الناس اللي معاها دايو بالذات… بتفكروا تشتروا عربيه جديده !!

[ahmad--ezzat]

السلام عليكم
ازيكم يا رجاله..كيف الحاااااال
والله الموضوع ف بالي بقاله فتره كبيره جدا.،اني عايز اشتري عربية اتوماتيك زيرو… انا معايا نوبيرا 2008 عامله 97 الف كيلو… مريحاني الحمد لله… بس الواحد نفسه ف حاجة اتوماتيك من الحجات الحديثة دي وفنفس الوقت انعم

المهم قلبت ف الجرايد وعلي النت… الاسعاااااار ناااااار… .نزلت المصريه… الاسعار فوق ال 110 عشان تجيب حاجة كويسه..وهو انا لو بعت عربيتي..هتجيبلي كااام… .طب الله… انا هدفع 110 ف i10 ولا ف بيكانتو..حراااام… طيب فين الوسع بتاع النوبيرا !!! فين الحجم اللي يحسسني اني راكب عربيه مريحاني في المساحة وفقوه الموتور بالسعر دة… ففكرت اني مجبش عربيات واشد العربيه بتاعتي الي كل ما تحتاجة من سمكرة او صيانه او تظبيط
ايه رايكم!
حد فكر يغير النوبيرا او الدايو عموما والموضوع فشل معاه زيي كدة

[hon]

السلام عليكم
ربنا يبارك لحضرتك فى النوبيرا عربية واسعة و ثابتة وقطع غيار متوفرة وحضرتك عارف الجديد فارق بس كماليات لكن اساسيات عربية حضرتك أحسن وماتور قوى
وانا زى حضرتك معايا لانوس كاملة من الزيرو 2004 صيانة وكيل والله لو حقول لحضرتك المبلغ المصروف على مدى 11 سنة فى التوكيل حتستغرب بس مش مديقانى فى حاجة غير انها ضيقة شوية بس عادى الحمد لله كفاية الطرق كل يوم واحد صحبى يحكيلى على التثبيت وربنا يسترها معانا جميعا فمفيش نية للتغير وبارك الله فيما رزق
تحياتى

[Sherif Mandoor]

السلام عليكم
ازيكم يا رجاله..كيف الحاااااال
والله الموضوع ف بالي بقاله فتره كبيره جدا.،اني عايز اشتري عربية اتوماتيك زيرو… انا معايا نوبيرا 2008 عامله 97 الف كيلو… مريحاني الحمد لله… بس الواحد نفسه ف حاجة اتوماتيك من الحجات الحديثة دي وفنفس الوقت انعم

المهم قلبت ف الجرايد وعلي النت… الاسعاااااار ناااااار… .نزلت المصريه… الاسعار فوق ال 110 عشان تجيب حاجة كويسه..وهو انا لو بعت عربيتي..هتجيبلي كااام… .طب الله… انا هدفع 110 ف i10 ولا ف بيكانتو..حراااام… طيب فين الوسع بتاع النوبيرا !!! فين الحجم اللي يحسسني اني راكب عربيه مريحاني في المساحة وفقوه الموتور بالسعر دة… ففكرت اني مجبش عربيات واشد العربيه بتاعتي الي كل ما تحتاجة من سمكرة او صيانه او تظبيط
ايه رايكم!
حد فكر يغير النوبيرا او الدايو عموما والموضوع فشل معاه زيي كدة :e_braces[1]:

السلام عليكم
معايا نوبيرا 1 وكل مافكر اغيرها الاقى الكورى كله غالى واول فئه مثلا فى الجديد نفس الاوبشن اللى عندى العربيه الحمد لله قابريكه وقطع غيار متوفره + وسع العربيه

[elnakshabandy]

نفس الموضوع بالظبط
اكينك يااخي بتفكر بدماغي

[محمود فرنسا]

انا فكرت ف الجديد عجبتني اوي الكورسا 2015 والريو حلوة بس حسيت ان سعرها كتير عليها
والكورسا سعرها رفع ل 145 و 150 فا قررت ارجع للدايو تانى
البيجو والبيكانتو والشيفرولية مدخلوش دماغى
واللانسر حلوة بس نفس الشكل من 15 سنة والشارك ناس كتير قلقتني منها

[amr011111]

انا لو فى مكانك وعاوز اجيب عربيه تحسسنى انها مش اقل من النوبيرا كوسع واتوماتيك هجيب السوزكى سياز لانها هى العربيه الوحيده الموجوده دلوقتى اللى سعرها مناسب لحجمها وإمكانياتها وبالتوفيق

[ahmad--ezzat]

الموضوع محير فعلا
السياز ممتازه
كماليات وشكل وموتور معقول
انما الوكيل صفر طب قطع الغيار !!!!!…العربيات الصيني اسعارها معقوله واتوماتيك كمان بس بصراحة مش برتحلها
انا قررت اخلي النوبيرا 3 او 4 سنين كمان لحد ما التوكيلات تحترم نفسها وتظبط اسعارها بلاش قلة ادب :d :d

[swimmer25]

