مشكلة غريبة ارجو الافادة من اهل الخبرة

[fathyforever]

من شهر كدة حسيت بتقيعة فى العربية قلت اكيد البوجيهات فكت البوجهات وسنفرتها وظبطها قولت على ماغيرها بس لاحظت حاجة ان فى بوجية من الاربعة متبهدل جدااااا بعد مظبطهم ركبتهم التقطيعة راحت قولت تمام بعد 10 ايام لقتها رجعت تانى قولت اغيرهم بقا وانا بغيرهم لقيت نفس البوجية اللى كان بايظ هو برضو اللى متبهدل وطالع عينة والباقة عادى
غيرت البوجهات وركبت الجديد بعد 15 يوم التقطيعة رجعت تانى فكيت البوجهات تانى لقين نفس البوجية هو اللى عامل المشكلة
انا عايز دولقتى اعرف اية اللى يخلى بوجية واحد يبوظ و الباقى لا ودة كدة عيب اية وحلة اية
واسف على الاطالة

[Abo_Mazen]

هو إيه نوع البهدله اللي بتحصل بالضبط ؟؟..يعني بتلاقي عليه زيت؟؟ ..ولا بتلاقي عليه كاربون ناشف؟؟ ..ولا كاربون طري؟؟ ..ولا البوجيه مصدي؟؟ ..يعني إيه نوعية البهدله اللي البوجيه ده بيعاني منها؟؟

[fathyforever]

هو إيه نوع البهدله اللي بتحصل بالضبط ؟؟..يعني بتلاقي عليه زيت؟؟ ..ولا بتلاقي عليه كاربون ناشف؟؟ ..ولا كاربون طري؟؟ ..ولا البوجيه مصدي؟؟ ..يعني إيه نوعية البهدله اللي البوجيه ده بيعاني منها؟؟

بلقى لونة اسود اعتقد كربون ناشف وعلية زيت

[fathyforever]

حد يفدنى يارجلة اصل انا مقلق جدااااا وخايف ليكون حاجة كبيرة

[fathyforever]

مفيش حد هيفدنى وﻻ اية

[Abo_Mazen]

مفيش حد هيفدنى وﻻ اية

البستم بيهرب زيت

[fathyforever]

البستم بيهرب زيت

واية الحل اعمل اية

[Abo_Mazen]

واية الحل اعمل اية

طقم شنبر ..متتصدمش ..الموضوع بسيط جدا

[fathyforever]

دة اللى انا خايف منة
بس مش المفروض لو طقم شنبر يبقى الزيت فى الاربع بوجهات وﻻ دة معناة انو لسة فى الاول
الرجو التوضيح بالتفصيل وياريت لو اعرف تكلفتو كام وهل العربية بترحع زى الاول وﻻ ﻻ
وشكرا

[asas630]

دة اللى انا خايف منة
بس مش المفروض لو طقم شنبر يبقى الزيت فى الاربع بوجهات وﻻ دة معناة انو لسة فى الاول
الرجو التوضيح بالتفصيل وياريت لو اعرف تكلفتو كام وهل العربية بترحع زى الاول وﻻ ﻻ
وشكرا

سوال هوا حضرتك عندك جوان غطاء الكارتيرة بيجب زيت عشان ممكن يكون السبب في وجود الزيت علي البوجيه وانت بتحله

بالنسبة للكربنة الي علي البوجيه ممكن حضرتك يكون الرشاش الي علي البستون ده بيودع حاول تبدله مع رشاش تاني لو العربية تلتت علي البستون الي انتا غيرت عليه الرشاش يبقي كدا اكيد الرشاش لو فضل العيب علي نفس البستون يبقي فعلا زي ما زميلنا المحترم abo_mazen قال لحضرتك

ولعله خير ان شاء الله

[Abo_Mazen]

دة اللى انا خايف منة
بس مش المفروض لو طقم شنبر يبقى الزيت فى الاربع بوجهات وﻻ دة معناة انو لسة فى الاول
الرجو التوضيح بالتفصيل وياريت لو اعرف تكلفتو كام وهل العربية بترحع زى الاول وﻻ ﻻ
وشكرا

وارد قوي يكون في بستم واحد بس هو اللي بيهرب زيت ..عموما شوف إحتمال غطا التاكيهات ده برضه ..بس حضرتك بتقول كربون مرطب ..يعني كده الزيت جاي من جوه مش جاي من بره

[fathyforever]

لا غطاء التكهات عندى مفهوش مشاكل بس لو الموضوع من برة زى محضرتكو وضحتولى يبقى ممكن يكون جوان اللى تحت الموبينة لان البوجية اللى فى المشكلة هو اللى قريب من الموبينة هتابع الجوان دة بس بعد اذن حضرتك ممكن تعرفنى موضوع الشنبرة تفاصيلة اية لانى معرفش حاجة عنة اسعارة مصنعية فى خوف بعد كدة على العربية وشكرا جزيلا على الاهتمام

[asas630]

لا غطاء التكهات عندى مفهوش مشاكل بس لو الموضوع من برة زى محضرتكو وضحتولى يبقى ممكن يكون جوان اللى تحت الموبينة لان البوجية اللى فى المشكلة هو اللى قريب من الموبينة هتابع الجوان دة بس بعد اذن حضرتك ممكن تعرفنى موضوع الشنبرة تفاصيلة اية لانى معرفش حاجة عنة اسعارة مصنعية فى خوف بعد كدة على العربية وشكرا جزيلا على الاهتمام

يص حضرتك تغير طقم شنبر انا معملتوش قبل كدا عشان اعرف المصنعية بس الميكانيكي حيفك وش السلندر وحيفك الكارتيرة من تحت

اعتقد انا الشغلانة ديه بقطع الغيار ممكن تدخل في الف ج

حضرتك جربت تغير رشاش مكان رشاش ذي ماقولتلك يمكن تيجي في رشاش بس وتبقي بسيطة

[Nfs Rivals]

لا غطاء التكهات عندى مفهوش مشاكل بس لو الموضوع من برة زى محضرتكو وضحتولى يبقى ممكن يكون جوان اللى تحت الموبينة لان البوجية اللى فى المشكلة هو اللى قريب من الموبينة هتابع الجوان دة بس بعد اذن حضرتك ممكن تعرفنى موضوع الشنبرة تفاصيلة اية لانى معرفش حاجة عنة اسعارة مصنعية فى خوف بعد كدة على العربية وشكرا جزيلا على الاهتمام

يا بيه طقم الشنبر معروف مصنعيته في مصر كلها ب350ج
لا زيادة ولا اقل

[heshmbzm_f]

الاول ممكن اعرف العربة انجكشن ولا عادة
وبعدين زى ما قال الاخ الفاضل ايه نوع البهدلة لان شكل البوجيه بيدل على المشكلة
نوع البوجيهات بردة بيبقى ليها تاثير قوى يؤخذ فى الحسبان
لو فيه زيت على البوجيه لازم تلاقى دخنة ابيض مزرقة مع الشكمان وخصوصا فى بداية الدوران
بس متخفش ممكن تعمر العربية من غير ما توديها لميكانيكى
رد بس على وانا هاقولك نعمل اية
1- نوع الحقن للعربة
2- نوع البوجيهات المستخدمة
3- لون الدخنة الخلفى
4- لو فى صورة لشكل البوجية

والله الموفق