إعـــــــلان

Collapse

.

,
See more
See less

عملت حادثة بالعربية الجديدة

Collapse
X
 
  • Filter
  • الوقت
  • Show
Clear All
new posts

  • عملت حادثة بالعربية الجديدة

    قدر الله ماشاء فعل . لسة جايب شيفرولية لانوس 2014 ماشية 7 الاف كيلو . عملت حادثة على الدائري كنت ماشي وسواق نقل حسبى الله ونعم الوكيل فيه خبطنى من الرفرف الشمال خلى العربية تلف مني زي خمسة كدة واترزعت فى السور الى ف نص الدائري وخلى العربية اترزعت من ناحية الرفرف اليمين والرزعة جامدة و و الدنجل الخلفى اتعوج والمقاصات قدام اتعوجت . دلوقتى انا حوارات التامين والمراكز سالت قالولى هتتكلف 10 ل 15 الف جنيه . وهدفع وبعدين هاخدها من التامين وانا مش معايا المبلغ ده وفى نفس الوقت محتاج العربية ومش هستنى كل ده .. دلوقتى ميكانيكى قالى هعملهالك ب 4 الاف بس سمكرة ودوكو ب 1500 والميكانيا والعفشة 2500 .. والحاجات الى عايزاها مني :
    دنجل خلفى
    اكصدام خلفى
    فانوس خلفى يمين
    كشاف امامى يمين
    شنب يمين
    مقاصات امامي ..

    اية رايكو ياجماعة ؟ ..

    ياريت تساعدوني

  • #2
    لا حول ولا قوه الا بالله
    اولا بنا يعوض عليك ان شاء الله
    والحمد لله انك بخير
    ثانيا لو تعرف تستلف المبلغ ده وبعدين لما تخلص الحوار ده والفلوس ترجع تبقي تردها يبقي افضل طبعا
    لان انت لو عملت الشغل ده بره هتشيله انت والعربيه كده هتخرج من الضمان
    لو ماعرفتش تستلف المبلغ ده من اى حد يبقي تشوف مركز محترم ولازم تسال اكتر من حد علشان تعرف فرق السعر كام
    انت اولي بالفلوس اللي هتوفرها
    وماتخليش اي حد يشتغل في العربيه لو مش واثق انه صنايعي كويس
    في ناس بتشكر جدا في مركز صيانه سبيد سيرفس هنا في المنتدي
    ربنا يعينك ويعوض عليك ان شاء الله

    Comment


    • #3
      سعر الحجات دي برة هتعمل ف حدود 1000 بدون الدنجل ممكن يخش ف 1500 او اقل

      وممكن تعمل العفشه الاول ومش هياخد المبلغ ده كله انتا معندكش غير مقصات قدام و الدنجل


      يعني اقصي حد 500 جنيه عند عفشجي محترم

      وهيكون فاضل السمكرة والدوكو ودول مش متأكد منهم يعني عربيتك تخلص ب 4000 بقطع الغيار

      وعربيتك سهله مش محتاجه مركز صيانه او توكيل الا لو مش هتدفع مبلغ كبير ف التامين

      Comment


      • #4
        المشاركة الأصلية كتبت بواسطة karim kemo مشاهدة المشاركة
        سعر الحجات دي برة هتعمل ف حدود 1000 بدون الدنجل ممكن يخش ف 1500 او اقل

        وممكن تعمل العفشه الاول ومش هياخد المبلغ ده كله انتا معندكش غير مقصات قدام و الدنجل


        يعني اقصي حد 500 جنيه عند عفشجي محترم

        وهيكون فاضل السمكرة والدوكو ودول مش متأكد منهم يعني عربيتك تخلص ب 4000 بقطع الغيار

        وعربيتك سهله مش محتاجه مركز صيانه او توكيل الا لو مش هتدفع مبلغ كبير ف التامين
        انا فعلا بدأت النهاردة فيها بس المشكلة كانت فى الدنجل مش لاقيه خالص جديد فجبت واحد استيراد وربنا يسامحنى على الجريمة دي

        بس الدنجل فاضي وكل حاجة اتركبت عليه حاجات العربية الزيرو .. الميكانيكى فضل يقنع فيا ساعة ان الاستيراد زي الجديد مفيش فرق .. ومعلش اخوك ملهوش فى العربيات اوى ومش بيفهم فيها

        كلام الميكانيكى ده صح ولا بيشتغلنى ؟؟

        Comment


        • #5
          المشاركة الأصلية كتبت بواسطة ayman sayed مشاهدة المشاركة
          قدر الله ماشاء فعل . لسة جايب شيفرولية لانوس 2014 ماشية 7 الاف كيلو . عملت حادثة على الدائري كنت ماشي وسواق نقل حسبى الله ونعم الوكيل فيه خبطنى من الرفرف الشمال خلى العربية تلف مني زي خمسة كدة واترزعت فى السور الى ف نص الدائري وخلى العربية اترزعت من ناحية الرفرف اليمين والرزعة جامدة و و الدنجل الخلفى اتعوج والمقاصات قدام اتعوجت . دلوقتى انا حوارات التامين والمراكز سالت قالولى هتتكلف 10 ل 15 الف جنيه . وهدفع وبعدين هاخدها من التامين وانا مش معايا المبلغ ده وفى نفس الوقت محتاج العربية ومش هستنى كل ده .. دلوقتى ميكانيكى قالى هعملهالك ب 4 الاف بس سمكرة ودوكو ب 1500 والميكانيا والعفشة 2500 .. والحاجات الى عايزاها مني :
          دنجل خلفى
          اكصدام خلفى
          فانوس خلفى يمين
          كشاف امامى يمين
          شنب يمين
          مقاصات امامي ..

          اية رايكو ياجماعة ؟ ..

          ياريت تساعدوني
          قدر الله وما شاء فعل
          اهم حاجه سلامتك

          Comment

          Working...
          X