السير عكس الاتجاه

[emad6610]

هو مخالفة السير عكس الاتجاه كام؟؟؟ و ياتري فيها كلام و لا كده لست في الحيطة ؟؟؟ و لو فيه اي اقتراح يا ريت تشاركوني علشان فعلا مضايق جداا و ربنا يعلم جت ازاي ...الحمد لله علي كل حال

[Abo_Mazen]

اللي أعرفه إن هي 3000 جنيه ..بيتم تخفيضها للحد الأدنى تلقائيا من غير ما تطلب بتبقى 1050 جنيه ..مفيهاش كلام ..أي مخالفة تانيه ممكن تتخفض أو تتشال إلا دي ..هتدفعها يعني هتدفعها..وربنا يستر طريقنا وطريقك ويكفينا ويكفيك شر عكس الإتجاه

[emad6610]

ادفعها اليومين دول و لا لما اروح انقل ملكية و اجدد و ارخص لان الرخصة مش باسمي
و يا تري تدفع في المرور اللي تابعه له العربية صح؟

[Abo_Mazen]

ادفعها اليومين دول و لا لما اروح انقل ملكية و اجدد و ارخص لان الرخصة مش باسمي
و يا تري تدفع في المرور اللي تابعه له العربية صح؟

هي عموما المخالفة هتدفع في المرور اللي تابعه ليه العربية ..بس إتأكد الأول إنها نزلت ..لإن ممكن ما تنزلش أصلا وتبقى كأنها لم تكن ..إنت ورزقك بقى

[emad6610]

للاسف نزلت و مش عارف اعمل ايه فاضلي شهرين علي التجديد مش عارف استني و قت التجديد و لا اروح ادفع و اخلص

[hugan]

مش هاتفرق في جميع اﻻحوال هاتندفع
حاليا او عند التجديد
شوف ظروفك الماديه تسمح وﻻ تاجلها

[ayaamna]

لو جددت قبل انتهاء الرخصه افضل وهتجيب شهادة مخالفات مع مطابقة البصمه اما لو عديت فترة الترخيص هتزود شهادة بيانات والناس اللى هنا تفيدك اكتر

[emad6610]

يعني مش ممكن اشوف واسطة او ااقدم تظلم تتشال او تتخفض

[Abo_Mazen]

يعني مش ممكن اشوف واسطة او ااقدم تظلم تتشال او تتخفض

هي الواسطه في بلاد الشيتلاند تعمل أي حاجه ...

[miam0502788391]

ممكن تظلم لنايبة المرور ويخفضها 50%
وممكن التظلم لا يقبل

[emad6610]

يعني ممكن اتظلم علي السير عكس؟!!!!!!!!!!!
اتظلم في النيابة اللي تابع لها العربية و نتيجة التظلم بعد قد ايه؟

[svneleven]

اعتقد ما فيش تظلم في ال عكسي.

[Abo_Mazen]

اعتقد ما فيش تظلم في ال عكسي.

وأنا أعرف كده برضه ..إن عكس الإتجاه أصلا بتكون 3000 جنيه ..وبيتم تخفيضها توماتيكي توماتيكي بتبقى 1050 جنيه ..يعني هو أصلا وكيل النيابة عارف إنك هتتظلم وعشان كده خفضها ل 1050 جنيه