فتيس ﻻنوس معزبنى وطلع عنية ياريت حد يفيدنى

[mena elbrashe]

ﻻنوس 2009 الغيار الاول بيعض وبيعمل صوت اكنى بدى غيار من غير دبرياج لكن لما بدى العربية الغيار التانى وهية واقفة واروح مديها الاول ما بيعملش حاجة .. الصوت بيحصل لما بدى الغيار الاول مباشر .. الميكانيكى قالى دا الدبرياج وكدا ظبطوا وزود الفتيس زيت وقعدت كام يوم ورجعت تانى.... اية الحل

[Abo_Mazen]

روح لميكانيكي تاني وخد رأيه ..وتالت ..ورابع ..وقولهم إنك شاكك في الديسك والإسطوانه ..وإسمع منهم ..مش هتخسر حاجه

[moha sasa]

ﻻنوس 2009 الغيار الاول بيعض وبيعمل صوت اكنى بدى غيار من غير دبرياج لكن لما بدى العربية الغيار التانى وهية واقفة واروح مديها الاول ما بيعملش حاجة .. الصوت بيحصل لما بدى الغيار الاول مباشر .. الميكانيكى قالى دا الدبرياج وكدا ظبطوا وزود الفتيس زيت وقعدت كام يوم ورجعت تانى.... اية الحل

- روح عند بتاع فتيسات.

[HanyManssy]

السلام عليكم
انا كان عندى مشكله زى كده من سنتين
و غيرت عقربه الفتيس

[tarek_2005]

اعمل اختبار طقم الدبرياج
راجع علي الرجلاش بتاع العصاية
راجع علي العقربة بتاعة الفتيس

[Mohamed A S]

اعمل اختبار طقم الدبرياج
راجع علي الرجلاش بتاع العصاية
راجع علي العقربة بتاعة الفتيس

ممكن بعد اذنك توضح لنا ازاي نعمل اختبار طقم الدبرياج هل احنا اللي بنعمله والا بنعمله عند الميكانيكي؟؟

للأخ السائل .. كان عندي مشكلة مع الفتيس في الغيار الثاني بيعض جامد وعصاية الفتيس كان فيها بوش .. تم تغيير العقربة واصبح الفتيس تمام حالياً.

[omaranes77]

الاختبار هو ان حضرتك وانت واقف ادي العربية تالت وجرب تطلع لو تلعت يبقي طقم الدبرياج مفوت لو بطلت يبقي سليم ....تحياتي

[tarek_2005]

اختبار طقم الدبرياج
دوس دبرياج والعربية واقفة وانقل تاني ودوس بنزين وفرامل برجلك اليمين وسيب دبرياج لو العربية بطلت يبقي الطقم تمام لو لاء يبقي الطقم بايظ

[Mohamed A S]

الاختبار هو ان حضرتك وانت واقف ادي العربية تالت وجرب تطلع لو تلعت يبقي طقم الدبرياج مفوت لو بطلت يبقي سليم ....تحياتي

اختبار طقم الدبرياج
دوس دبرياج والعربية واقفة وانقل تاني ودوس بنزين وفرامل برجلك اليمين وسيب دبرياج لو العربية بطلت يبقي الطقم تمام لو لاء يبقي الطقم بايظ

ألف شكر على توضيح اختبار طقم الدبرياج

[hon]

حضرتك انا كان عندى عضة فى الغيار الاول برضو وساعات اجيب التانى عشان الاول يجى عملت الاتى
1-ضبطنا عصايةالفتيس الرجلاش من حوض الماتور
2-أخدت هوا من دورة الدبرياج (طريقة أ/ مصطفى ظريف)
3- عملت رجلاش للدبرياج عاليته شوية من الدواسة عشان يفصل بدرى سيكة
العضة أختفت والغيار بقا بيجى سهل أكتر بنسبة 60% ولكن برضو أجمعوا الميكانيكية أنى محتاج أغير عقربة فتيس
تحياتى