ارض الاسكان الاجتماعي

[mahmoudysf]

السلام عليكم
ايه رايكم في ارض الاسكان الاجتماعي اللي بنك الاسكان هينزلها الشهر ده....
الارض حسب موقع البنك.....جنوب طريق الواحات بجوار شقق الاسكان المتوسط اللي كانت معروضة من فترة..
سعر المتر 970 جنية...
اللي عارف المنطقة دي ايه رايو فيها وفي السعر
طبعا المنطقة 6 اكتوبر

[hugan]

209 هاتصفي تقريبا 120بالسلم والمنور
شقه صغيره رسيبشن صغير وغرف نوم صغيره

[mado83]

209 هاتصفي تقريبا 120بالسلم والمنور
شقه صغيره رسيبشن صغير وغرف نوم صغيره

يااااه120 وصغيره ده الحمد لله انا قاعد فى شقه 70 متر وبقول عليها لو بس فيها بلكونه تبقى 100 100 والحمد لله

[hugan]

يااااه120 وصغيره ده الحمد لله انا قاعد فى شقه 70 متر وبقول عليها لو بس فيها بلكونه تبقى 100 100 والحمد لله

نعمه
ربنا يوسع عليك وعلينا وعلي كل المسلمين

[exelence]

الأراضى دى تقريبا" مساحتها 276 متر مش 209 يعنى التكلفة تدخل فى 270 الف انا شايف السعر عالى خصوصا" انك لسه هتبنى بس يا ترى المسموح بيه كام دور و المساحة اللى تقدر تبنى عليها اد ايه ؟

[riri4]

أنا قدمت علي اللي فاتت وماكنش ليا نصيب فيها وكنت مقدم علي الشماليات
للعلم المنطقة اللي نازله المره دي كانت نازله المره اللي فاتت برد وماكنتش عاجباني علشان قريبه من أبني بيتك ولغاية دلوقتي مش عاجباني بس في أحد زملائي في العمل واخد شقه هناك بيوضبها علشان يجوز فيها سألته عن المنطقه قالي أنها عجباه وشايف أنها حلوه .
لو حد اشتري كراسه الشروط ممكن ينزلها علشان نقدر نعرف معلومات عنها لكن أعتقد مش هتفرق عن بتاعت المره اللي فاتت.

[exelence]

أنا قدمت علي اللي فاتت وماكنش ليا نصيب فيها وكنت مقدم علي الشماليات
للعلم المنطقة اللي نازله المره دي كانت نازله المره اللي فاتت برد وماكنتش عاجباني علشان قريبه من أبني بيتك ولغاية دلوقتي مش عاجباني بس في أحد زملائي في العمل واخد شقه هناك بيوضبها علشان يجوز فيها سألته عن المنطقه قالي أنها عجباه وشايف أنها حلوه .
لو حد اشتري كراسه الشروط ممكن ينزلها علشان نقدر نعرف معلومات عنها لكن أعتقد مش هتفرق عن بتاعت المره اللي فاتت.

هى المره اللى فاتت كانت نفس الأسعار ؟ و المسموح كام دور للبناء

[riri4]

أنا مش فاكر بس أنا كنت مقدم علي القطعة الصغيره اللي مش نازل منها المره دي وكانت حساباتي انها تساوي 147 الف يعني حوالي 700 جنيه للمتر أو تزيد شويه المره دي 970 جنيه للمتر تقريباً وكانت شروط البناء طبقاً للنماذج البناء ارضي و3 أدوار متكرر

[swimmer25]

276 متر ب 975 جنيه
ومتنساش 4% زيادة يعني المتر يقف ب 1014 جنيه..يعني إجمالي 280 ألف جنيه

الصفحة الرئيسية - 7-2015-اجتماعى

الموقع: معرفش حاجة عن مواقع القرعة دي
حتى كمان فيه العبور وبدر بس بردو معرفش عنهم حاجة
بس اللي أعرفه إن جهاز مدينة بدر وحش جدا ومش مهتم بأي حاجة..كنت عايز أقدم في بدر بس تراجعت

[exelence]

طب يا جماعة هل لما بتشترى القطعة مثلا" 276 متر هل بتعمل حوالين الارض دى سور خاص بيك و بتبنى فى داخل الارض على الحد المسموح بيه ولا انت بتاخد بس الجزء اللى مسموح بيه البناء اللى هو 60%