برجاء الافادة بشان (دايو ماتيز)

[الحب_كله]

السادة اعضاء المنتدى المحترمين دى مشاركتى الاولى فى هذا المنتدى المحترم والذى تعلمت منه الكثير دون مشاركات عن الماروتى
اول عربية فى حياتى كانت الماروتى اشتاريتها واخدت اكبر مقلب فيها صحيح علمتنى كتير لاكنى لا اعتبرها عربية دى توكتوك مطور المهم مش هطول عليكو
حبيت اغير وبحكم انى عايز عربية على قد الايد وزى المثل مابيقول على قد لحافك مدد رجليك فبعت الماروتى و اتعرض عليا ماتيز 2001 شركة برة وجوا عفشة كويسة ماتور كويس تكييف شغال بس عايز يتشحن المهم خلصتها على 28000 ج من صاحبها مش من معرض وقبل اما اشتريها بحثت فى المشاركات لقيت الكلام عنها كويس من حيث التوفير فى البنزين وقطع الغيار ولكن عيبها الوحيد ضيق حوضها وده فى راييى انه مش عيب قاتل المهم اشتريتها وبصراحة فيه فرق كبير جدا بينها والماروتى

بس احب اسال الخبراء
اولا ايه رايكوا فى سعرها مناسب ولا لاء
ثانيا ملاحظ عليها حاجة غريبة انها بتستهلك بنزين كتير جدا بعكس الماروتى على الرغم من انها 800 زى الماروتى بالظبط فارجوا توضيح العيب فين بالضبط
ثالثا عند الرجوع للخلف ومع تشعير البنزين بلاقى خربطة فى العربية فهل ده كرسى ما كينة ولا دسك واسطوانة

رابعا نورها ضعيف غيرت لمباتها ب 220/260 وبرده ضعيف

افيدونى ايها الخبراء يرحمكم

الله

[pepo2011]

العربية ماشاء الله كويسة ربنا يباركلك فيها هي بس محتاجة تتظبط عند ميكانيكي كويس الرعشة في المارشلية تتعرف الميكانيكي هايعرفها اما بخصوص النور ركب كتاوت تقوية

[Abo_Mazen]

بالنسبه لإستهلاك البنزين ..إتأكد ثرموستات الكوع راكب ولا لأ..وخلي بالك إن العربيه دي 800 سي سي لكن 12 صباب ..غير الماروتي 9 صباب ..بالنسبه بقى لضعف النور حاول تنضف الفوانيس ..لإن معروف إن فوانيس الماتيز بتغير لون ولو أصلي بتتلمع عادي

[AmirSamir007]

انا كان معايا ماتيز 99 بالنسبة للسعر هو غالي شوية بس خلي بالك قطع الغيار بتعتها نادرة شوية مش عند اي حد تلاقيها

[Abo_Mazen]

انا كان معايا ماتيز 99 بالنسبة للسعر هو غالي شوية بس خلي بالك قطع الغيار بتعتها نادرة شوية مش عند اي حد تلاقيها

حضرتك من القاهره ولا إسكندريه؟؟؟؟

[الحب_كله]

شكرا لكل من رد

[الحب_كله]

بالنسبه لإستهلاك البنزين ..إتأكد ثرموستات الكوع راكب ولا لأ..وخلي بالك إن العربيه دي 800 سي سي لكن 12 صباب ..غير الماروتي 9 صباب ..بالنسبه بقى لضعف النور حاول تنضف الفوانيس ..لإن معروف إن فوانيس الماتيز بتغير لون ولو أصلي بتتلمع عادي

انا معاك بس هى over جدا فى الاستهلاك معايا يعنى الماروتى كنت بمونها كل 5 او 6 ايام اما دى بمونها دلوقتى كل يومين او 3 وعلى نس المسافة نضفت الفوانيس ومفيش فايدة
فيه اخ شارك وقال كتاوت تقوية هى فيها الكتاوت بس هل ممكن الكتاوت تضعف او تبوظ بحيث انها ما تعطيش كفائة اللمبة

[pepo2011]

ياباشا النور 3 عوامل كتاوت ولمبات وفانوس

[AmirSamir007]

انا من القاهرة

[Abo_Mazen]

انا من القاهرة

هنا في إسكندرية حاجات الدايو وان اللي هي لغاية 99 ماليه الدنيا
..وكل ما تسأل على حاجه خاصة بالماتيز تو يقولك روح القاهره ..

[asas630]

بالنسبة لاستهلاك البنزين راجع علي حساس الشكمان

[AmirSamir007]

ماتيز وان 99 ملهاش حاجه في القاهرة ( معظمة استيراد ومش قد كده)

[Abo_Mazen]

ماتيز وان 99 ملهاش حاجه في القاهرة ( معظمة استيراد ومش قد كده)

طيب ما هنا برضه كل حاجتها إستيراد ..والجديد اللي بيركب عليها بتاع السبارك لايت ..بس المشكله عندنا هنا في إسكندرية في الماتيز تو ..ملهاش حاجه أصلا ..لا جديد ولا قديم ..غير برضه الحاجات المشتركه مع السبارك لايت

[Mecha]

لو هتقارن ماروتي بالماتيز ,الماروتي تكسب

[Abo_Mazen]

لو هتقارن ماروتي بالماتيز ,الماروتي تكسب

إقتصاديا وإنتشاريا ..الماروتي تكسب ..لكن نعومه ورقه وشكل ..الماتيز تكسب