الموتور بيترعش مع احمال الكهربا

[amirock]

السلام عليكم
عربيتي جوليت 2001. البطارية اي سي ديلكو 70 امبير جديدة باختصار لما بشغل انوار بالليل بحس ان الموتور بيترعش شوية و لما اشغل الازاز الكهربا بنفس القصة لما بفصلهم بيرجع وضع الموتور طبيعي.
امبارح عملت صيانة للتكييف فلما بشغلة الرعشة بتاعة الموتور زادت اوي ويكاد تكون العربية حتبطل لما افصل التكييف ترجع طبيعية

يا ريت لو حد قابلة المشكلة دية. و جزاكم الله خيرا

[aymanshebl]

المشكلة فى الدينامو اكشف عليه

[amirock]

المشكلة فى الدينامو اكشف عليه

باشا حضرتك متاكد؟ لان انا لسة مغير البطارية و كشفلي علي الدينامو قاللي تمام

[aymanshebl]

هو طبعا مافيش تاكيد بس احتمال كبير الدينامو مع الحمل بيبان انه فيه مشكلة

[mhopa2440]

المشكلة عندك حاجة من اتنين

1- سير الدينامو مش مشدود كويس او محتاج تغيير
2- الدينامو نفسه في مشكلة (البلية مثلا) بس هو شغال (بيطلع كهرباء) بس بليته متآكله

البطاريه بره الموضوع اصلا

[amirock]

المشكلة عندك حاجة من اتنين

1- سير الدينامو مش مشدود كويس او محتاج تغيير
2- الدينامو نفسه في مشكلة (البلية مثلا) بس هو شغال (بيطلع كهرباء) بس بليته متآكله

البطاريه بره الموضوع اصلا

شكرا علي الرد يا باشا
بس هو بلية الدبنامو دية بتتغير عادي يعني و لا الدبنامو بتغير و لو البلية بس ممكن لو حضرتك تعرف تتغير بكام

[mhopa2440]

شوف كهربائي كويس

هو هيدلك .. اخويا صلح الدينامو مرتين (عربيته لانوس) وف الاخر غيره بواحد تاني (كان بتاع نوبيرا كان عندي) واشتغل تمام لحد ما مباع العربية

والتكلفة مش مهم المهم انه يبقى تمام

[Abo_Mazen]

يا دينامو ..يا كتاوت دينامو ....ملهاش علاقة بالبطارية ..طول ما العربيه دايره البطارية ملهاش أي وظيفه ..دي شغلة دينامو ..وحوله تدور المشكله

[asas630]

شيك علي الارضي العمومي الي رايح علي البطارية ممكن يكون متاكسد نضفه كويس واربطه جامد علي البطارية وحط عليه حتة شحم

[Mecha]

المتور علي السلانسيه ضعيف ,شوف بوابه او بوجيهات فلاتر اي شغل تيونينج

[alassaby5]

اشحن البطاريه كويس جدا عند واحد كهربائ وبعدين شغلها لان البطاريه بتكون جديده مركونه فتره طويله بتكون نايمه شويه فى هذه الحاله يكون الحمل على الدينامو لان البطاريه مش مكفيه الاحمال ولو جربت الاحمال اول ما تدور الهربيه هتلاقى الدينمو بيسخن بسرعه لان الحمل على الدينمو مش البطاريه وده غلط وكان حصل معايا فى البطاريه الجديده وعملت كده وظبط وما دام العربيه بتترعش عند الاحمال يبقى الدينمو تمام ولاكن البطاريه نايمه شويه

[aymanshebl]

اشحن البطاريه كويس جدا عند واحد كهربائ وبعدين شغلها لان البطاريه بتكون جديده مركونه فتره طويله بتكون نايمه شويه فى هذه الحاله يكون الحمل على الدينامو لان البطاريه مش مكفيه الاحمال ولو جربت الاحمال اول ما تدور الهربيه هتلاقى الدينمو بيسخن بسرعه لان الحمل على الدينمو مش البطاريه وده غلط وكان حصل معايا فى البطاريه الجديده وعملت كده وظبط وما دام العربيه بتترعش عند الاحمال يبقى الدينمو تمام ولاكن البطاريه نايمه شويه

الكلام ده مش صحيح شوف الرابط ده

ما هي معلوماتك عن بطاريات السيارات - تمت الإجابة عنه - Google إجابات

[Abo_Mazen]

الكلام ده مش صحيح شوف الرابط ده

ما هي معلوماتك عن بطاريات السيارات - تمت الإجابة عنه - google إجابات

أيوه فعلا الكلام ده مش صحيح..أنا قاعد أقراه وأنا مستغرب ..العربيه بمجرد ما إشتغلت خلاص ..ممكن تشيل البطارية تبيعها لو عاوز ..طول ما العربيه دايره الدينامو هو صاحب الليلة دي كلها

[Mecha]

البطاريه زي تنك هوا الكمبرسور ,بتغذي كل الاحمال والدينامو يملاها وتستحمل الاحمال العاليه زي المارش ومروحة الردتير والبلاور.وبتدي ثبات للفولت لسعتها الكبيره .العربيات الالكتروني زي الدايو حساسه للفولت لوجود حساسات كتير ,فيمنفعش تسيبها دايره بدون بطاريه .البطارية والدينمو مجاميع متكاملة لنظام الشحن لايصلح احدهم بدون الاخرين.وعموما اي كهربائي محترف عنده جهاز تحميل بطاريه لمعرفة حالتها .وممكن بدونه تعرف .والعربيه دايره تقيس الفولت بافو مع الانوار ان جاب13.5-14.5 v يبا الدينمو تمام هنا مشكله بطاريه .اي تذبذب او اضمحلال او اقل من الرينج عاليه للفولت هيكون عيب دينمو .مهم جدا الكابلات والقواطيش جيده ومربوطه .و جهد تغذية الدينمو مضبوط بتقيسه من الفيشه البلاستيك بجسمه لو اضعف من البطاريه تشوف الريليه او خرج طبلة الكونتاك للاشعال.

[aymanshebl]

البطاريه زي تنك هوا الكمبرسور ,بتغذي كل الاحمال والدينامو يملاها وتستحمل الاحمال العاليه زي المارش ومروحة الردتير والبلاور.وبتدي ثبات للفولت لسعتها الكبيره .العربيات الالكتروني زي الدايو حساسه للفولت لوجود حساسات كتير ,فيمنفعش تسيبها دايره بدون بطاريه .البطارية والدينمو مجاميع متكاملة لنظام الشحن لايصلح احدهم بدون الاخرين.وعموما اي كهربائي محترف عنده جهاز تحميل بطاريه لمعرفة حالتها .وممكن بدونه تعرف .والعربيه دايره تقيس الفولت بافو مع الانوار ان جاب13.5-14.5 v يبا الدينمو تمام هنا مشكله بطاريه .اي تذبذب او اضمحلال او اقل من الرينج عاليه للفولت هيكون عيب دينمو .مهم جدا الكابلات والقواطيش جيده ومربوطه .و جهد تغذية الدينمو مضبوط بتقيسه من الفيشه البلاستيك بجسمه لو اضعف من البطاريه تشوف الريليه او خرج طبلة الكونتاك للاشعال.

ممكن حضرتك تدينا مصدر ان البطارية بتغذي كل الاحمال بعد تشغيل السيارة و شكرا