استهلاك زيادة و دخنه سوداء خفيفه للنوبيرا 2

[hassabooo]

السلام عليكم و رحمه الله و كل عام و انتم بخير...
انا طالب مساعدة خبراء الدايو .. انا عربيتي نوبيرا 2001 اوتوماتيك ..العربيه بتاكل بنزين و في دخنه سوداءخفيفه ... غيرت بوجيهات و فلاتر و سلوك بوجيهات .. تظبط اسبوعين و بعدين تخرف ... حطيتها على Scan جابت knocker sensor و حساس اوكسجين غيرتهم و كودتهم و عملت scan تاني و لمبه ال check engine طفت .. بس لسه الاستهلاك عالي و في دخنه خفيفه و الموتور بحس برجرجه عل سرعه ... انا رحت من المعادي للشيخ زايد و رجعت و الطريق كله دائري و محور المشوار حوالي 90 كيلو استهلكت 14 لتر بنزين 92 و كانت بتاخد لنفس المشوار من 9 الى 10 لتر.. انا شاكك انها رشاشات بس العربيه بتدور على طول و من اول مرة مع العلم اني عندي رشاشات فيرنا و كانت شغاله زي الفل من زمان ..يا ريت حد يقدر يفيدني ايه المشكله ؟!! ... و شكرا مقدما

[egyplan]

احتمال والله اعلم ان الموتور يكون خف شويه
يعنى ممكن يكون نمحتاج طقم شنبر لانه واضح الن الموتور بيحرق زيت وده سبب الدخنة السوداء
والله اعلم برضة ممكن يكون اسباب اخرى

لو العربية بتاكل زيت يعنى الزيت بدء ينقص يبقى اكيد طقم شمبر

[hassabooo]

احتمال والله اعلم ان الموتور يكون خف شويه
يعنى ممكن يكون نمحتاج طقم شنبر لانه واضح الن الموتور بيحرق زيت وده سبب الدخنة السوداء
والله اعلم برضة ممكن يكون اسباب اخرى

لو العربية بتاكل زيت يعنى الزيت بدء ينقص يبقى اكيد طقم شمبر

اولا شكرا لمشاركتك .. ثانيا . المكنه لسه مغيرها من سنه و كبسها ممتاز و الزيت تمام من غير نقصان .. و كمان على حد علمي لو مكنه يبقى الدخنه بيضاء مش سوداء ..

[egyplan]

يبقى مشكلة كهرابا اكيد البنزين لا يتم حرقة كاملا
ممكن تكون مشكلة اسبراتير او بوجيهات

[asas630]

اولا شكرا لمشاركتك .. ثانيا . المكنه لسه مغيرها من سنه و كبسها ممتاز و الزيت تمام من غير نقصان .. و كمان على حد علمي لو مكنه يبقى الدخنه بيضاء مش سوداء ..

++++++++++1

[asas630]

يبقى مشكلة كهرابا اكيد البنزين لا يتم حرقة كاملا
ممكن تكون مشكلة اسبراتير او بوجيهات

احنا معندناش اسبراتير احنا الحرق عندنا بموبينة الكتروني

[asas630]

حساس الاكسجين ده بيخرف حاول تغيره

[msa142]

حساس شكمان

[hassabooo]

حساس الاكسجين ده بيخرف حاول تغيره

انا مغيره لسه من اسبوع و القديم كان بيدي قراءة خطا على. ال scan و الجديد كودته و قراياته تمام.. و اعراض تلفه كانت على البطئ ان العربيه عايزه تبطل و بتفتف بس في السرعه العاليه بيفصل و انا رحت بيها شرم بالعيب دا و كانت ماشيه تمام و جبت بيها 150 والتكييف شغال.. و الاستهلاك كان مظبوط.. انا كنت نظفت رشاشات بجهاز الالتراسونيك من شهر و الميكانيكي قالي في رشاش بايظ وقعد يحاول فيه لحد ما اشتغل.. السؤال اللي عايز اعرفه.. هل ممكن يكون عيب رشاشات مع انها بتدور على طول ؟

[hassabooo]

الحمد لله حليت المشكله .. و حبيت افيدكوا بالنتيجه ...
طلع فعلا حساس الشكمان اللي انا جبته جديد اي كلام ... حطيت العربيه على Scan و طلع حساس شكمان .. المهم غيرته بواحد استيراد ..وكمان غيرت الرشاشات و اشتريت بتوع الانترا اللي لونهم اخضر و نظفتهم على جهاز الالتراسونيك .. و العربيه ادائها اتحسن جدا و من لمسه بنزين بتطير .. و كمان استهلاك البنزين بقى احسن و اتظبطت .. شكرا لكل اللي حاول يساعد

[Mecha]

ممكن طقم رشاشات

[m.moly]

من فضلك جبتها بكام ومن اي مكان