استفسار بخصوص حساس الشكمان

[ًWilliam Karim]

تحية لأعضاء المنتدى الكرام
دخلت العربية على الكمبيوتر وطلع ان قرايه حساس الشكمان عالية شوية دا معناه ايه انه سليم ولا ضعيف مع العلم ان استهلاك العربية للبنزين عالى شوية 140 كم فى الصفيحة داخل البلد ولا يوجد دخان اسود والعربية لانوس 2 موديل 2009 عاملة 75 ألف كيلو

[dr wael ghanem]

الاسنهلال عالى فعلا................ ممكن يكون له اكتر من سبب من اهمها حساس الشكمان
طب المهندس قالك ايه على القرايه بتاعه الحساس يعنى سليم ولا لا؟

[muhmado_furp]

حضرتك كان لازم الي كشفلك علي الكمبيوتر قالك كده فيه مشكلة ولا ايه
لان هو بيكون معاه القراية النورمال الي يحدد عليها

[ًWilliam Karim]

شكراااااا على ردود حضراتكم هوه قالى قرايته عالية بس مش مشكلة مع العلم ان ريحة العادم تخنق

[ًWilliam Karim]

بصررررررراحة مشكلة استهلاك البنزين دى حاجة رخمة زهقت الواحد من العربية تقريبا مفيش حاجة معملتهاش

[kappoo]

عندى نفس المشكلة بس انا العادم عندى عادى
بس استخدمت منظف رشاشات و الاستهلاك اتحسن شوية

[ًWilliam Karim]

عندى نفس المشكلة بس انا العادم عندى عادى
بس استخدمت منظف رشاشات و الاستهلاك اتحسن شوية

طالما ريحة العادم عندك كويسة يبقى اكيد حضرتك بتستخدم بنزين 92
وعايز اعرف من حضرتك نوع المنظف ايه وسعره وموديل العربية كام علشان نحدد نوع الرشاشات

[Abo_Mazen]

غريبة حكاية قراية حساس الشكمان عاليه ..بس عادي ...ما هي لو مش عاليه يبقى عادي ..لو عاليه أو واطيه يبقى مش عادي ..إزاي عاليه وعادي ..هو الخواجه كان عملو multi mode ..ده إيه الصنايعيه اللي حافظين مش فاهمين

[ًWilliam Karim]

غريبة حكاية قراية حساس الشكمان عاليه ..بس عادي ...ما هي لو مش عاليه يبقى عادي ..لو عاليه أو واطيه يبقى مش عادي ..إزاي عاليه وعادي ..هو الخواجه كان عملو multi mode ..ده إيه الصنايعيه اللي حافظين مش فاهمين

ياريته كان صنايعى دا مهندس يا باشا وكنت لاغى الـ egr والجهاز طلع ان مفيش أى أخطاء
المهم لسه عامل فحص تاااااانى أول امبارح عند واحد تانى والنتيجة برده الفحص سليم مفيش أى مشاكل
اخر حاجة عملتها بقيت بنقل على الغيارات كالاتى :

الاول للحركة بالسيارة
الثانى أخره 30
الثالث اخره 50
الرابع اخره 70
الخامس بعد 70

المهم ترييح الغيارات زودت التوفير شوية ووصلت لـ 160 كم / الصفيحة داخل البلد

وكمان عدلت فيشة الاوكتان على بنزين 80 لانها كانت مظبوطة على 87 أى 90 الوضع الافتراضى طبعا وبانتظار أشوف تأثير التعديل ايه فى استهلاك البنزين وأبلغكم بالنتيجة