل كهربائي اروحله يفتي في حاجه شكل

[alassaby5]

بص يا بيه علشان تعرف العربيه فولت كام لازم تتفول لحد الزور يعنى تشوف البنزين بعينك على مدخل البنزين لان بتوع البنزينات اول السدس يفصل يشيل المسدس ويقول لك تمام

[kaza]

ماخذ البنزين للطلمبة عالي ومحتاج ينزل لتحت وممكن يكون عاكس الخراطيم وبياخد من الفايظ اللي ماسورتة بتكون اعلي

[mhopa2440]

اظن دا سبب المشكلة عندك .... ميكانيكي كويس يقولك الطلمبة بايظة او ضعيفة ويظبطلك ماخذها من داخل التانك

وينظف العوامة بالمرة عشان تقرا تمام

ماخذ البنزين للطلمبة عالي ومحتاج ينزل لتحت وممكن يكون عاكس الخراطيم وبياخد من الفايظ اللي ماسورتة بتكون اعلي

[midogad331]

التانك المفروض ٦٢ لتر ومفيش علاقة بين العوامة وعمل الطرمبة

[sabbourh]

التانك المفروض ٦٢ لتر ومفيش علاقة بين العوامة وعمل الطرمبة

ده المفروض
انما لما غيرته بواحد جديد بنفس مقاس القديم بالظبط خد 55 لتر بس
و فول لاخره تماما
استغربت جدا بس هو ده الي خصل عندي

[مصطفى-حسن]

1 - مفيش علاقة بين العوامة واداء الطرمبة لو مفيش عوامة فى لعربية الطرمبة هتشتغل عادى
2 - ركب عوامة جديدة واعمل لها ايدل لرن
3 - وانت فاكك الطرمبة عن الكهربائى خلية يبص لك على الفلتر اللى قدام الموتور اللى فى قلب الطرمبة

[sabbourh]

1 - مفيش علاقة بين العوامة واداء الطرمبة لو مفيش عوامة فى لعربية الطرمبة هتشتغل عادى
2 - ركب عوامة جديدة واعمل لها ايدل لرن
3 - وانت فاكك الطرمبة عن الكهربائى خلية يبص لك على الفلتر اللى قدام الموتور اللى فى قلب الطرمبة

ايه الايدل ليرن ده؟؟؟؟ فسر الله يكرمك :)

[مصطفى-حسن]

ايه الايدل ليرن ده؟؟؟؟ فسر الله يكرمك :)

1 - فك الطرمبة وطلعها برة التانك
2 - افتح الكونتاك
3 - ارفع العوامة بايدك للاخر خالص واستنى لما المؤشر يترفع بردو فى التابلوة
4 - نزل العوامة للاخر خالص واستنى لما المؤشر برضو ينزل فى التابلوة
5 - كرر نفس الحركتين 3 مرات
6 - قفل كل حاجة زى ما كانت