جوان غطاء حلة الماتور بيجيب زيت

[احمد الصباغ]

بسم الله الرحمن الرحيم
الاخوه الكرام
عندى لانوس 2005
الماكينة من فوق بتجيب زيت الميكانيكى قالى هو السبب جوان غطاء حلة الماتور ودا الاصلى ولو غيرناه الجديد وحش وهيجيب زيت اكتر وافتكر انى قولتلك
وفعلا صممت وغيرته النتيجة ان كلام الميكانيكى طلع صح الزيت بقى يرشح اكتر ومش عارف انهى الموضوع دا ازاى
ياترى حد عنده فكره
وشكرا للجميع
سلام

[heshamzn]

عندى نفس الازمة فى الاوبترا 2008 اوتوماتيك وسايبها كدا لما نشوف اخرتها انا بحثت ع النت لقين ناس بتقول تغير مسمار غطا التاكيهات بواحد اطول حاجة من دى بس دا الى ممكن اجربه وع العموم الزيت عندى بينقص بس مش بشكل كبير لكن هى مشكلة مقلقة فعلا جرب يا اخى غير المسامير كدا وقلى ايه النتيجة

[Abo_Mazen]

والله أنا قريت مشاركات لناس هنا كانوا بيتكلموا في جوان غطا تاكيهات أصلي..مش فاكر كانوا بيقولوا نوعه جي إم تقريبا وكان سعره بيوصل ل 120 جنيه ..أنا بتكلم عن مشاركات لناس هنا أنا قاريها ..أتمنى إن هما يدخلوا بنفسهم ويدوا إفادة من عندهم أكيد هتكون أحسن ..والمشكله بتتحل علطول ..ده مع الإعتبار إن الغطا كويس وجميل ومش مقفع

[مصطفى-حسن]

انا مش فاهم يعنى اية جوان غطا حلة الموتور

على العموم لو قصدك على جوان غطا التاكيهات يبقى هتغيرة بواحد اصلى رفيع ويركبة بدون سيلكون بس لو فية فتحة الجلبة المعدن بتاعتها مش راكبة يبقى هيفضل يجيب زيت ولوفية شرخ يبقى هيفضل يجيب زيت والحل بيبقى تغيير الغطا نفسة

[احمد الصباغ]

الف شكر للجميع
بس بالنسبة للأخ مصطفى هو ايه اانواع الجوانات وأجيبه منين الاصلى دا

[مصطفى-حسن]

بجيبة من التوفيقة من عند ابراهيم البنا او عزيز سليمان وسعرة كان فى حدود 50ج على ما اذكر وبعد ما تركبة ابقى تابع كل يوم عشان الحاجتين اللى قلت لكم عليهم

[i_samy]

أنا كمان عندى نفس المشكله
لو حبيت أغيره انا ... أجيب مفتاح كام ... وهل طريقة تغييره محتاجه فنى شاطرا ولا الموضوع ابسط من كده

[heshamzn]

انا ركبت الجوان الاصلي كان ب 100ج عندنا كورى اصلي من دمياط وانا سيارتى اوبترا اوتوماتيك 2008 والموتور لسه عليه زيت بس لمبه الزيت مش منوره واحد ميكانيكي قالى سيبها لما تنور تبقى تزود زيت وخلاص ومتشغلش بالك وامشي بيهاع ادى لكن انا بفكر فى موضوع تغيير الغطا كله زى مالاخ بيقول يا ترى بكام الغطا كله وهل موجود للاوبترا ومتوفر ؟ بسهولة

[مصطفى-حسن]

أنا كمان عندى نفس المشكله
لو حبيت أغيره انا ... أجيب مفتاح كام ... وهل طريقة تغييره محتاجه فنى شاطرا ولا الموضوع ابسط من كده

بيبة 10 وتربط من الاطراف الاول وبعدين من الوسط

[احمد الصباغ]

طيب سؤال اخير
ياترى بيحتاج فى تركيبه سيلكون حرارى ولا لأ
وشكرا ع الاهتمام
سلام

[مصطفى-حسن]

الاصلى مش بيحتاج اى حاجة فقط نضف وركب