سؤال لاهل الخبرة

[eisaa100]

السلام عليكم ورحمه الله
لاهل المنتدى الافاضل اللذين تعلمت منهم كل شئ لو انا ماشى بالعربية بسرعه 100كم مثلا وعلى الغيار الخامس لو هديت لسرعه40كم ولسه ع الخامس وبعدين عاوز ارفع السرعه تانى 100كم ومش مستعجل يعنى الطريق فاضى انزل للغيار التالت ثم الرابع ثم الخامس ولا استنى ع الخامس زى مانا ايهما افضل للسياره واستهلاك الوقود
وهل لو مشيت ع الخامس بسرعه 60كم افضل ف استهلاك الوقود
معلش كده بقوا سؤالين
تحياتى لسيادتكم جميعا ووللاستاذ طارق والاستاذ ممدوح

[salam100100]

ممكن
كان معايا فيليشيا وكنت بمشى على الخامس والسرعه 60 , كان عزم العربيه قوى وبطلع من 60 ل 100 على الخامس , طبعا كانت بتاخد وقت
انا كنت بعمل كدا عشان صوت الفيليشيا خشن قوى وانا مبحبش اسمع صوت للموتور

استهلاك البنزين مش هيقل بطريقه ملحوظه لكن اكيد هيبقا معقول جدا عشان استهلاك البنزين مرتبط بعدد دورات المحرك . يعنى كل معدد دورات المحرك تزيد الاستهلاك يزيد

حس بالعربيه, لو العربيه مش بتقطع وانت على الخامس وماشى على 60 كم والموتور بيسقف
تقدر تكمل على الخامس

لو بتقطع الاحسن انقل للنقله الاقل

[eisaa100]

لأ العربييه مش بتقطع خالص بنزين 92 والعربيه لانوس

[مصطفى-حسن]

الافضل تريح الموتور فى النقلات وبالنسبة لاستهلاك البنزين مش هتحس بفرق

[Mecha]

كل غيار وله رينج السرعة بتاعته .مينفعش امشي 40 كم/س ع الخامس اللي هو اوفر دريف يعني خرج الفتيس قبل الكرونه اسرع من الكرنك. فتجهد المتور والاسطوانه .نظريا طبعا فيه توفير للبنزين لكن مش محسوس عشان في فتره بسيطه مع التلف اللي بيحصل .كل ما سرعة العربيه تزيد ,العزم المطلوب يقل والغيار يعلي .افتكر فتيس لاند كروزر الخامس باظ بسبب المشي عليه اقل من 80 كم/س

[eisaa100]

كل الشكر والتقدير انا اقتنعت ادى كل غيارحقه
الله يخرب بيت البنزين واسعار البنزين اللى هتنسى الواحد مبادئ الهندسه انتوا فوقتونى بجد من غيبوبه البنزين
تحياتى لكم ولسرعة انقاذى