مشكلة فى الغيارات

[Ahmed-SAMIR]

*العطل :
=====
- عصاية الفتيس عايمة وكل حارات الغيارات مش بتلقط الا الغيار التالت والرابع

*السبب:
=====
- جلبة تيفلون بتحكم حركة ماسورة معدنية بتناول الحركة من عصاية الفتيس لمجموعة تروس الفتيس نفسها (تحت الكونسول)

أو البديل عصاية الفتيس كلها استيراد بالكرسى اللى محملة عليه بـ 150-250 من الحرفيين

*التكلفة:
=====
- 50 جنيه تكلفة خرط الجلبة + 100 جنيه مصنعية فك وتركيب عصاية الفتيس كلها (لو حد عملها قبل كده أنا مستكتر المصنعية لو حد ممكن يفيدنى بالتكلفة )

*زمن الاصلاح:
========
- ساعتين فى المخرطة وساعة مابين الفك والتركيب

[Abo_Mazen]

المصنعيه كانت بكتيرها أربعين جنيه لخمسين جنيه بالكتير قوي ..عملتها قبل كده وكان ده تمامها في المصنعيه

[Mecha]

المهم تكون اتعملت صح وشغالة بدون مشاكل ,كنت هتدفع اكتر في حالة الاستيراد وياعالم هتشتغل ولا لا

[modyegypt]

اسال عن كام صنيعى

[popahly]

يا باشا ولا عصاية الفتيس تتحل ولا حاجة الخراط كان عاوز يعمل كدا واروح افكله العصاية... ربنا الهمنى فكرة حلوة انك تقسم الجلبة التيفلون اتنين وتتكبس جوة الكاوتشة وانسى..

تكلفة الفبرة بالتركيب 50ج

[Ahmed-SAMIR]

شكرا ليكم يا جماعة انا كنت حاسس برضو ان المصنعية مبالغ فيها بقالى مرتين تلاتة انما المرة دى الموضوع زايد عن حده قوى والظاهر كده ان الواحد ماينفعش يطول مع صنايعى مهما كان شاطر علشان لما بيضمنك زبونه بيستهبل على راحته