ضروري جدا تانى مرة تتكسر منى الكامة (لانوس)

[shiko_702010]

لتانى مرة تتكسر منى الكامة و انا ماشى عادى من غير حرق ولا حاجة الكامة الاخيرة مكملتش 3 شهور و اتكسرت ايييييييه السبب
مع العلم انى جبت الكامة استيراد بالهيد بتعها علشان يبقوا مطبعين على بعض
و مع العلم انى عامل وش سليندر مرتين
و مع العلم بردو :) انى مغير ربع امامى
و عايز اعرف سعر موتور لانوس 1600 استيراد يقى عامل كام دلوقتى من غير فيتيس لو حيركب على الفتيس ال1500
لانوس

[hon]

اتكلم عنها ناس كتير قبل كدا(موضوع الكامة) وكانت طرمبة الزييت هى المشكلة وكمان الموضوع حصل فى أوبل الى دايو واخدة التكنولوجى منها وانتظر رأى الأساتذة( محمد ممدوح - مصطفى ظريف- طارق علاء )
تحياتى

[shiko_702010]

اتكلم عنها ناس كتير قبل كدا(موضوع الكامة) وكانت طرمبة الزييت هى المشكلة وكمان الموضوع حصل فى أوبل الى دايو واخدة التكنولوجى منها وانتظر رأى الأساتذة( محمد ممدوح - مصطفى ظريف- طارق علاء )
تحياتى

شكرا على ردك و انشاء الله الاساتذة يردو :)

[A.samy]

باشا الموضوع دة حصل معايا وحلو ماتور استيراد وريح دماغك بس خليك فى الماتور ١٥٠٠ عشان التكلفة لانك لوركبت ماتور ١٦٠٠ يبقى لازم تعدل الفرامل وتغير الجنوط عشان تبقى فى الامان

[zendo]

هههههه هى دى مشكلتها هى والاوبل انا كان معايا اوبل ونفس القصة والسبب من وش السلندر هتلاقية مقفع مش مظبوط حلك انك تغير الموتور

[shiko_702010]

باشا الموضوع دة حصل معايا وحلو ماتور استيراد وريح دماغك بس خليك فى الماتور ١٥٠٠ عشان التكلفة لانك لوركبت ماتور ١٦٠٠ يبقى لازم تعدل الفرامل وتغير الجنوط عشان تبقى فى الامان

شكرا على ردك يا باشا
بس انت قصدك انى اعدل الفرامل علشان تبقى نافعة مع الموتور الاقوى ولا هى لازم تتعدل علشان تركب على الجديد
و هل فى حاجة تانية محتاجة تتعدل ؟؟؟؟؟

[shiko_702010]

هههههه هى دى مشكلتها هى والاوبل انا كان معايا اوبل ونفس القصة والسبب من وش السلندر هتلاقية مقفع مش مظبوط حلك انك تغير الموتور

شكرا على اجبتك
انا اتقللى كدة بس عايز اتاكد خصوصا انى عامل وش السليدر مرتين

[pepo2011]

غير ماتووور

[shiko_702010]

يا جماعة مفيش اى ردود تانية
ولو عايز المسؤولين عن القسم يردو فى حاجة المفروض اعملها ؟؟؟؟؟

[A.samy]

شكرا على ردك يا باشا
بس انت قصدك انى اعدل الفرامل علشان تبقى نافعة مع الموتور الاقوى ولا هى لازم تتعدل علشان تركب على الجديد
و هل فى حاجة تانية محتاجة تتعدل ؟؟؟؟؟

تعدل الفرامل علشان تبقى نافعة مع الموتور الاقوى هو دة قصدى

[lanos2004]

نقص الزيت عند عامود الكامه السبب الرئيسى لكسرها---طلمبه زيت ضعيفه--استعمال فلاتر زيت غير اصليه --

[Abo_Mazen]

طيب الناس اللي بتقول حلها تغيير مكنه ..إيه السبب في المشكلة دي أصلا ؟؟...يعني ليه الكامه تتكسر ؟؟؟....ما هو الحل عشان العربية تمشي تغيير المكنه ..لكن برضه يظل السؤال ..ليه الكامه بتتكسر في المواتير دي ؟؟؟؟

[SHERBINII]

من وجهة نظري إن العربية فيها 2 سيناريو
1-وش السلندر بتاعها معوج ودي حلها وش استيراد وياريت ينزل من غير أي خرط أفضل.
2-الزيت مش بيرفع ودي ممكن تكون المصفى مسدوده نظرا إن المكنة متغسلتش بعد الوش كام كيلو ونزلت الزيت
3-و ده الأهم إنك تغير الميكانيكي اللي بتتعامل معاه

طبعا دي اجتهادات شخصية لاني معيش لانوس ولا بحب أفتح مكنة أنا بس بشاركك برأي ممكن يساعدك يحتمل الصواب والخطأ ونصيحتي ليك تجيب مكنة ارخص من المصاريف اللي حاتصرفها كل شوية بسبب فتح المكنة