موضوع هام للمناقشة

[dr wael ghanem]

كاننا بنفكر بصوت عالى
انا معايا لانوس فول اوبشن 2001 ممتاااااازه شركة بره وجوه
المهم الايام دى عندى هاجس انى عاوز اغير لموديل اعلى فى السنه حتى 2010 او 2011 سواء افيو او لانسر

وده ليس لسبب الا ان الموديل قديم وبعد فترة معرفش هيكون سعرها ايه واكرر العربيه ممتازه
اولا ايه رايكم فى التفكير ده
ثانيا محتاج كام عشان الفرق بين العربيتين
ثالثا لو انتم مكانى هتعملوا ايه يعنى هتغيروا ولا لا

ياريت الكل يشارك لانى اعتقد ان كتير منكم فكروا فى القصة دى

[rotanamasoud]

فى اتجاهين الاول اللى تعرفه افضل من اللى متعرفوش وعربيتك ومش مزعلاك وبتعمل صيانتها وشفت فيها ايام حلوه
التانى طبيعه البشر الملل والاتجاه للتغيير ولا الومك على ذلك

[hon]

راى بعيد شوية عن الفكر التقليدى
أستنى شوية لما البلد تستقر ويبقى فيها برلمان والمسيرات تنتهى لان الدوشة فى البلد كبيرة شويتين
لكن من حقك ايضا انك تغير وترتقى بالموديل بتاع عربيتك وبمتلكاتك ككل بس انا شايف ان البلد دلوقتى ميصحش نعمل فيها كدا اللهم ان كان عقار ومتنساش عربيتك كويسة ولو حبيت تبيعها فى يوم تتباع
تحياتى

[riri4]

أنا كمان بفكر اغير لكورولا الشكل القديم بس مش هاين عليا العشره وبعدين بعد مافهمت العربيه وفهمتني وشيالاني وشياله عيالي ومش كسفاني أقوقم بعد كل ده أفرط فيها كده بسهوله دي عشره برده .
بس نفسي أركب كورولا

[bebo20]

اثبت مكانك واوعى تتحرك
طالما العربية ممتازة ومريحاك حافظ عليها
وبعدين الله اعلم بالمستعمل اللى هتشتريه

[dr wael ghanem]

فى اتجاهين الاول اللى تعرفه افضل من اللى متعرفوش وعربيتك ومش مزعلاك وبتعمل صيانتها وشفت فيها ايام حلوه
التانى طبيعه البشر الملل والاتجاه للتغيير ولا الومك على ذلك

كلامك منطقي بس زى ما حضرتك قلت الملل والحيره انها عربيه كويسه سكرا ليك

[dr wael ghanem]

راى بعيد شوية عن الفكر التقليدى
أستنى شوية لما البلد تستقر ويبقى فيها برلمان والمسيرات تنتهى لان الدوشة فى البلد كبيرة شويتين
لكن من حقك ايضا انك تغير وترتقى بالموديل بتاع عربيتك وبمتلكاتك ككل بس انا شايف ان البلد دلوقتى ميصحش نعمل فيها كدا اللهم ان كان عقار ومتنساش عربيتك كويسة ولو حبيت تبيعها فى يوم تتباع
تحياتى

انت خايف من السرقه ده راى يحترم .... خالص تحياتي

[dr wael ghanem]

أنا كمان بفكر اغير لكورولا الشكل القديم بس مش هاين عليا العشره وبعدين بعد مافهمت العربيه وفهمتني وشيالاني وشياله عيالي ومش كسفاني أقوقم بعد كل ده أفرط فيها كده بسهوله دي عشره برده .
بس نفسي أركب كورولا

الله عليك انت كده فاهم حيرتي كاني بسمع اغنيه انا بين نارين ههههههه

[dr wael ghanem]

اثبت مكانك واوعى تتحرك
طالما العربية ممتازة ومريحاك حافظ عليها
وبعدين الله اعلم بالمستعمل اللى هتشتريه

كلامك صح بس لو لقيت عربيه ثقة موديل عالي انا بدور فرضا لقيت تنصحني بااااايه

[BlueNova]

انا بفكر التفكير دا بقالي سنه وكل شويه تقع قدامي عربيه وفي الاخر بقول اظبط عربيتي وخلاص وبغير فيها حاجه فعلا بحس اني رجعت حبيتها تاني واسكت علي كدا بس لو خلاص هتغير ابعد عن الافيو سمعتها مش حلوه خليك في اللانسر وان كانت مش بتعجبني اوي برده

[BlueNova]

أنا كمان بفكر اغير لكورولا الشكل القديم بس مش هاين عليا العشره وبعدين بعد مافهمت العربيه وفهمتني وشيالاني وشياله عيالي ومش كسفاني أقوقم بعد كل ده أفرط فيها كده بسهوله دي عشره برده .
بس نفسي أركب كورولا

الكورولا دي اكتر عربيه over rated في تاريخ مصر وكرهتها من اللي بيحصل عليها مع انها عربيه كويسه

[riri4]

الكورولا دي اكتر عربيه over rated في تاريخ مصر وكرهتها من اللي بيحصل عليها مع انها عربيه كويسه

قصدك ياعني علشان سعرها ؟؟

[BlueNova]

قصدك ياعني علشان سعرها ؟؟

اه العربيه بتتباع اكتر من سعرها زيرو .. في نفس الوقت الاختيارات في سعرها كتير جدا