تغيير الزيت

[dr wael ghanem]

انا عاوز اغير زيت موبيل بنوع تانى افضل لانى بسمع كلام كتير عليه
عارف هتقولوا شوف الكتالوج واللزوجه وكده
بس عاوز اعرف من اهل الخبرة وخبراء المنتدى اللى اتمنى يثروا المنتدى زى الاول وخاصه استاذ محمد ممدوح
انا عربيتى لانوس 2001 كامله حالتها ممتازه جدا
ماشية 120000كم
ممكن اغير من موبيل لايه ويكون زيت متوفر لاننى فى محافظة الغربيه وافضل مكانه مضمون اجيبه منه وشكرا
برجاء الاهتمام من الخبراء

[Ramsees]

هات شيل
بس اشترى من بنزينة محترمة افضل من الشراء من المحلات

[dr wael ghanem]

71 مشاهده ورد واحد ............
للاسف المنتدى مبقاش مفيد زى الاول

[dr wael ghanem]

[micromoud]

شل الاصفر محترم جداا

[swimmer25]

إبعد عن الزيوت المصري
فيسكو 5000 الجركن الفضي وده بيقعد 10 الاف كم

كاسترول إيدج..10 ألاف كم

اللي أنا مجربتوش وبيقولوا كويس هو فالفولين

المهم اللانوس يفضل ليها لزوجة قليلة ويكون زيت تخليقي ولزوجة 5w-40 مش أكتر

[Abo_Mazen]

زيت شيل عن تجربة ناس كتير ...بس هاته من موزع معتمد عشان مبقاش في بنزينات شيل

[borio1704]

انا عاوز اغير زيت موبيل بنوع تانى افضل لانى بسمع كلام كتير عليه
عارف هتقولوا شوف الكتالوج واللزوجه وكده
بس عاوز اعرف من اهل الخبرة وخبراء المنتدى اللى اتمنى يثروا المنتدى زى الاول وخاصه استاذ محمد ممدوح
انا عربيتى لانوس 2001 كامله حالتها ممتازه جدا
ماشية 120000كم
ممكن اغير من موبيل لايه ويكون زيت متوفر لاننى فى محافظة الغربيه وافضل مكانه مضمون اجيبه منه وشكرا
برجاء الاهتمام من الخبراء
:copy of rfds::copy of rfds::copy of rfds:

يا دكتور... ما تزعلش مني.. بس ازاي حضرتك مش عايز ترجع للكتالوج؟؟؟

هو مش المفروض بردو يبقى عندك مرجع؟؟ ولا الدكتوراه علمت حضرتك حاجة تانية؟؟



عموما...

حسب كتالوج اللانوس... تقدر تحط أي لزوجة بأي مستوى جودة بدون مشاكل...

ولو عايز أحسن حاجة لموتورك... يبقى تحط أعلى مواصفات متوفرة... اللي هي زيت تخليقي بمستوى api sn وكود acea a3... واللزوجة تكون 5w-40 أو 5w-50

بالنسبة للماركات.. تقدر تروح على شيل هيليكس ألترا ... أو كاسترول إيدج... أو أي ماركة تانية بالمواصفات دي.


كله زي بعضه..

واللي يقوللك غير كده - صدقني - بيضحك عليك أو مش فاهم.

إنما لو الزيت بينقص... يبقى خليك في المعدني.. مش علشان هو أحسن.. إنما علشان ما تبقاش بترمي فلوسك عالأرض.


...

[borio1704]

ودي مواصفات الزيوت المناسبة حسب الكتالوج





...

[dr wael ghanem]

يا دكتور... ما تزعلش مني.. بس ازاي حضرتك مش عايز ترجع للكتالوج؟؟؟

هو مش المفروض بردو يبقى عندك مرجع؟؟ ولا الدكتوراه علمت حضرتك حاجة تانية؟؟



عموما...

