استفسار بعد تغيير ماستر الفرامل العمومي لانوس

[ibmtop]

السلام عليكم ورحمة الله وبركاته

امبارح روحت كشفت علي العربية بعد مالقيت اني وانا بدوس فرامل مفيش خالص زي المنفاخ بالظبط, وقالي ده ماستر الفرامل العمومي بعد ما فك الاربع عجلات وشافهم بيجيبو زيت ولا لا

المهم اشتريت ماستر الفرامل العمومي الاصلي ب 650 جنيه وجبت بالمرة تيل فرامل امامي والميكانيكي ركب وقالي جرب

وانا بجرب بدوس فرامل بلاقيها تمام وبتحجر بس وانا دايس بلاقيها بتنزل معايا
كده تبقي فيها هوا ولا ده طبيعي مع العلم الاول ماكنتش كده

وشكرا

[pepo2011]

لازم تاخد هوا من 4 عجلات وتجرب والا هايكون في تسريب من ماستر او ماسورة

[ibmtop]

يعني اية تسريب من ماستر او ماسورة ؟؟
هو ممكن يكون سيرفو طيب ؟؟

[Abo_Mazen]

يعني اية تسريب من ماستر او ماسورة ؟؟
هو ممكن يكون سيرفو طيب ؟؟

السيرفو يعمل معاك مشكلة برجله في السلانسيه مع دوسة الفرامل ..كده ممكن تكون الفرامل لسه واخده هوا برضه

[Mecha]

نزول الدواسه عادي دا تاثير السرفو , عشان تعرف بطل المكنه وادي عشر ضربات سراع للدواسه وشوف الفرامل محجره كل متدوس ,خليك دايس ودور هتلاقي الدواسه بتسحب لتحت يبا السرفو شغال وكلو عسلوز ,لو الفرامل بتجلي او تحتاج تكارك يبا فيها هوا.

[Mohamed_Hamid]

مبروك عليك ان شاء الله
ربنا يرزقك خيرها ويكفيك شرها