مشكلة فى الغيار الاول

[mina mourad]

مساء الفل ع الاعضاء

انا معايا لانوس 99 المشكلة ان كل مبقى جى اخد مطب بمور واعلق الغيار واجى اديها اول الاقى الفيتس بيعض جامد وتحس لن التروس هتتكسر فمش عارف ممكن تكون غوشة ولا ايه !!

[CraZyDoT]

مساء الفل ع الاعضاء

انا معايا لانوس 99 المشكلة ان كل مبقى جى اخد مطب بمور واعلق الغيار واجى اديها اول الاقى الفيتس بيعض جامد وتحس لن التروس هتتكسر فمش عارف ممكن تكون غوشة ولا ايه !!

عندي نفس مشكلتك ،، انك تترجم اغنية كركشندي للامازيغي اسهل من انك تدي الاولاني و العربية بتتحرك ،، بس و هي واقفه بتبقى زي السكينة ف الحلاوة

مع حاجة زياده بقى و هي ان المارشدير ساعات مبيرضاش يعشق غير لما تدي اي غيار تاني و انت واقف و ترجع تعشقه تاني

[mina mourad]

[QUOTE=CraZyDoT;3875939362]
عندي نفس مشكلتك ،، انك تترجم اغنية كركشندي للامازيغي اسهل من انك تدي الاولاني و العربية بتتحرك ،، بس و هي واقفه بتبقى زي السكينة ف الحلاوة

مع حاجة زياده بقى و هي ان المارشدير ساعات مبيرضاش يعشق غير لما تدي اي غيار تاني و انت واقف و ترجع تعشقه تاني[/QUOT
وهى واقفة بتبقى قشطة المشكلة بقى يا معلم وانت بتاخد مطب وحتى مهدى خالص لازم اديها تانى فلازم ازودلها بنزين عشان العربية متقطعش فطبعا بيبقى سياح تماما وببقى حاسس انى راكب بطة بلدى

[modyegypt]

شوف غير الزيت بتاع الفتيس كلة مش تزودة
وبعدين لو لسة ادى تانى ومتديش اولانى ووالعربية بتتحرك ممكن يكون دة السبب

[kappoo]

نفس المشكلة عندى بس لما العربية بتمشى فترة وتسخن الموضوع بيظبط ولازم العربية تكون ماشية سلانسيه

[eng_os]

المشكلة دى عندى لانوس 2 وشفتها فى لانوس الشفرلية كمان
تقريبا المشكلة منتشرة جداا
أنا كنت بدى التانى و أطلع منة على الاوانى كان بيعشق معايا على طول من غير العضة دى لكن لازم العربية تكون على سرعة الاولانى طبعا

[ALI ISMAIL]

انا عندى نفس المشكلة وغيرت العقربة وزيت الفتيس و المشكلة لسه قائمة العربية لما تسخن صعب تاخد الاول لازم تكون ماشية على اقل درجة من السلانسيه . هى المشكلة ده ملهاش حل ولا ايه . فين عمالقة الدايووووو

[msa142]

تعامل مع العربيه زى (عربيات النقل) الغيار الاول دا عشان تتحرك بالعربيه بس والغيار التانى هوا الى بتمشى بيه وفى المطبات علق الدبرياج سنه وانتا طالع مع سنه بنزين كأنك طالع اولانى وهتسحب معاك عادى
الموضوع دا فعلا طلع فى كل اللانوس انا كنت فاكر عندى بس وموضوع الماشدير دا فعلا الفتيس بيزعق احيانا