دايو لانوس

[mahmoudkhalil]

السلام عليكم
انا شارى دايو لانوس 2002 اول مره اسوق استهلاك الينزين عندى 135 كم فى الصفيحه
ده عادى ولو مش عادى اعمل
وهل ضبط الكمبيوتر ليه دخل (ايدل ليرن)

[مصطفى-حسن]

الاول احسب معدل استهلاك البنزين والطريقة كالتالى
1 - مون من بنزينة محترمة لحد اول تكة فى المسدس
2 - امشى مشوار فى طريق مفتوح بدون تكييف على سرعة ثابتة او متوسطة 90كم (مش اقل من مشوار 70 كيلو)
3 - ارجع نفس البنزينة ومون لحد اول تكة فى المسدس
4 - اقسم اللترات على عدد الكيلوهات المقطوعة هتعرف معدل الاستهلاك بالظبط

[mhopa2440]

هو نفس اللي فات بس هتقسم الكيلوات على اللترات عشان تعرف اللتر بيعمل كام كيلو وتضربه في 20 دا بيكون معدل الاستهلاك ف الصفيحة

بس ف الاساس انت مقلتش انت بتسوق ازاي والزحمة اخبارها ايها ومشاويرك كبيرة ولا صغيرة ومعدل السرعة اللي بتمشي بيها والغيار اللي بتمشي عليه وكمية المطبات والفرامل والطلعات وبتنقل على ار بي ام كام دي كلها عوامل ليها علاقة مباشرة باستهلاك البنزين وملهاش اي علاقة بالموتور

اما الموتور خفيف ولا الكبس تمام الرشاشات كويسة ولا في تسييل وغيرت بوجيهات واسلاك بوجيهات قريب واخر مرة كان امتى ولمبة التشك عندك منورة ولا ايه

[mahmoudkhalil]

استهلاك الانوش

الطرق عندنا مليانه مطبات مغيرت من اول مشتريت غير الزيت وسير الكاتينه
بس
بستخدم بنزين 80
عملت انهارده ايديال ليرن
البوجيهات والرشاشات مكشفتش عليهم