محتاج مساعدتكم في تغيير كاوتش لانوس جولييت

[A.Elmosallamy]

السلام عليكم و رحمة الله و بركاته
بعد اسئلة و استفسارات كتير في المنتدى المحترم استقريت الحمدلله على كاوتش kumho ecsta spt ku31 مقاس 14/60/185 و يوم مانويت اشتري طلع عيني عشان الاقي الفردة دي و كل اللي موجود قديم اجدد واحدة لقيتها كانت انتاج اول 2012
فمحتاج مساعدتكم هل فيه انواع تانية افضل للمقاس ده ولا اتوكل على الله و اشتري الفردة دي مع العلم ان كذا محل قالي على ماركة فنلندي اسمها نوكيان الفردة شكلها محترم بس معرفش حد مجربها
مستني ردودكم عشان محتاج اغير ضروري للسفر

[mhi00002000]

كنت فى نفس موقفك بالظبط دورت عليها لاقيتها موجوة انتاج قديم وفى الاخر اشتريت هانكوك الكورى(مش الفيتنامى) - بس نصيحة ليك اطلع على غبور ابو رواش وهات من عندو كاوتش اسمو لاسا تركى وهتدعيلى

[zendo]

انا جايب الكومهو الفيتنامى وماشى بية زى الحلاوة وسافرت وجيت بية كذا مرة انا بقالى اسبوعين اهو شارية وكان انتاج 2014

[A.Elmosallamy]

طيب انا لقيت الكاوتش اللي انا دايخ عليه ده بس انتاج الاسبوع الخامس سنة 2013 و سعره 425 كده جديد ولا قديم و سعره كويس ولا لا

[shadenplast]

اخى الكريم : انا لسه مغير الكاوتش عندى نفس النقشة كوموهو اكستا كورى يوم 1/3/2015 وكانت ب 400جنيه للفرده بالفك والتركيب والترصيص وكانت انتاج 5/2014 من محل اسمه عرموشه بس انا من اسكندرية
وفعلا الكاوتش ده تحفه بمعنى الكلمه. دور عليه شويه كمان اكيد حتلاقى تاريخ حديث فى 2014

[A.Elmosallamy]

اخى الكريم : انا لسه مغير الكاوتش عندى نفس النقشة كوموهو اكستا كورى يوم 1/3/2015 وكانت ب 400جنيه للفرده بالفك والتركيب والترصيص وكانت انتاج 5/2014 من محل اسمه عرموشه بس انا من اسكندرية
وفعلا الكاوتش ده تحفه بمعنى الكلمه. دور عليه شويه كمان اكيد حتلاقى تاريخ حديث فى 2014

والله انا دوخت من كتر اللف واجدد فردة لقيتها كانت انتاج اول 2013 ب425 بالعافية

[shadenplast]

425 جم للفرده كتير مقارنه بتاريخ الانتاج اللى هو اصلا يعتبر قديم. لو حضرتك عاوز كوموهو عموما ممكن بقى تبص على النقشة التانية اللى هى سولاس kh17 ودى كانت راكبة عندى فى العربية قبل التغيير ل اكستا وكانت فيتنامى وكويسة برده

[A.Elmosallamy]

425 جم للفرده كتير مقارنه بتاريخ الانتاج اللى هو اصلا يعتبر قديم. لو حضرتك عاوز كوموهو عموما ممكن بقى تبص على النقشة التانية اللى هى سولاس kh17 ودى كانت راكبة عندى فى العربية قبل التغيير ل اكستا وكانت فيتنامى وكويسة برده

مانا اللي راكب عندي ادام solus kh17 ومش حاسس انها مميزة في حاجة زي ماحضرتك قلت كده كويسة اداءها عادي فقلت اغير و اشوف حاجة احسن و بعد اسئلة كتير الاعضاء نصحوني بecsta ku31

[kar!m]

أنا لسه مغير 185/65/14 ب 390 جنية من سمير بيومي في الدقي .. كومهو اكستا برضه

[A.Elmosallamy]

أنا لسه مغير 185/65/14 ب 390 جنية من سمير بيومي في الدقي .. كومهو اكستا برضه

الف مبروك و ربنا يسلم طريقك
متعرفش كانوا انتاج ايه ؟