استشاره من عمالقه القسم

[FAR!D]

لو سمحتم يا حضرات
عربيتي نوبيرا 99 1500 2 كامه
العربيه سفاحه بنزين بمعنى الكلمه ...استهلاكها عدى الحدود
السحب تمام و الفلاتر و الصيانة لسه من قريب
العربيه مبتغبش في الدواره لو سخنه الا ناااادر
لو كبست بنزين مره واحده و عدد اللفات واطي تحت ال2.5 مثلا الاستجابه بتكون ضعيفه
انا شاكك في الرشاشات اولا و حساس الشكمان ثانيا
حساس الشكمان لما كشفت عليه بالكمبيوتر قرايته مابين 200-800 ملي فولت متغيره عشوائيا و بسرعه
و الرشاشات بتاعتها عمره ماغيرتها قبل كده
حد عنده تحديد للمشكله ؟
مستني رأي العمده محمد ممدوح و باقي الاعضاء الافاضل

[Mohamed K.Anis]

انا عندى نفس المشكله دى فى بيجو 406 بتعمل 90 كيلو في الصفيحه و ناس كتير قالولى حساس شكمان

في دخان اسود بيطلع من الشكمان لما بدوس بنزين جامد مره واحده ؟

[FAR!D]

في دخان اسود بيطلع من الشكمان لما بدوس بنزين جامد مره واحده ؟

لأ

[dr wael ghanem]

على حسب معلوماتى اللى يخلى العربيه تاكل بنزين بالشكل ده حساس الشكمان فيه مشكله

[مصطفى-حسن]

جرب تشيل فيشة الحساس وتمشى من غيرها كام يوم وساعتها هتعرف تميز دة عيب حساس ولا عيب رشاشات

[FAR!D]

جرب تشيل فيشة الحساس وتمشى من غيرها كام يوم وساعتها هتعرف تميز دة عيب حساس ولا عيب رشاشات

نفس فكره سلوك الموبينه ؟
يعني لو خلعت الحساس و الوضع ما ساءش اكتر يبقي هوا السبب و لو الاستهلاك زاد اكتر و اكتر يبقي سليم ؟

[مصطفى-حسن]

ولو عايز تعرف اكتر مع دوسة البنزين الجامد حتى لوالعربية واقفة هتلاقى دخنة سودا يبقى حساس الشكمان

وبصفة عامة اعراض تلف حساس الشكمان
1 - استهلاك عالى فى البنزين
2 - دخنة سودا لا تنقطع مع الدوسة الجامدة حتى لوالعربية واقفة
3 - لمبة التشيك بتنور وتطفى لوحدها وخصوصا مع السرعات

لكن لو مفيش اى من الاعراض دى يبقى رشاشات

[hema111]

استهلاك الوقود بيتوقف على الكثير من العوامل منها على سبيل المثال وليس الحصر:
1- درجة لزوجة زيت التزييت.. فبزيادة لزوجة الزيت عما هو مقرر فى كتالوج السيارة سيزيد من استهلاك الوقود
2- حالة القابض (طقم الدبرياج) فاذا كانت حالته سيئة بمعنى انه ينزلق احيانا فده هيسبب زيادة فى الاستهلاك ايضا
3- حالة الرشاشات واذا ماكان هناك تسييل ام لا ويمكنك معرفة ذلك بفك البوجيهات واحد بعد الاخر وملاحظة اى من البوجيهات لونه أسود (مهبب بلغة الفنيين) وده معناه ان الرشاش بيسيل (كمية البنزين زيادة) ويجب تغييره.
4- حالة فلتر الهواء واذا ماكان مسدود (سحب عالى للبنزين) ام لا
5- حالة حساس الاوكسجين (حساس الشكمان) وبالنسبة لحالتك فاعتقد ان الحساس سليم لان القراءات بتاعته وصلت الى 800 ملى فولت ومن المفترض ان القراءة تصل الى 900 -950 ملى فولت وده فى حالة تسخين الحساس لدرجة الاحمرار الشديد وده ممكن يكون عند rpm عالى جدا لفترة طويلة نسبيا والاختبار ده بيتم والحساس خارج السيارة والاختبار موجود فيديو على يوتيوب.

واخيرا اتمنى لك التوفيق وعلاج المشكلة بسرعة.

