صوت طرقعه جامده في التانك لما ادور العربيه

[aboali62]

عربيتي نوبيرا ٢٠٠٠ اوروبي بتعمل مشكله لما ادورها اسمع صوت طرقعه جامده في التانك وابص عليه من تحت الاقيه مشفوط لفوق ولما ابطل العربيه او افتح غطا التانك يرجع تاني بس فبمشي بيها من غير ما اربط الغطا ميكانيكي قاللي البلف بتاع الغطا بايظ غيرت الغطا بغطا تاني استيراد ونفس المشكله فياريت لو حد يعرف المشكله دي ايه

[zillo]

شوف نفس التنك ,او خراتيم الكانستر ,لو سلك غير كنسطر. دا حلو انها لسه بتمشي.

[aboali62]

شكرا علي ردك بس يا ريت توضح اكتر لاني ما اعرفش ايه الكانستر ده

[Abo_Mazen]

نفس مشكلة بالضبط حصلت مع واحد من كام شهر ..وطلعت في الآخر علبة الكانستر

[aboali62]

طيب ازاي احلها انا دلوقتي شيلت بلف التانك وخرمته علشان يدخلها هواد بس ياريت شرح لعلبه الكانستر دي وازاي احلها

[hon]

طيب ازاي احلها انا دلوقتي شيلت بلف التانك وخرمته علشان يدخلها هواد بس ياريت شرح لعلبه الكانستر دي وازاي احلها

واضح ان حضرتك بالخرم الى عملتو فى غطا البنزين دا حتمون كتير دا غير انو حل غير أمن
حضرتك الكانستر دا موجود فى طرف التانك ومهمته تحويل بخر البنزبن الى بنزين مرة أخرة وهو حسب توصيات الشركة المصنعة لا ينظف لانه يحتوى بداخلة على الفحم
أنصح حضرتك بشرائه استيراد لتظيم ضغط تانك البنزين وتوفير الوقود
تحياتى

[hon]

بص على الموضوع دا كمان

http://www.nilemotors.net/Nile/357873-canister-egr-valve.html

تحياتى

[ehabahmed0]

الكانستر لازم يتغير لان التانك ممكن يحصله اجهاد من كتر الانبعاجات اللي بتحصل فيه....تمام زي السلك اللي بنفضل نتني ونفرد فيه لحد ما ينقطع

[zillo]

الاجهاد والانفعال

[msasm]

عيب EVAP solenoid ده مشهور في ال GM