استفسار عن البوجيهات

[Michael_Lanos]

شباب
انا رايح اركب بويجهات للعربيه عندي لانوس 1 موديل 99
سألت الميكانيكي اركب 3 شمعه قالى كتير على العربيه والعربيه مش هاتستفيد بيه
قالى عاوز كفائه هات 2 شمعه رفيع ماركه دنسو او بوش او شامبيون
ايه نظام الكلام ده والصح ايه اللى يتعمل ....
وبرده ايه موضوع الكابلات لازم اغيرها وايه فايدتها واسعارها ايه؟
شكرا

[aymanhh]

دانسو دة مش كويس وعن تجربة احسن حاجة ngk او الشامبيون

[Michael_Lanos]

طيب 2 شمعه ولا 3

طيب 2 شمعه ولا 3
وكمان ايه موضوع الكابلات ده

[kh_talaat]

الكابلات دي هي اللي بتوصل الكهرباء للبوجيهات ومع الوقت بتتآكل وبتهرب كهربا ودة طبعا بيخلي نسبة الكهربا اللي بتروح للبوجيهات أقل وبيأثر على سحب العربية وعلى فكرة الأسلاك دي سعرها بسيط ومش مكلف أنا مثلا في الفيرنا غيرتها ب45 جنية تقريبا

[Shiref_mohamed]

البوجيهات هات Ngk ومش هتفرق 1شمعة ولا اتنين
الكابلات الكورى بـ 40 جنيه

[msobhy]

انا مشغل عربيتى ب 2 شمعة ومش فارقة خالص
علشان تعرف ان مفيش فرق لازم تعمل تجربة م/محمد ممدوح
هات طقم جديد 2 شمعة وهات طقم جديد 1 شمعة وجربهم مش هاتلاقى اى فرق خاااااالص

[Michael_Lanos]

:k15: انا كده محتار اعمل ايه فى البوجيهات دي طالما مش فارقه، امال امتى تبقى فارقه معايا ؟

[Michael_Lanos]

انا جيبت بوجيهات بوش ولقيت السلك متأكل غيرت الكابلاتوغيرت فلتر البنزين والهواء والحمد لله ما حستش بفرق خالص عن الاول نفس السحب اللى مش عاجبني بنسبه بسيطه، قالى الراجل كده فاضل تظبت السوسته اللى تحت الموتور بتاعت الشكمان علشان صوتها على عندي وشكلها مخرومه
يا مسهل الحال يارب

[islamkhidr]

انا جيبت بوجيهات بوش ولقيت السلك متأكل غيرت الكابلاتوغيرت فلتر البنزين والهواء والحمد لله ما حستش بفرق خالص عن الاول نفس السحب اللى مش عاجبني بنسبه بسيطه، قالى الراجل كده فاضل تظبت السوسته اللى تحت الموتور بتاعت الشكمان علشان صوتها على عندي وشكلها مخرومه
يا مسهل الحال يارب

مبروك على الحاجات الجديدة يا مايكل

بس ياريت تفنطلى سعر كل حاجة إشتراتها علشان نعرف أسعار النهاردة

[Michael_Lanos]

اولا طبعاً انا من اسكندريه فالاسعار هنا شمط شويه
لقيت بوجيهات اسعار وانواع والمضروب على الاصلى حاجه تجنن، بس فيه هنا واحد مشهور انه بيبيع الاصلى اسمه مزروعه رحتله اتشمط من عنده فى شويه حاجات:
- 4 بوجيهات 2 شمعه رفيع بوش"المفروض اصلى" ب 85 جنيه
- فلتر بنزين نضيف مش اصلى 40 جنيه
- فلتر هواء 35 جنيه
- 4 كابلات بوجيهات ب 60 جنيه كورى اصلى.

ايه رأيوكوم فى الاسعار، وعلى فكره العربيه لسه زي ماهى انا ما كنتش حاسس بحاجه بس قولت اغير كنوع من الصيانه علشان انا عديت 20 الف كيلوا من غير اى تغير لحاجه.

ايه المفروض يتغير تانى يا شباب علشان اظبت سحب العربيه افضل ؟؟

[wezo122]

بص ياسيدى سحب العربية متعلق بكذا حاجة أكشف على البوببينة ومتور طرمبة البنزين او الرشاشات ممكن تكون عاوزة تتنظف .

[wesam_salom]

ممكن يكون سحبها كده كويس
حاول تركب عربيه تانيه نفس النوع وتقارنها بيها

[swimmer25]

انا مشغل عربيتى ب 2 شمعة ومش فارقة خالص
علشان تعرف ان مفيش فرق لازم تعمل تجربة م/محمد ممدوح
هات طقم جديد 2 شمعة وهات طقم جديد 1 شمعة وجربهم مش هاتلاقى اى فرق خاااااالص

اللي فهمته من موضوع 1 شمعة او 2 شمعة وفيه كمان 4 شمعة ان عدد الشمعات ده مش عشان السحب ده عشان عمر البوجيه نفسه
عشان مثلا لو شمعة منهم اتحرقت او تراكم عليها بقايا الاحتراق او وصلها رطوبة عالية تخليها مش شغالة يبقي فيه شمعة تانية شغال ومتوقفش وجود البوجيه ده

وسمعت انه فيه نوع 4 شمعات ده بتمشي الكهرباء في شمعة لو باظت لاي سبب من اللي فاتو البوجيه بيحس بكده ويبدا ينقل خط سير الكهرباء لشمعة تانية وهكذا وبكده البوجيه يشتغل فترة اطول وميقفش فجاة وينقطع الجزء ده عن العمل تماما وتستمر عملية الاحتراق طبيعية

[Michael_Lanos]

طيب يا شباب ازاى اكشف على البوببينة ومتور طرمبة البنزين
ميكانيكي ولا كمبيوتر ؟ ولو كمبيوتر عاوز اعرف مكان انضف ناس وياريت لو فى اسكندريه

[wildwest100]

اولا طبعاً انا من اسكندريه فالاسعار هنا شمط شويه
لقيت بوجيهات اسعار وانواع والمضروب على الاصلى حاجه تجنن، بس فيه هنا واحد مشهور انه بيبيع الاصلى اسمه مزروعه رحتله اتشمط من عنده فى شويه حاجات:
- 4 بوجيهات 2 شمعه رفيع بوش"المفروض اصلى" ب 85 جنيه
- فلتر بنزين نضيف مش اصلى 40 جنيه
- فلتر هواء 35 جنيه
- 4 كابلات بوجيهات ب 60 جنيه كورى اصلى.

ايه رأيوكوم فى الاسعار، وعلى فكره العربيه لسه زي ماهى انا ما كنتش حاسس بحاجه بس قولت اغير كنوع من الصيانه علشان انا عديت 20 الف كيلوا من غير اى تغير لحاجه.

ايه المفروض يتغير تانى يا شباب علشان اظبت سحب العربيه افضل ؟؟

كابلات البوجيهات الاصلى تمنها انهاردا 160 جنيه
اللى ب 60 دول كورى مش اصلى
الاصلى بتكون فى علبة زرقاء GM