ارغب في شراء لانوس ولكن ..

[OneMeteoR]

السلام عليكم ورحمة الله

ببساطـــــة
انا عايز اشتري عربية

وبفكر اشتري واحدة من دول :

( لانـــــــوس - فــيـــرنـــا - أسبرنــــــزا )

اعتقد ان الثلاث عربيات اللي فاتوا في نفس التمن تقريبا و لكن

اللانـــوس : مشكلتي معاها انها واطية شوية و مفيهاش كماليات فخمة زي الصيني

الفيرنـــــا : طبعا منتشرة جدا و لكن برضوا واطية اوووي و اعتقد انها خفيفة ع الطريق

أسبرنـــــزا (انفــي - m11) : طبعا صيني ولما نقول صيني ع طوول نقول الاسوأ و ان كانت منتشرة و سعرها مناسب و بها كماليات اكثر و الشكل افضل و لكن هتفضل برضوا صيني


انا عايز اشتري عربية تستحمل السفر و فيها كماليات كويسة و تعييش و لو حبيت ابيعها مخسرش جامد

ارجو منكم ان تساعدوني ع الاختيار
ولو في حد ليه اي تجربة مع اي عربية من اللي انا ذكرتهم يبقي تمام

[W.eltayeb]

السلام عليكم ورحمة الله وبركاته

والله يالحبيب انا مش خبرة في العربيات ولا حاجه بس بعشقها :))
حبيت بس أقولك رأيي، اذا بتفكر في الصيني مش ال BYD صالونها أوسع وأريح بردوا ولا ايه؟ لأَنِّي ركبت آلبي وأي دي والاسبرينزا تاكس بس ارتاحت اكتر للأولى.

اما بخصوص اللانوس فهيه معايا وبصراحة طيوبه وحبوبه جدا وإذا لا قدر الله حصلت فيها مشكله شوية نيسكافيه يفوقوها ههههههههههه.

من رأيي اختار لانوس بس طبعا انتظر رأي الخبراء وبعد المشورة عليك بالإستخااااارة وربنا يكرمك يارب بالقرار الصح وربنا يديك خيرها ويكفيك شرها مقدماً إن شاء الله.

[ابومعاذ]

ردودك تعجبنى يا الحبيبW.eltayeb
وأسلوبك محبب إلى نفسى
بارك الله فيك.

[الزعيم]

لانوس أو نوبيرا عربيه مريحه فى قطع غيارها وبرضة فيها الكماليات اللى حضرتك طالبها

[W.eltayeb]

ردودك تعجبنى يا الحبيبW.eltayeb
وأسلوبك محبب إلى نفسى
بارك الله فيك.

ربنا يباركلك يارب ياغالي
دا بس من زوقك يابومعاذ :))

[Ramy El-Deep]

انا كنت زيك كدا محتار بس اتوكلت على الله وجبت اللانوس في الحنين وعلى قد ايدك
صلى استخارة واتوكل على الله
اهم حاجة حالتها ماتور وعفشه وكهربا

[Abo_Mazen]

واضح إنك مقتنع بالإسبرانزا عشان الكماليات اللي فيها

[تامر.محمد]

رأيي , نوبيرا مستعمل او byd زيرو

[dr wael ghanem]

رايى من ناحيه الفخامه البى واد دى افخم من الاسبرانزا
اما من ناحيه الااقتصاد عليك بالدايو
من ناحيه اى حد يشاغل فيها عليك بالدايو
من ناحيه قطع الغيار بتلاقيها فى اى كشك عليك بالدايو
واهم حاجه انت محتاجها هى سعر اعاده البيع فهو موجود فقط فى الدايو
فاعتقد الدايو افضل من الانواع التانيه

[OneMeteoR]

اخواني جزاكم الله جميعا خيرا

طبعا زي ما انتوا عارفين كلكم ان موضوع شراء عربية مش سهل اليومين دول بسبب ارتفاع الاسعار

و بالتالي الواحد بيحاول يدور علي افضل الامكانيات و افضل الاسعار طبعا

انا شايف ان اللانوس هي الافضل خصوصا في قطع الغيار و اعادة البيع

بس اللانوس وطاية شوية بس باذن الله خير

انا بفكر بدل ما اشتري زيرو للانوس , اجيب واحدة لانوس مستعملة اجربها فترة و اشوفها مناسبة لموضوع السفر ولا لأ و كده

فايه رايكم .. و أسال ع ايه و ادور ع ايه في العربية عند المعاينة ؟؟

وشكرا

[salam100100]

انا كنت راكب نوبيرا 2006 وبيعتها السنه اللى فاتت
اخويا راكب لانوس 2011

الدايو قطع غيارها معقوله جدا فالسعر ومنتشره
كنت بجبها استيراد من صقر قريش (اتوستراد المعادى)

الاختلافات مابين اللانوس والنوبيرا:
النوبيرا اوسع- اريح- عزم اكتر- تكيف اقوى- شنطه اكبر- اتزان احسن

انا انصح بالدايو

[OneMeteoR]

انا حمايا معاه دايو لانوس2000 .. بس للاسف واطية
كل المطبات بتحك في العربية من تحت

ياتري كل اللانوس كده ولا ده بسبب الاستخدام

[W.eltayeb]

انا حمايا معاه دايو لانوس2000 .. بس للاسف واطية
كل المطبات بتحك في العربية من تحت

ياتري كل اللانوس كده ولا ده بسبب الاستخدام

عندك حق في حتة واطيه
ياخي الانوس قبل ما تركبها تبص عليها من بره تقول هركب جيب لأنك بتحسها عاليه
لكن أول ما تركب وبالذات إذا كنتوا ٤ في العربيه تلاقيها قلبت لامبرجيني ولزقت في الارض ههههههههه

علي فكره انا بهزر اللانوس ارتفاعها معقول وجميل، والله المطبات لو معموله صح عمرها ما هتحك
( لأني جربتها مع المطبات المحترمه فعلا مهما كانت عاليه :) )
المشكله في المطبات اللي بتتعمل بعشوائيه وحسبي الله ونعم الوكيل

[OneMeteoR]

عندك حق في حتة واطيه
ياخي الانوس قبل ما تركبها تبص عليها من بره تقول هركب جيب لأنك بتحسها عاليه
لكن أول ما تركب وبالذات إذا كنتوا ٤ في العربيه تلاقيها قلبت لامبرجيني ولزقت في الارض ههههههههه

علي فكره انا بهزر اللانوس ارتفاعها معقول وجميل، والله المطبات لو معموله صح عمرها ما هتحك
( لأني جربتها مع المطبات المحترمه فعلا مهما كانت عاليه :) )
المشكله في المطبات اللي بتتعمل بعشوائيه وحسبي الله ونعم الوكيل

اللانوس عربية جميلة و اثبتت كفائتها من زمان
لكن برده امكانيات ضعيفة و اداء معقول

الواحد محتاج شوية اوبشنز علشان موضوع السفر المتكرر

عموما الواحد الافضل ما يجبش عربية و يقضيها ميكروباصات و خلاص :)

[taysir2010]

انا معايا لانوس 2 من 2002 وموضوع الوطو بتعها انا عاجتوا بحجتين غريبة
اولا جنت 14ظ60ظ185
ثانيا مسعدين منرو بس ياريت يكون اسباني وحاحطط صدادات كبير ضعف الي ركبين تقريبا
فانا حاسس انها مبقش واطية وكمان احساس مختلف في الثبات علي الطريق
اي خدمة