مساعدة عاجلة

[Mohamed_Hamid]

بسم الله الرحمن الرحيم

السلام عليكم ورحمة الله وبركاته

دلوقت كنت بركن العربية (نوبيرا اوتو 2003) بجيب r وبرجع جيت ادوس فرامل العربية وقفت سرحت لمدة ثانية كدة ودوست على دواسة الفرامل للآخر لقيت الدواسة كملت لجوه زى المياة والعربية رجعت لورا كأن مفيش فرامل ! ربنا ستر ومحدش كان معدى او جاى وشلت رجلى ودوست تانى العربية وقفت بس من غير ما ادوس للآخر زى اول مرة. جربت نفس الحركة لقيتها تكررت تانى. دوست فرامل العربية وقفت قرصت على الدواسة لقيتها راحت للآخر بسهولة اوى وكأن مفيش فرامل والعربية برضه رجعت لورا.

ممكن السادة الزملاء يفهمونى ايه الموضوع ؟ ولو محتاج حد بتاع فرامل مين انسب حد كويس فى صقر قريش وعنوانه؟

ربنا يبارك فيكم

[DrWaEl]

لو مفيش صوت مع لضغط علي الفرامل يبقي الفرامل ماخدة هوا ومحتاجة تتظبط بسيطة عند اي حد بتاع فرامل

[Mohamed_Hamid]

شكرا يا باشا على ردك. ممكن اعرف صوت ازاى ؟

[Mohamed_Hamid]

يا اخواننا حد يفيدنا الفرامل مفيهاش هزار
ربنا يسترنا جميعا ويسلمنا فى الطريق

[hon]

لو حضرتك أتأكدت ان مفيش تسريب زيت باكم وان علبة الزيت مليانة مش فاضية غاليا حيكون ماستر عمومى القلب الجلد بتاعة بيهرب ودا حلو قلب ملستر جديد او ماستر كامل اصلى افضل بس اعمل حسابك ان الماستر الجى ام الداك الاصلى ب 650 جنية كنت لسا سائل علية وربنا يسترها علينا جميعا
تحياتى

[Mohamed_Hamid]

الف شكر لردك
ربنا يستر طريقنا جميعا وينجينا من كل سوء