حسب كتالوج اللانوس... تقدر تحط أي لزوجة بأي مستوى جودة بدون مشاكل...

ولو عايز أحسن حاجة لموتورك... يبقى تحط أعلى مواصفات متوفرة... اللي هي زيت تخليقي بمستوى api sn وكود acea a3... واللزوجة تكون 5w-40 أو 5w-50

بالنسبة للماركات.. تقدر تروح على شيل هيليكس ألترا ... أو كاسترول إيدج... أو أي ماركة تانية بالمواصفات دي.


كله زي بعضه..

واللي يقوللك غير كده - صدقني - بيضحك عليك أو مش فاهم.

إنما لو الزيت بينقص... يبقى خليك في المعدني.. مش علشان هو أحسن.. إنما علشان ما تبقاش بترمي فلوسك عالأرض.


...

اخويا الفاضل شكرا لحضرتك على الرد التحليلى
انا مكنتش اقصد ان ما ارجع للكتالوج بالعكس انا منزله عندى وبستفيد منه انا كنت اقصد ترجيحات حضراتكم من واقع الخيره والاستعمال وبكرر شكرى لحضرتك ولكل الردود والحمد لله رجع تفاعل تانى فى المنتدى اللى كلنا بنعتز بيه

[dr wael ghanem]

ودي مواصفات الزيوت المناسبة حسب الكتالوج





...

هو حضرتك موبيل اللى بستعمله بنفس المواصفات دى وبجيبه من محلت التوكيلات بس الكلام عن الغش بيخوفنى
والحمد لله الزيت مش بينقص ولنزله على 2500 فى الصيف و 3000 فى الشتاء هل ده مناسب ام لا
؟؟؟

[borio1704]

هو حضرتك موبيل اللى بستعمله بنفس المواصفات دى وبجيبه من محلت التوكيلات بس الكلام عن الغش بيخوفنى
والحمد لله الزيت مش بينقص ولنزله على 2500 فى الصيف و 3000 فى الشتاء هل ده مناسب ام لا
؟؟؟

أتفق معاك في خوفك من الغش... بس متهيألي لو حضرتك اشتريت من أماكن مضمونة هتكون حليت المشكلة بنسبة 95%.

بالنسبة للمدة اللي الزيت يقعدها في الموتور... فيفترض إنها ما تقلش عن 5000 كم... حتى ولو بتجيب أقل نوع موجود في الكتالوج.

ليه بقول كده؟؟؟

لإن الصانع لا يمكن ينصحك بحاجة ويكون فيها ضرر على العربية... والزيت فعليا ممكن يقعد أكتر من المسافة دي بكتير... بس الصانع واخد Factor of Safety عالي... علشان ممكن جدا تكون مسافر بالعربية مثلا وما تلاقيش زيت مناسب.. أو حتى تنسى تغير الزيت!!!

فتلاقي الكتالوج مكتوب فيه 5000 كم في حالات القيادة الشاقة... ما قالش 3000.

ال3000 دي بتبقى في أمريكا علشان هناك بيقيسوا المسافات بالميل.. وفعليا 3000 ميل = 5000 كيلومتر.

وفر فلوسك وحافظ على موتورك وغير الزيت كل 5000 كيلومتر.


...

[dr wael ghanem]

[QUOTE=borio1704;3875989752]
أتفق معاك في خوفك من الغش... بس متهيألي لو حضرتك اشتريت من أماكن مضمونة هتكون حليت المشكلة بنسبة 95%.

بالنسبة للمدة اللي الزيت يقعدها في الموتور... فيفترض إنها ما تقلش عن 5000 كم... حتى ولو بتجيب أقل نوع موجود في الكتالوج.

ليه بقول كده؟؟؟

لإن الصانع لا يمكن ينصحك بحاجة ويكون فيها ضرر على العربية... والزيت فعليا ممكن يقعد أكتر من المسافة دي بكتير... بس الصانع واخد Factor of Safety عالي... علشان ممكن جدا تكون مسافر بالعربية مثلا وما تلاقيش زيت مناسب.. أو حتى تنسى تغير الزيت!!!

