هل ابيع لانوس واجيب لانسر ؟؟

[ramadanshehatt]

مساء الفل يا رجالة .. واحد صاحبى عارض عربيته للبيع لانسر 2006 1300 سىى سىى حالة معقولة وانا عارف انها كويسة وهى اول يد معاه من الزيرو ... فعايز اخد رايكم انى ابيع عربيتى اللانوس 2005 واشترى عربيته ؟؟

- هل الموضوع يستاهل انى اغير من مستعمل لمستعمل وادفع الفرق ؟
- بالنسبة لمصاريف اللانسر هل هتفرق كتير عن اللانوس ولا قريبة ؟
- هل ال 1300 فى اللانسر مش كويسة ؟ ولا متفرقش ؟

علما ان عربيتى انا عارف اللى فيها واللى محتاجها زى اى حد .. وعربيته هتحتاج سيرفيس وتوضيب عادى مش كتير فمش عارف
ياريت تشاركونى النصيحة لانى محتار ..

[محمود فرنسا]

لو بتحب الشد والجري ال 1300 مش هتعجبك
انا رايي انك تاخدها منه الصبح اد خمس ست ساعات
تمشى بيها وتروح مشاويرك بالتكييف وتشوف لو عجبتك اتوكل على الله وخدها لو معجبتكش يبقى بلاش منها
وربنا يوفقك

[ramadanshehatt]

والله ياباشا انا فى موضوع الجرى والشد دة مش غاوى بس ميمنعش ان ساعات الواحد بتطلب معاه .. والصراحة ان اللانوس ال 1500 مش بتدى الواحد اللى هو عايزه فاعتقد اللى بيركب لانوس كبطة بلدى بالنسباله اى عربية تانيه هتبقى تمام ... هههه انا استخدامى كله جوه البلد فى القاهرة والجيزة وسفرية مصيف مرتين فى السنة شرم ولا حاجة ومش بجرى لانى معايا الاسرة .

[محمود فرنسا]

بس خلى بالك انت معاك 1500 هتنزل ل 1300 مع التكييف هتحس ان السحب اقل بكتير من اللانوس عشان كدة بقولك لازم تاخدها منه تجربها ممكن تتفقو على خروجه مع بعض وتطلب منه ان انت اللى تسوق عشان تشوف السحب بتاعها ولو عجبتك ربنا يبارلك فيها ويديك خيرها ويكفيك شرها

[graffittiii]

بص إنت مش هتحس بإندهاش عن اللانوس يعني ... عربية عادية جدا .

لو فرق السعر بسيط وإنت عايز تغير عشان الملل ... ماشي عشان هي أنعم شويه من الانوس.

لو فرق السعر كبير تبقي عربية ملهاش أي 30 لازمه .

[hugan]

في جميع اﻻحوال اﻻنسر هاتكون افضل من اﻻنوس
بس اﻻهم انها تكون عربيه نضيفه وسليمه

[4fun14]

دوس طبعا

[ramadanshehatt]

شكرا يارجالة على الاهتمام والنصيحة .. وان شاء الله هاستخير ربنا وابلغكم بعد ما اخلص فيها