مشكلة غريبة فى دايو 99 أتوماتيك

[darkmask]

أتمنى أنى ألاقى عندكم حل للمشكلة دى
أنا عربيتى 99 أتوماتيك خليجى
المشكلة أن العربية بعد 120 مافيش سحب خالص
حتى لو دوست على دواسة البنزين بحس كأنى مش بدوس على حاجة
لا تأثير نهائى الدواسة بتنزل لتحت لكن ما فيش لا صوت موتور بيعلى ولا فى أى زيادة فى السرعة
أنا غيرت الفتيس قريب
وغيرت بوجيهات
وغيرت رشاشات
غيرت كارتة الموتور
حساس شكمان
والشكمان بالكامل مغيره والعربية الحمد لله مش بتسخن

مع العلم أن العربية على جهاز الكمبيوتر
مافيش أى أعطال فى التقرير عن الحساسات

المشكلة دى ممكن تكون بسبب أيه

[darkmask]

نسيت أقول
غيرت طلمبة البنزين كمان

[shake]

متابع

[darkmask]

هو الموضوع صعب للدرجادي
مافيش حد عنده حل

[zendo]

مشكلة فتيس

[darkmask]

مشكلة فتيس

انا قولت لحضرتك لسه مغير فتيس
والفيس الأول كانت المشكله قائمه
يعني تغيير الفيس لم يحل المشكله

[zendo]

حط العربية على جهاز كشف اعطال وممكن يكون عندك الموتور مفوت يعنى خفيف وشوف الواير بتاع دواسةالبنزين

[virse]

حط العربية على جهاز كشف اعطال وممكن يكون عندك الموتور مفوت يعنى خفيف وشوف الواير بتاع دواسةالبنزين

فعلا انا مقتنع بكلام حضرتك انو ممكن يكون الوير بتاع دواسة البنزيزن بدليل ان صوت الموتور مبيعلاش لان لو المشكله في الفتيس او الموتور الصوت هيعلي من غير سحب لكن طالما مفيش صوت يبقي يتاكد من الوير

[darkmask]

واير الدواسة ممكن يكون ماله ؟
الموضوع بيحصل كتير مش لازم على 120 بس
ممكن أكون ماشى 80 أو 100 وأدوس ومالاقيش أى رد فعل للدواسة
الواير لو مش مظبوط مش حيدوس خالص لكن مش ساعات يدوس وساعات لأ
أنا شاكك فى حساس الأيدل وحساسtps

[zendo]

واير الدواسة ممكن يكون ماله ؟
الموضوع بيحصل كتير مش لازم على 120 بس
ممكن أكون ماشى 80 أو 100 وأدوس ومالاقيش أى رد فعل للدواسة
الواير لو مش مظبوط مش حيدوس خالص لكن مش ساعات يدوس وساعات لأ
أنا شاكك فى حساس الأيدل وحساسtps

علشان كده بقولة يحط العربية على جهاز الاول

[darkmask]

علشان كده بقولة يحط العربية على جهاز الاول

ماهو ده اللى حيجننى

مع العلم أن العربية على جهاز الكمبيوتر
مافيش أى أعطال فى التقرير عن الحساسات

أمبارح واحد قالى أن التقسيمة ممكن تكون خالفة والعربية مأخرة
وفعلا بصينا على التقسيمة من أول وجديد وطلعت مظبوطه على العلامات بالمللى

هى فعلا حاجة غريبة أنا كمان أكتشفت أنى لما بدوس بنزين ومش بلاقى أى رد فعل لو فضلت أزود أزود وقت كتير فجأه كأنى كنت مخزن بنزين ودفعته مرة واحدة
العربية بتشد والأر بى أم بيعلى