فتلاقي الكتالوج مكتوب فيه 5000 كم في حالات القيادة الشاقة... ما قالش 3000.

ال3000 دي بتبقى في أمريكا علشان هناك بيقيسوا المسافات بالميل.. وفعليا 3000 ميل = 5000 كيلومتر.

وفر فلوسك وحافظ على موتورك وغير الزيت كل 5000 كيلومتر.


.
استفسار اخير من حضرتك اخويا الفاضل
الزيت اللى بستعمله موبيل انتاج مصرى بياناته كالاتى
mobile super 1000
20w-50
متوافق مع API SL
مستوى الجوده API CF
لتل بجيبه من محل كبير هو توكيل لموبيل بفرض انه مضبوط
هل الواصفات دى جيده وتنزل على 5000 كم زى ما حضرتك تفضلت وذكرت
ولو هينزل على 5000 كم اغير الفلتر كل غيار زيت ولا كل 1000كم
وشكرا لحضرتك اسف على الاطاله

[borio1704]

استفسار اخير من حضرتك اخويا الفاضل
الزيت اللى بستعمله موبيل انتاج مصرى بياناته كالاتى
mobile super 1000
20w-50
متوافق مع API SL
مستوى الجوده API CF
لتل بجيبه من محل كبير هو توكيل لموبيل بفرض انه مضبوط
هل الواصفات دى جيده وتنزل على 5000 كم زى ما حضرتك تفضلت وذكرت
ولو هينزل على 5000 كم اغير الفلتر كل غيار زيت ولا كل 1000كم
وشكرا لحضرتك اسف على الاطاله

مفيش أي إطالة يا فندم .. واحنا هنا علشان نفيد بعض..

بالنسبة للزيت اللي حضرتك بتستخدمه.. فحسب المكتوب في الكتالوج .. الزيت ده مناسب طبعا... ويعتبر كمان أعلى من المطلوب من ناحية مستوى الجودة (الكتالوج طالب API SH)

وبالنسبة للزوجة.. فدي أعلى لزوجة مسموح بيها في الكتالوج... وده له مميزات وعيوب..

المميزات إنه اللزوجة دي هتديك أعلى طبقة حماية ممكنة... وبالتالي ده بيطول عمر الموتور...

العيوب إنه هيزود استهلاك البنزين.. لإن الزيت اللزج بيعمل إعاقة لحركة الأجزاء الميكانيكية جوه الموتور.. وبالتالي الموتور بيبذل مجهود علشان يدور نفسه... والمجهود ده بيترجم لاستهلاك بنزين.

حاجة تانية لازم تاخدها في الاعتبار.. إن الزيت ده معدني.. وبالتالي له عيبين ( مالهومش علاقة باللزوجة أو مستوى الجودة ):

1- انتشار الزيت في بداية تشغيل الموتور على البارد ( بعد ركنة طويلة 3 ساعات على الأقل ) بيقى أبطأ من الزيت التخليقي.. وبالتالي بيحصل تآكل في أول 20-30 ثانية من بعد تدوير العربية بمعدل عالي نسبيا.

2- ما تقدرش تسيب الزيت في الموتور فترة طويلة ( أكتر من 15 آلاف كم ) ﻹنه بيتأكسد ويكون ترسبات طينية Sludge.. ودي بتعمل مشاكل كبيرة على المدى المتوسط ( 3-5 سنوات ).

العيبين الاتنين دول هما اللي خلوا شركات السيارات تنصح بالزيوت التخليقية


بالنسبة للفلتر... فزي ماهو مكتوب في الكتالوج بردو... لازم تغير الفلتر مع كل غيار زيت ( 5000 أو 10000 ).

آه.. على فكرة..

