مش دايو اتباعت بردة ؟؟ أمال اه الجامدة دية ؟؟

[kero25]

ياجماعة هي مش دايو اتباعت بردوة امال اية دية شكلها جامد اوى وعلامة دايو والى ركبها بيأكد انها كورى يعنى هى هى طيب فين الحجات دية !!!!

[sab3aawy]

دايو اشترتها جنرال موتورز من عام 2003 لكنها لا تزال حتى هذة اللحظة اسمها جنرال موتورز دايو، جنرال موتورز مش بتلغى اسماء الشركات اللى بتشتريها، يعنى شركة آدم اوبل اللى جنرال موتورز اشترتها قبل سنة 1930 لسة اسمها اوبل لحد النهاردة، وفوكسهول لسة اسمها فوكسهول لحد النهاردة، وهولدن لسة اسمها هولدن لحد النهاردة ، وايسوزو لسة اسمها ايسوزو لحد النهاردة، وبرضه دايو اسة اسمها دايو لحد النهاردة، منتجات شركة جنرال موتورز دايو بتتباع لحد النهاردة باسم دايوو فى مناطق عديدة من العالم، وبتتباع باسماء اخرى فى اماكن اخرى، يعنى العربية الشيفروليه اوبترا بتتباع فى دول كتير باسم دايو لاسيتى، وحتى الشيفرولية اوبترا اللى بتجيلك هنا بتخرج من مصنع اليافطة اللى متعلقه عليه من برة تحمل اسمة دايوو وليس شيفروليه، ونفس الكلام على العربية الشيفروليه الدبابة، مكوناتها المستوردة بتجيلك كلها من مصنع فى اليابان يحمل يافطة مكتوب عليها ايسوزو وليس شيفرولية

[kero25]

[kero25]

يعنى دية اوبترا برة واو بجد احنا كدا بيضحك علينا اخر حاجة

[KoDaK_Gti]

لا مش دى اللى مقصود بيها الاوبترا طبعا
بس العربية شكلها جامدة جدا جدا فخامه وانسيابية وروعة فى التصميم بصراحة

[morabet79]

اللاسيتي موجوده منطقة حره في بورسعيد

[kero25]

بس مش هى دية الى فى بورسعيد هى مع مواحد صحبى هى هى الاوبترا بلظبط مش الجامدة دية
دية شبة الفئة الخامسة بى م

[morabet79]

طبعا مش هيا إلي في بورسعيد ، إلي في بورسعيد تقريبا موديل 2003

إنما إلي في الصوره شكلها حديث 2008 أو 2009

وكمان الاسيتي مش رخيصه ، يعني بنفسر سعرها تجيب ياباني

[Hany A Fattah]

ايه الجمال ده انا مش مصدق ان دى دايو

[islamkhidr]

موضوع جميل ومعلومات قيمة

جزاكم الله كل خير

[Hosam_Optrawy]

دى المفروض الشكل الجديد من الاوبترا
دايو لاسيتى = شيفروليه كروز

[kero25]

موضوع جميل ومعلومات قيمة

جزاكم الله كل خير

هى الصورة الحضرتك حتتها دية لانوس 2 اتوماتيك

[islamkhidr]

هى الصورة الحضرتك حتتها دية لانوس 2 اتوماتيك

لا دية دايو لانوس 1 موديل 2000

وأنا حاطط صور ليها فى قسم ألبوم سيارات الاعضاء

ودة الرابط بتاعة

http://www.nilemotors.net/Nile/showthread.php?t=36786

[mokhtar]

يعنى دية اوبترا برة واو بجد احنا كدا بيضحك علينا اخر حاجة

احنا مش بيضحك علينا لان كل سوق له ظروفه ودى عمليه تسويقيه بحته يعنى جنرال موتورز وبالاخص شيفروليه معظم صناعتها محركات ضخمه 2400 سىسى وانت طالع زى الكابريس واللومينا والتاهو والسوبربان والتريل بليزر .....وطبعا العربيات دى سوقها مش مصر خالص الخليج او امريكا ..هل فىالحاله دى جنرال موتورز تفقد سوق مهم زى السوق المصرى خصوصا انها مجموعه تحتوى على العديد من الشركات وبرضه ممكن يكون بتنزل عربيه واحده بعدد من الماركات فى بلاد مختلفه لارتباط المستهلك بولاء للاسم او الماركه او العلامه التجاريه يعنى مثلا الاوبترا لو كانت نزلت السعوديه باسم دايو لاسيتى انا متاكد انها ماكانتش هتتباع لانهم بيحتقروا اسم دايو وميعرفوش منه الا الليجانزا وعلى استحياء .... وجنرال موتورز بتنزل منتجاتها فى استراليا باسم هولدن اللى هيا اصلا شركه استراليه ..يعنى باحثين التسويق بجنرال موتورز بيدرسوا السوق ويشوفوا هو عايو ايه ؟ ..رغبات المستهلكين وميولهم ؟ ارتباط وولاء المستهلك لاسم او علامه تجاريه معينه ؟ وعلى اساس بحوثهم يحددوا كل حاجه متعلقه بصناعه العربيه ونزولها للسوق بدءا من سعه محركها الى اسمها وماركتها وتسعيرها..




..mokhtar..

[islamkhidr]

احنا مش بيضحك علينا لان كل سوق له ظروفه ودى عمليه تسويقيه بحته يعنى جنرال موتورز وبالاخص شيفروليه معظم صناعتها محركات ضخمه 2400 سىسى وانت طالع زى الكابريس واللومينا والتاهو والسوبربان والتريل بليزر .....وطبعا العربيات دى سوقها مش مصر خالص الخليج او امريكا ..هل فىالحاله دى جنرال موتورز تفقد سوق مهم زى السوق المصرى خصوصا انها مجموعه تحتوى على العديد من الشركات وبرضه ممكن يكون بتنزل عربيه واحده بعدد من الماركات فى بلاد مختلفه لارتباط المستهلك بولاء للاسم او الماركه او العلامه التجاريه يعنى مثلا الاوبترا لو كانت نزلت السعوديه باسم دايو لاسيتى انا متاكد انها ماكانتش هتتباع لانهم بيحتقروا اسم دايو وميعرفوش منه الا الليجانزا وعلى استحياء .... وجنرال موتورز بتنزل منتجاتها فى استراليا باسم هولدن اللى هيا اصلا شركه استراليه ..يعنى باحثين التسويق بجنرال موتورز بيدرسوا السوق ويشوفوا هو عايو ايه ؟ ..رغبات المستهلكين وميولهم ؟ ارتباط وولاء المستهلك لاسم او علامه تجاريه معينه ؟ وعلى اساس بحوثهم يحددوا كل حاجه متعلقه بصناعه العربيه ونزولها للسوق بدءا من سعه محركها الى اسمها وماركتها وتسعيرها..




..mokhtar..

كلامك كلة يا أستاذ مختار مظبوط وتمام التمام