النوبيرا حلوة لأنها موتور أقوى من اللانوس وأوسع
لكن لو عايز أتوماتيك فعلا ..أولا إبعد عن الصيني والعربية اللي هتعوضك عن النوبيرا ممكن البروتون جين 2 أو بيرسونا

طبعا لا يعقل إنك تنزل عن كدا خالص وخصوصا إن عربيتك معاك ومش بتشتكي منها في شئ ولكن هتحس إنك عليت بالفئة..أتوماتيك وجنوط سبور 15 وفرامل ديسكات كلها و abs وإيرباج وموتور أقوى
بالتوفيق

[joe_techno]

نفس حالتك بالظبط معايا نوبيرا 2007 عاملة 70000 كيلو كل ما افكر ابيعها الاقي اني هدفع كتير اوي يمكن ضعف تمن عربيتي عشان اركب حاجة يدوبك نفس المستوي انا بركب الصني الشكل القديم بتاعت والدي مبستريحش فيها زي عربيتي اقول لا انا هصرف علي عربيتي و اخليها كام سنة تاني

[DrWaEl]

بص ياباشا القصة دي انا فكرت فيها من 3 سنين ولاغيتها بسب غلاء الاسعار والان بفكر فيها من تاني وعشان كده دماغي وجعاني

الحقسقة المرة الي بنحاول نفر منها ولكن للاسف هنقبلها هنقبلها هي غلاء الاسعار فغيرت النهردة هتدفع كتير غيرت بكرة هتدفع أكتر

فغير وخلاص كده كده خربانة

انت عارف اية المشكلة انك بتشد العربية وبتفرح بيها وبعد فترة مش كتير يعني بتلاقيها رجعت زي مكانت كأنك معملتش حاجة علشان كده لازم تغير احساس العربية الجديدة لايمكن تجيبة اي شده لعربية قديمة

ف مش عارف اقولك اية الصراحة بس لو عرفت ابقي قولي

[hon]

بص ياباشا القصة دي انا فكرت فيها من 3 سنين ولاغيتها بسب غلاء الاسعار والان بفكر فيها من تاني وعشان كده دماغي وجعاني

الحقسقة المرة الي بنحاول نفر منها ولكن للاسف هنقبلها هنقبلها هي غلاء الاسعار فغيرت النهردة هتدفع كتير غيرت بكرة هتدفع أكتر

فغير وخلاص كده كده خربانة

انت عارف اية المشكلة انك بتشد العربية وبتفرح بيها وبعد فترة مش كتير يعني بتلاقيها رجعت زي مكانت كأنك معملتش حاجة علشان كده لازم تغير احساس العربية الجديدة لايمكن تجيبة اي شده لعربية قديمة

ف مش عارف اقولك اية الصراحة بس لو عرفت ابقي قولي

مقولة صحيحة فعلا مهما شديت وصرفت مش حتحس احساس الزيرو ابدا عن تجربة بالذات لو العربية معاك من الزيرو حتفضل تقارن فى دماغك ايام مكانت زيرو دا حتى ممكن تفتقد ريحة الفبريكة
تحياتى

[msobhy]

بشمهندس أحمد أزى حضرتك
يا رب يكون فيه حد لسه فاكرنى
أولا رأى كل الاعضاء اللى فوق سليم 100%
لكن اسمحوا لى اضيف شوية كلام عليه
انا كان معايا لانوس من سنة 2006 لغاية 2012 وصرفت عليها ارقام خياليه علشان احس بنعومتها وتسارع قوى واستهلاك بنزين قليل - وكل الفلوس اترمت على الارض بدون مقابل
ساعتها قررت اجيب نوبيرا - ركبت النوبيرا العربيه أوسع - موتور أقوى لكن عربيه فقيره وعزلها سيئ -
قولت اجيب زيرو - طبعا الاسعار حدث ولا حرج زباااااااااااااااااااله
المهم ربنا كرمنى بواحد ابن حلال ساعتها وقال لى سيبك من النوبيرا وفكر فى النترا 2007 مانيوال - طبعا انا قلت له مستحيل وهاتبقى غاليه جدا عليه - اينعم هيه حلم حياتى لكن برضو مش فى امكانياتى- المهم روحت اتفرجت على كذ عربيه وتقريبا شبه اتهبلت على العربيه
طيب ليه اتهبلت؟؟؟؟؟
اولا العربيه انا بحبها من زمان جدا
ثانيا جربت كذا عربيه - عزل العربيه ممتااااااااااز
ثالثا العربيه واسعه واخوكم 190 سم
رابعا شنطة العربيه واسعه جداااااااااااااااااااااااااااااااااااااااااااااااا اااااااااااااا وده بيفيدنى بسبب انها عربية عائله بالاضافه لشوية اجهزه تعويضيه خاصه بوالدتى
خامسا تسارع حدث ولا حرج
سادسا اعتماديه اعلى من اللانوس بمراحل
سابعا سرعه قصوى (وان كنت بطلت الجرى تماما) بمنتهى السهوله بتوصل ل 160 - وتقفيل العداد ده عادى جدا
ثامنا وده مهم جداااااااااا - تكيف اللانوس فعلا كان حلو - تكييف الالنترا مقارنتا باللانوس 150%

