مشكلة تأخير الدوار وبرجلة في الموتور اول ما تدور

[DrWaEl]

السلام عليكم

لما أدور العربية تطول في الدوارة علي طول مش بس الصبح لكن الصبح اكتر واوضح وأول ما تدور تحس ان الماتور مبرجل مش مظبوط لمده 30 ثانية او اول ما تدوس بنزين يظبط علي طول بس وبعدين في المشي عادي انشالله تسافر بيها

مع دخنة بيضا في الصبح او لو طولت ركنتها يعني فوق 6 ساعات كده

المشكلة دي فين وازاي تتصلح
اه ..... بردة مع استهلاك عالي للبنزين نسبيا

العربية لانوس 2001 هاف

وشكرا جزيلا

[pepo2011]

ياباشا غير بوجيهات ونضف دورة البنزين والفلاتر واطمن من ضغط الطرمبة والرشاشات وسلوك البوجيهات

[eisaa100]

بص مش هنخسر حاجه شيك ع أرضى الموتور واسلاك الارضى عموما

[DrWaEl]

بص مش هنخسر حاجه شيك ع أرضى الموتور واسلاك الارضى عموما

ايه ارضي الموتور ده ؟ قصدك القواعد

[zendo]

رشاشات او طرمبة بنزين ضعيفة

[hytham_112]

تاخير دوارة اساسى سببه الرشاشات
الدخنة بقا معرفش
على فكرة انا عندى نفس مشكلتك بس انا متاكد انها رشاشات .... انما الدخنة انا معتقد ان حالتى هى كاوتش صباب واتمنا انها تختفى لما اغير الرشاشات

[DrWaEl]

روحت للمكانيكي وغيرت الاتي
- بوجيهات
- سلوك بوجيهات
- فلتر بنزين
- قلب طرمبة بنزين
+ تنظيف المنافولد والحساسات بمزيل حساسات

النتيجة : ولا كأني عملت حاجة زي ما هية
روحت للمهندس في التوكيل كشف عليها وبعد كده قالي الكمبيوتر بايظ لحقتة مية
هو انا بصراحة لسة مركب فرش للارض فلما فك السروجي المكتة القديمة لقي تحتها تراب وكده فقلي روح اغسلها في البنزيمة فروحت وياريتني ما روحت وغسلها الراجل وطبعا الكمبيوتر كان باين فغسلة المعلم مع العربية وانا لو اعرف انة هو ده الكمبيةتر كنت شلتة ده بفشتين ساهل يتشال ومن بعد كده ظهرت المشكلة دي بشكل واضح

المهم تمنة بيقلي 2500 ج في التوكيل وبرة قالي ممكن استيراد 350 ج فأي رأيكم أغيرة ولا ممكن يكون حاجة تاني

[pepo2011]

هاته استيراد مفيش مشكلة

[mado_xxx]

رشاشاااااااااااااااات
ملهاش اى علاقة بكمبيوتر العربية
لان لو الكمبيوتر باظ كانت العربية ماتت

[مداح القمر]

تأخير الدوارة سببه الرشاشات
ولا شئ غير الرشاشات ...
الدخنة البيضا سببها جلد الصبابات نشف و تشقق و لازم يتغير

[mr_sese]

موبينة ضعيفة

[fathiazab]

موبينة ضعيفة

ارجح ان الموبينة