مساعدة لانوس 1

[ahmedelza3]

السلام عليكم يا شباب
انا معايا لانوس 1 فابريكة المهم اخويا خدها راح بيها مشوار جابها عشة فراخ
مخبوطة من الجنب من عند العتب وكمان الفتيس مابيديش مارشدير خالص
المهم روحت للميكانيكي وغيرت قواعد الفتيس بالكامل ومن هنا ظهرت مشكلة غريبة جداً ولا ميكانيكي عارف العيب منين !!

العصاية بتاعت الفتيس مش فالنص مريحة يمين خالص والغيار الخامس مش بييجي خالص
ولما بيحاول يظبط العصاية فالنص الغيار الخامس بييجي والمارشدير بيختفي


انا لفيت عند اكتر من 4 ميكانيكية وتعبت جدا ومش عارف اروح شغلي خالص
انا ساكن فالمرج يا جماعة ياريت لو حد يعرف حد كويس او حل للمشكلة يقولي لحسن انا جبت اخري والله

[A.samy]

غير الميكانيكى وغير عقربة الفتيس

[Abo_Mazen]

هي العقربه ..كنت هقلك العقربه فعلا

[pepo2011]

العقربة وقبلها تغير الميكانيكي حاول تنزل عين شمس احسن فيها صنايعية كتير او المطرية افضل طبعا

[ahmedelza3]

متشكر جدا يا جماعة على مشاركاتكم
وانا حابب اعرض حل المشكلة اللي وصلتله عشان لو حصلت لحد بعد كدا
انا نزلت بيها الحرفيين عند واحد صاحبي هناك
عملهالي في 3 دقايق بالظبط
المشكلة كانت ان فيه جلبة في الفتيس من جوة تحت القنصلة بالظبط هربت من مكانها هوا رجعها مكانها وبس
حكمت بوش الفتيس والغيارات كلها بتيجي زي الفل