حسبي الله ونعم الوكيل. لما تسيب عربيتك لازم تغطيها

[mohamed ismail]

من يومين نزلت لاقيت علي العربي بقع سودة علي الكبود والرفرفين الاماميين والاكسدام وباب السواق
في الاول افتكرتها طين
لما حاولت امسحة بالفوطة اكتشفت الصاعقة:
بيطلع بدهان العربية
توقعت انه مادة كيماوية بس مين اللي عملها؟ مش عارف؟ وليه برضة مش عارف؟
انا نفسي اسال سوال هي ليه الناس بتعمل كده؟
ليه فيه ناس دايما تحب الاذية؟
العربية 2007 ولسه مسددتش فلوسها
حسبي الله ونعم الوكيل.
انا مش عارف اعمل ايه؟
رحت التوكيل قاليي 1500 لرش الكبوت والرفرفين والباب والاكسدام
نزلت الحرفيين قالو لي 700 فيه ناس قالت حانحط معجون وناس قالت لا
انان محتار اعمل ايه
هلا من مشورة؟

[sokasoon]

• معلش يا استاذ محمد ماتزعلش وياما بنقابل من حاجات
  
  علشان كده انا دايما لما اركن العربية لفترة طويلة اغطيها
  
  وبالنسبة للحل فهو الرش بس منين او معجون ولا لا مش عارف الحقيقة

[hazem_khidr]

لا حول و لا قوه الا بالله فعلا حاجه تنرفز و تزعل انا لما بلاقي حد بيعمل كده في الشارع في عربيه اي حد بضربه لو لزم الامر و الله.ربنا يعوض عليك و رشها في الحرفيين مفيش مشاكل

[جندى مجند]

لا حول و لا قوة الا بالله ... حضرتك قبل كل شىء تذكر أنه "ما من مسلم تصيبه مصيبة فيقول كما أمره الله أنا لله وأنا إليه راجعون ، اللهم أجرني في مصيبتي واخلف لي خيراً منها إلا أخلف الله له خيراً منها" - رواه مسلم

بالنسبة للدهان أعتقد و الله أعلم الموضوع مش محتاج معجون طالما الصاج سليم مش معوج ... بس عشان تدهن من غير معجون محتاج بوهيجى نضيف و ان شاء الله الموضوع بسيط بس احرص دايماً على الغطاء و متكسلش

[Santino]

لا حول ولا قوة إلا بالله ,
ربنا يعوضك خير .
هو حضرتك مش مأمن علي العربية ؟

[sherif Anton]

مشاكل نفسية

معلش ربنا يعوض عليك ... احنا في بلد كلها عقد ومشاكل نفسية ... انا من يومين نزلت لقيت واحد مكسر لي البرابريز الامامي للسيارة ...! طبعا رحت غيرته وكلفني 350 جنيه ... هنعمل ايه ... قدرنا كده

[osama]

ربنا يعوضك خير

ربنا يعوضك خير

[osama]

عين الحسود

سبة كدة شوية عشان تأخذ العين

[Nader]

قدر الله وما شاء فعل.

حاول تنساها شوية ومتستعجلش.

[shoayman]

الحمد لله

[b]الحمد لله ان هى جت على اد كدة و ان هى مجتش فى حاجة تانية لاقدر لله بس انا فى راى ادهنها فى التوكيل طبعان حتى لو هتكلفك اكتر من 1500 انت بتقول العربية موديل 2007 ..الصنيعى مهما كان مش هيبقا ذى التوكيل ولاحتى امكانيات التوكيل على الاقل لو فى حاجة غلط متستلمش العربية لكن الصنيعية هيشحتتوك وعلى الاقل لما تيجى تبيع فيوم من الايام مش هيبقى فى مشاكل ان شاء لله ولو فى تامين مفيش مشاكل ان شاء لله

[Karim_Monir]

لاء طبعا خليك في التوكيل عشان هما عارفين درجة اللون بالظبط
وحاول تصورها قبل ما تترش عشان لا قدر الله لو حبيت تبيعها يبقي متشاف انها مش خبطات
وحاول تخلي التوكيل يكتبلك ده في الفاتورة بتاع الرش
تم الرش ولكن ليس نتيجة خبطات عشان قيمة العربية ما تنزلش جامد
قدر الله وما شاء فعل
والحمد لله انها جت في حاجة بسيطة وماجاتش فيك

[Mina W]

معلش ربنا يعوض عليك ، حاول تستنى شوية، انا بقالى يومين بنزل الاقى العربية متغطية اسمنت و لفت على الجيران الكل بيقول مش انا :? ، و من اسبوع واحد ربنا يكرمه راح نقل حجر من قدام بيته و حطه تحت العربية عندى و الصبح دورات و مشيت و لقيت اللى بيحك العربية من تحت و الاكصدام اتبهدل و لسة مرحتش اكشف على العربية من تحت و انا كمان عربية لسة تمنها مخلصش و موديل 2007.

فنصيحة متستعجلش علشان النفوس الضعيفة كتير :x و لا قدر الله ممكن يبقى فى حاجات تانية فيبقى بالمرة و شكلها كده الامر ما بيسلمشى فاستنى و لم كل حاجة مرة واحدة مثلا مرة كل سنة، على الاقل ده اللى انا هاعمله.

و الله اعلم

[hazem_khidr]

اصبر عليها علي ما تاخد العين بتاعها!!!
صدقني دايما ابقي خلي الخبطه ناحيه الشارع و ما تحاولش تداريها علشان اللي رايح و اللي جاي يشوفها يقوم ما يحسدهاش .و كل يوم اقرأ الموعذتين و الاخلاص الصبح تلات مرات و دعاء السفر و ربنا حيسترها معاك

[mohamed ismail]

الف شكر يا رجاله علي ردودكم اللي صبرت الواحد شوية
انا فعلا وديتها التوكيل ورشيتها
ودفعت 1560 جنيه.
انا كنت فعلا ناوي اسيبها لكن مقدرتش اركب العربيه وهي كده مش عارف ليه
عموما الحمد لله
بس هل ده يقلل سعر العربية لو بعتها؟
م/محمد اسماعيل

[M_Abdallah]

هو أكيد هينزل من سعرها بس مش كتير لأن الرش اللي عاملته مجرد رش نظافه .مش رش بعد خبطه يعني.









________________
محمد عبدالله