الماتور مش ثابت

[ramyraby]

يابشوات مشاء الفل
لو سمحتم عندي العربية لانوس موديل 99 عادي لما بتكون دايرة على السلانسة الماتور مش بيكون ثابت بمعني انها تحث انها هتطفي وبعدين تظبط بس تاثير بسيط ولكن انا ملاحظه مع اعلم ان لمبه التشك مش بتنور وتمام يراى اعمل اية حطتها على الجهاز مابينش اي حاجة وقالي جميع الحساسات سليمة

وشكرا لكم جميعا

[مصطفى-حسن]

اكتر من حاجة تعمل الحركة دى
1 - الراس بتاعة حساس الايدل عايزة تتنضف
2 - فلتر بنزين مكتوم
3 - طرمبة بنزين بتشاور عقلها

[Abo_Mazen]

الإسبراتير مربوط كويس ..ممكن يكون الإسبراتير عايز يتضبط ..وبعدين سحبها إيه ظروفه ..وتجميعها في الجري إيه ظروفه

[مصطفى-حسن]

الانوس مفيهاش اسبراتير

[ramyraby]

طيب يا مصطفي باشا اشكرك جدا على سرعة ردك وتجاوبك معايا وانا هروح اغير الفلتر وانضف الحساس ويبقى الطلمبه لو اتكدت انها هغيرها بس يارب المشكلة تتحل

ولك مني جزيل الشكر والتقدير

الاخ m_m_sh_a شكرا ليك ورمرورك الكريم

[tarek_2005]

خلي بالك المكنة بتتغير عدد لفاتها ولا لاء لو بتتغير ابداء بالي قالك عليه الاستاذ مصطفي وبعدين بوجيهات واسلاك وبوبينة يعملوا نفس العيب
لو مبتتغيرش عدد اللفات ممكن يكون قاعدة موتور

[ramyraby]

معش يا استاذ طارق انا اسف يعني اية (مكنة بتتغير عدد لفاتها) اشوفها ازاي دي

[مصطفى-حسن]

يقصد لو الاربى ام ثابت لكن المكنة بترعش يبقى تبص على قواعد الماتور
لكن لو الاربى ام متارجح يبقى زى ما بنقول

[ramyraby]

ماشي يا مصطفي باشا الف شكر ليك

[ramyraby]

صباح الفل يا بشوات

انا غيرت السلك والبوجيهات والطلمبة والفلتر ومازالت المشكلة قائمة العربية ماتورها مش مظبوط وبعلي ويوطي وكأنة هيطفي بالاضافة الي انها فعلا احيايا تطفي وتدور تاني بصعوبة بالغة

لمبة التشك مش بتنور وسليمة طبعا اللمبة
حطتها على الجهاز قالي مافيش حاجة باينة على الجهاز

واحد ميكانينكي قالي عايزة مسترة ورشاشات اية رايكم يا محترمين ؟ اغيرهم ولا اية

[AHMADALY1999]

هى بتدور بصعوبة الصبح ؟
و قبل ما تغير الرشاشات اعملهم تنظيف الترا سونيك و حيبان ادائهم على الجهاز ب 100 ج فى ساعة واحدة

[ramyraby]

اعملة عند مين فالحرفيين يا باشا لو تكرمت
انا سمعت عن واحد سوري الناس بتشكر فية ناحية النهضة جنب الححرفيين بس مش عارف حد كويس لو تعرف ياريت تفيدني وتشكر على مرورك الكريم

[Mecha]

الرشاشات تدي دخنه سوده او تبرجل مع الحمل .اتاكد الشرارة قويه علي البوجيهات الجديده يعني موبينة وسلك تمام ,اتاكد مفيش تهريب فاكيوم وحساس الماب تمام.

[AHMADALY1999]

فعلا جرب موبينة فى 5 د لو هيا السبب اشتريها لو مش السبب سيبها
و فعلا اتاكد ان مفيش تنفيث هوا من جسم البوابة او فى بوش فى الاكس و الباب او اى خرطوم مقطوع او سيرفو الفرامل او خرطومه
و خلى الرشاشات اخر شكوكك

بس على العموم انا من الاسكندرية و لما عملت الرشاشات و كشفت كنت فى القاهرة و عملتها فى شارع السودان عند ورشة اسمها الرضا و النور راجل محترم جدا و فاهم و الموضوع كله بتاع ساعة و 100 ج

بس باكد عليك تانى خلى الرشاشات اخر شكوكك

[ramyraby]

هجرب موضوع السيرفوا زي ما حضرتك قولت وكمان قالي علية الاخ مصطفي حسن واشوف ودعواتكم