طريقة تغيير سماعات الابواب فى دايو لانوس ...بالشرح التفصيلى بالفيديو

[مصطفى-حسن]

ملف فيديو HD من شغل ايدى بشرح فية ازاى تغير سماعات الابواب بتاعة دايو لانوس بنفسك

عما بان السماعتين اللى هركبهم مش بتوع دايو لانوس فابريكة

انا اشتريت سماعتين جداد الواحدة ب15ج من عند الناس اللى بتبيع قطع غيار التليفزيونات والتسجيل وركبتهم وصوتهم ماشاء الله احسن من اللى كانوا راكبين

تعديل بسيط جدا عملتة عشان يركبوا عشان المغناطيس بتاعهم كان اكبر شوية

كل التفاصيل فى الفيديو

[youtube]https://www.youtube.com/watch?v=An_z9QvKTQs[/youtube]

[aymanshebl]

شكرا

[tarek elbadry]

الف شكر

[ًWilliam Karim]

تسلم أيدك يا أستاذ مصطفى على الموضوع والشرح الأروع وفعلا سماعات الأبواب مشكلة وعندى مش شغالين وبتبقى غالية فى الأستيراد بتوصل 120 جنيه وأستعمال كمان حضرتك حليت مشكلة مهمة فى أنتظار مواضيعك الرااااااااائعة

وأستفسار بسيط من حضرتك هوه الجزء الدكر والنتاية اسمه ايه ؟؟

[eisaa100]

اسمه ترامل والمفرد ترمله

[مصطفى-حسن]

شكرا

العفو

الف شكر

العفو

تسلم أيدك يا أستاذ مصطفى على الموضوع والشرح الأروع وفعلا سماعات الأبواب مشكلة وعندى مش شغالين وبتبقى غالية فى الأستيراد بتوصل 120 جنيه وأستعمال كمان حضرتك حليت مشكلة مهمة فى أنتظار مواضيعك الرااااااااائعة

متشكر جدا على اطراءك الجميل وتشجيعك وانا فضلت الجديدة الصينى عن الاصلية الاستيراد لان الاستيراد بتكون جلدتها نشفت واتاثرت بفعل الركنة

وأستفسار بسيط من حضرتك هوه الجزء الدكر والنتاية اسمه ايه ؟؟

اسمة ترامل

وممكن تجيب ترامل سماعات بتكون صغيرة لو حبيت وبتتباع عند بتوع قطع غيار التليفزيون والكاسيت وسعرها نص جنية لكن فى الناحية التانية بتاعة ضفيرة العربية لازم ترامل الحجم المذكور وبتتباع عند بتوع قطع غيار السيارات

اسمه ترامل والمفرد ترمله

[MAMDOH111]

تسلم ايدك يا مصطفى باشا

على موضوعك وجميع موضوعاتك الرائعة بفضل الله

وبصراحة انا بستفاد كتير من شروحاتك بالمنتدى

وكنت زعلان جدا ايام الايقاف لحضرتك

وسعدت جدا لرجوعك وأتمنى رجوع المهندس / سمير عياد أيضا ان شاء الله

منتظر من حضرتك بخبرتك بفضل الله رأيك فى هذا الموضوع

لأننى أفكر جديا فى تحويل السياره الى اوتوماتيك

ان شاء الله

http://www.nilemotors.net/Nile/145435-a.html