لو حضرتك مشيك بالعربية قليل (حسب كتالوج اللانوس: أقل من 20 ألف كم في السنة )... فانسى كل اللي قلناه عن المسافات... واشتغل بالمدة..


حسب الكتالوج.. التغيير بالمدة بيكون كل 3 شهور في حالات القيادة الشاقة ( اللي بتحصل معانا كلنا ).. أو كل 6 شهور في حالات القيادة العادية ( اللي ما بتحصلش مع أي حد فينا ).



لو حضرتك لقيت أي صعوبة في فهم الأكواد أو تصنيفات الزيوت.. أنصحك تقرا الموضوع ده

http://www.nilemotors.net/Nile/341680-a.html

...

[dr wael ghanem]

مفيش أي إطالة يا فندم .. واحنا هنا علشان نفيد بعض..

بالنسبة للزيت اللي حضرتك بتستخدمه.. فحسب المكتوب في الكتالوج .. الزيت ده مناسب طبعا... ويعتبر كمان أعلى من المطلوب من ناحية مستوى الجودة (الكتالوج طالب api sh)

وبالنسبة للزوجة.. فدي أعلى لزوجة مسموح بيها في الكتالوج... وده له مميزات وعيوب..

المميزات إنه اللزوجة دي هتديك أعلى طبقة حماية ممكنة... وبالتالي ده بيطول عمر الموتور...

العيوب إنه هيزود استهلاك البنزين.. لإن الزيت اللزج بيعمل إعاقة لحركة الأجزاء الميكانيكية جوه الموتور.. وبالتالي الموتور بيبذل مجهود علشان يدور نفسه... والمجهود ده بيترجم لاستهلاك بنزين.

حاجة تانية لازم تاخدها في الاعتبار.. إن الزيت ده معدني.. وبالتالي له عيبين ( مالهومش علاقة باللزوجة أو مستوى الجودة ):

1- انتشار الزيت في بداية تشغيل الموتور على البارد ( بعد ركنة طويلة 3 ساعات على الأقل ) بيقى أبطأ من الزيت التخليقي.. وبالتالي بيحصل تآكل في أول 20-30 ثانية من بعد تدوير العربية بمعدل عالي نسبيا.

2- ما تقدرش تسيب الزيت في الموتور فترة طويلة ( أكتر من 15 آلاف كم ) ﻹنه بيتأكسد ويكون ترسبات طينية sludge.. ودي بتعمل مشاكل كبيرة على المدى المتوسط ( 3-5 سنوات ).

العيبين الاتنين دول هما اللي خلوا شركات السيارات تنصح بالزيوت التخليقية


بالنسبة للفلتر... فزي ماهو مكتوب في الكتالوج بردو... لازم تغير الفلتر مع كل غيار زيت ( 5000 أو 10000 ).

آه.. على فكرة..

لو حضرتك مشيك بالعربية قليل (حسب كتالوج اللانوس: أقل من 20 ألف كم في السنة )... فانسى كل اللي قلناه عن المسافات... واشتغل بالمدة..


حسب الكتالوج.. التغيير بالمدة بيكون كل 3 شهور في حالات القيادة الشاقة ( اللي بتحصل معانا كلنا ).. أو كل 6 شهور في حالات القيادة العادية ( اللي ما بتحصلش مع أي حد فينا ).



لو حضرتك لقيت أي صعوبة في فهم الأكواد أو تصنيفات الزيوت.. أنصحك تقرا الموضوع ده

http://www.nilemotors.net/nile/341680-a.html

...

بشكر حضرتك علي العرض القيم وفعلا امس قريت موضوع حضرتك اللي اشرن اليه وعملت شكر للموضوع
سؤال من فضلك
لو استمريت ع الزيت ده انزله كل كام كم وهل الشتاء غير الصيف
ولو رايك اغيره لنوع تانى حضرتك تنصح بايوشكرا لحضرتك علي مجعودك وتعبك جعله الله ف ميزان حسناتك