[FAR!D]

استهلاك الوقود بيتوقف على الكثير من العوامل منها على سبيل المثال وليس الحصر:
1- درجة لزوجة زيت التزييت.. فبزيادة لزوجة الزيت عما هو مقرر فى كتالوج السيارة سيزيد من استهلاك الوقود

#بستخدم شل 5000 كم و جربت تقريبا جميع انواع الزيوت و المشكله مستمره
********************************
2- حالة القابض (طقم الدبرياج) فاذا كانت حالته سيئة بمعنى انه ينزلق احيانا فده هيسبب زيادة فى الاستهلاك ايضا

#استأذنك توضيح معنى انزلاق لان السحب كويس لكن لو كبست بنزين جامد على rpm عالي بحس برجرجه خفيفه
*******************************
3- حالة الرشاشات واذا ماكان هناك تسييل ام لا ويمكنك معرفة ذلك بفك البوجيهات واحد بعد الاخر وملاحظة اى من البوجيهات لونه أسود (مهبب بلغة الفنيين) وده معناه ان الرشاش بيسيل (كمية البنزين زيادة) ويجب تغييره.

#البوجيهات دايما وطول عمرها من ساعت ماجبت العربيه بتخرج نضفيه جدا تدل على ان الحرق ممتااااز
*******************************
4- حالة فلتر الهواء واذا ماكان مسدود (سحب عالى للبنزين) ام لا

#الفلاتر على طول بتتغير و بتتنضف و الاستهلاك العالي مستمر حتى لو الفلتر لسه جديد
*******************************
5- حالة حساس الاوكسجين (حساس الشكمان) وبالنسبة لحالتك فاعتقد ان الحساس سليم لان القراءات بتاعته وصلت الى 800 ملى فولت ومن المفترض ان القراءة تصل الى 900 -950 ملى فولت وده فى حالة تسخين الحساس لدرجة الاحمرار الشديد وده ممكن يكون عند rpm عالى جدا لفترة طويلة نسبيا والاختبار ده بيتم والحساس خارج السيارة والاختبار موجود فيديو على يوتيوب.

#الكشف تم و العربيه مكانتش مشيت مشوار طويل و طبعا على المور دايره فقط و متوقفه

واخيرا اتمنى لك التوفيق وعلاج المشكلة بسرعة.

ردي على حضرتك داخل الاقتباس و متابع ردك

[FAR!D]

ولو عايز تعرف اكتر مع دوسة البنزين الجامد حتى لوالعربية واقفة هتلاقى دخنة سودا يبقى حساس الشكمان

وبصفة عامة اعراض تلف حساس الشكمان
1 - استهلاك عالى فى البنزين
2 - دخنة سودا لا تنقطع مع الدوسة الجامدة حتى لوالعربية واقفة
3 - لمبة التشيك بتنور وتطفى لوحدها وخصوصا مع السرعات

لكن لو مفيش اى من الاعراض دى يبقى رشاشات

معنديش دخنه خالص يا مصطفى و لمبه التشيك مبتنورش اطلاقا على نحو غير طبيعي

[FAR!D]

بصوا يا شباب
انا قدرت احدد المشكله فين
المشكله في الرشاشات ...اتصرفت في جهاز كشف اعطال من ميكانيكي صديقي و بصيت على زمن البخ بتاع الرشاشات على السلانسيه بيوصل ل 3.6 و 4.4 ملي ثانيه و ده كتير جداااا بالنسبه للطبيعي و قرايات حساس الشكمان مظبوطه
الجدول اهوه يمكن ينفع حد فيكو زي مانفعني بس افتكروني بدعوه
ليا و لمحمد ممدوح اللي كان مديني الجدول ده زمان
اول علامه حمرا ديه لحساس الشكمان و التانيه للرشاشات

[hema111]

الحمد لله انك قدرت تحدد المشكلة فين... وعقبال ما نباركلك على الاصلاح ...بس لى طلبين منك ....
1- أريد معرفة استهلاك السيارة داخل المدينة كام وعلى الطريق السريع كام يعنى لتر البنزين يمشى العربية كام كيلو متر قبل الاصلاح وبعد الاصلاح ؟
2- عداد العربية حاليا عامل كام كيلو متر تقريبا؟
أما بالنسبة للرشاشات فيه عندك رشاشات الBMW m40 ودى فى أعضاء كتير من المنتدى بيشكروا فيها جدا وعندك ايضا رشاشات الاوبترا ودى هاتجدها اقرب الرشاشات لرشاشات العربية اللى معاك لان العربية اللى معاك دى نوبيرا كورى وأعتقد انها نوبيرا بريميم 1500 سى سى مو99
وبالتوفيق فى الاصلاح ان شاء الله

[FAR!D]

1- أريد معرفة استهلاك السيارة داخل المدينة كام وعلى الطريق السريع كام يعنى لتر البنزين يمشى العربية كام كيلو متر قبل الاصلاح وبعد الاصلاح ؟
دلوقتي قطعت مسافه 213 كم على سرعه 150كم و استهلكت بما يوازي 11 كم لكل لتر
2- عداد العربية حاليا عامل كام كيلو متر تقريبا؟
165000

[hema111]

شكرا على الرد