ساعتها بقيت اتشقلب شمال ويمين لغاية لما افتكرت حاجه مهمه - ان بنت عمتى معاها النترا 2010 (الموتور الجديد) وكانت جايبها زيرو - وقد كان
طبعا كانت اغلى لكن علشان القرابه انا تقريبا اخدتها قسط
فعلا حسيت بنقله جامده جدااااااااااا والحمد لله رب العالمين
والله انا بركب النترا 2013 بحس انها زى عربيتى بالظبط

الدايو بشكل عام عربيه تمشى وبس بدون اى متعه - من غير زعل يا رجاله وانا دايما بقول ان الدايو هو بيتى الحقيقى - لكن سواء اللانوس أو النوبيرا بصراحه كفايه عليها كده
انا شايف ان لو النوبيرا تجيب 50 أو 55 تتيباع ويتزود على فلوسها 20 وتجيب النترا مانيوال - أو 30 وتجيب النترا اوتوماتيك

بجد هاتحس بنقله محترمه

والاهم طبعا تجيب عربيه حاله ويا سلام لو من حد انت تعرفه

[eisaa100]

شوف يا باشا طول م العربية كويسه ومبتصرفش عيش ايامك
لما الحالة الامنية تتحسن ابقى هات الزيرو
يعنى الواحد يجييب زيرو ويصبح ما يلاقيهاش
ولا تفجير عبيط يطولها
دى فلوس ف الشارع
والطرق بتاعتنا عايزه عربيات كارو
اتوماتيك ايه وزيرو ايه دا كل حاجه بقت بالبطاقة
جتنا نيله ف حظنا الهباب!!!!!!!!!!!

[dedi]

السلام عليكم
ازيكم يا رجاله..كيف الحاااااال
والله الموضوع ف بالي بقاله فتره كبيره جدا.،اني عايز اشتري عربية اتوماتيك زيرو… انا معايا نوبيرا 2008 عامله 97 الف كيلو… مريحاني الحمد لله… بس الواحد نفسه ف حاجة اتوماتيك من الحجات الحديثة دي وفنفس الوقت انعم

المهم قلبت ف الجرايد وعلي النت… الاسعاااااار ناااااار… .نزلت المصريه… الاسعار فوق ال 110 عشان تجيب حاجة كويسه..وهو انا لو بعت عربيتي..هتجيبلي كااام… .طب الله… انا هدفع 110 ف i10 ولا ف بيكانتو..حراااام… طيب فين الوسع بتاع النوبيرا !!! فين الحجم اللي يحسسني اني راكب عربيه مريحاني في المساحة وفقوه الموتور بالسعر دة… ففكرت اني مجبش عربيات واشد العربيه بتاعتي الي كل ما تحتاجة من سمكرة او صيانه او تظبيط
ايه رايكم!
حد فكر يغير النوبيرا او الدايو عموما والموضوع فشل معاه زيي كدة :e_braces[1]:

تجربتى احكيها لك
معى لانوس اول يد موديل 2000 شديتها سمكرة ودوكو وعمرة من شهر وصرفت كتير على ولغاية دلوقت موش مخلصة مصاريف يعنى اخر حاجة عاوزة مساعدين وكبالم ورشاشات والفرش يعنى
موش عارف اعمل اية لسة مرخصها 3 سنين
انا متخيل اتى صرفت عليها وكدة فل ولكن كمشكلة كل المستعمل

[4fun14]

نفس المشكله عندى..اللانوس مش مضايقانى بس فعلا نفسى في اوتوماتيك
وأسعار المستعمل مستفزه اوى..اقول اجيب صنى 2008 الاقى أسعارها 85 الف وطالع
وطبعا انت عارف المستعمل ,بختك يابو بخيت
لو مش هشتريها من حد معرفه يباه بلاش
اكيد مش هشترى عربيه انا وحظى هدفع فيها حوالى 90 الف "بنقل الملكية وتظبيط الحاجات الواقعه فيها" لمجرد انى اسوق اوتوماتيك..ثم ازاى ادفع 90 ف مستعمل ممكن اجيبه جديد ب 110؟!ليه اجيب حاجه اتبهدلت ف شوارعنا 7-8 سنين واباه وفرت 20 الف
ده طبعا عرفنى قيمة اللانوس..واحد معندهوش عربيه عاوز عربيه اصيله متتعبهوش مكيفه وناعمه ولما يبيعها ميخسرش فيها..ب 40 الف بس..يا بلاش
عشان كده اكتشفت ان اللانوس سعرها مش غالى زى ماكنت متخيل دى ارخص عربيه محترمة
بس انا زيك..مليت وزهقت وعاوز اتدلع شوية
والزيرو حاله يضحك,اجيب عربيه صغيره ب 135 الف "بيجو 301"؟يعنى ادفع من جيبى 100 الف فوق تمن عربيتى
مش عارف اعمل ايه بس اكيد العربيه هتتغير ف يوم من الأيام وكل مالواحد يستنى الأسعار بتشرخ فوق