صوت زنة اسفل السيارة نوبيرا 2008

[ahmad--ezzat]

يا جماعة انا وانا ماشى بالعربية بسمع صوت خفيف اوى تحت العربية (صوت زى صوت التعبان كدة) ياريت يكون حد فاهمنى هو عموما الصوت خفيف اوى وبيكون موجود لما النقلة بتيجى بدرى شوية مع ان الصوت دة مكنش موجود سواء النقلة جت بدرى ولا متاخر هو الصوت مش بيعلى ولا حاجة بس ثابت وخفيف
انا الصراحة الحجات دى بتضايقنى جدا مع انى لسا مكملتش 3000 كيلو
لو حد يعرف دى من اية ياريت يشاركنى

[Sherif Khalifa]

الشكمان راكب علية الغطاء النيكل ؟

[ahmad--ezzat]

مش فاهمك يا بشمهندس شريف وضح
اجب افصح ههههه

[Sherif Khalifa]

فى طرف الشمكان من را راكب حلية نيكل
الحلية دى انا اكتشفت انها بتزن جامد من وقت للتانى
فربتطها كويس

[ahmad--ezzat]

ايوة ان شاء الله هشوفها ولو مفكوكة هربطها
شكرا على اهتمامك وردك

[Sherif Khalifa]

بتتربط بصمولتين بمفتاح 10

[ahmad--ezzat]

شكرا يا استاذ شري على الاهتمام لكن انا شفت الغطاء النيكل لقيتو مربوط كويس جدا
وثابت ومش بيتحرك
انا ان شاء الله رايحلهم التوكيل بكرة اشوف الموضوع الرخم دة
فى حاجة تانية ان الصوت دة بيحصل لما العربية تكون واقفة وادوس بنزين لحد 4 ار بى ام وهيا راجة بقا عند 2 ونص مثلا بتلاقى الصوت ظهر وبعد كدة بيروح
محدش يعرف دة من اية انا اعتقد انو شكمان والله اعلم بس مالو الشكمان مش عارف

[Sherif Khalifa]

إن شاء الله بسيطة
ممكن تكون قواعد مش مربوطة كويس ولا حاجة

[ahmad--ezzat]

معلش يا بشمهندس شريف قواعد اية؟
قواعد الموتور ولا الشكمان ولا اية بالظبط

[Sherif Khalifa]

ممكن قواعد متور او فتيس
بس انا معرفش
التوكيل هيقلك

[Sameh]

بص يا أحمد باشا ، الكلام ده بالظبط حصل معايا فى نوبيرا 2008 برضه وكان مجننى

من الآخر طلع من علبة الكتاليزر اللى هى علبة البيئة وهى راكبة على ماسورة الشكمان من قدام ، يعنى تقريبا تحت عصاية الفتيس كدة ، وطلع الحشو بتاعها مش مظبوط وغيروها فى التوكيل على حسابهم بدون مصنعية حتى ، سألت عليها برة لقيت تمنها حوالى الف جنيه ، وفعلاً الصوت قل شوية إنما ماختفاش خالص ، أحياناً بيظهر بس بشكل أقل ، واضح إن ده الطبيعى بتاعها

خلى بالك بقا من حاجة ، لما ركبوا العلبة الجديدة ، العلبة ليها فلنشة من الطرفين بتربط بمسمار وصامولة فى الفلنشة بتاعت ماسورة الشكمان ، المهم مع الرباط وغشومية الصنايعى اللى عملها ، حصل شرخ بين الفلنشة دى والعلبة ، وطبعا الصوت بقا عالى أوى بعد التغيير بيومين بس ، وديتها لبتاع شكمانات نزل وبص وكدب عليا قاللى مافيش حاجة برة ولازم أخرج العلبة وأفكها من جوة عشان ده الحشو ، قولتله لأ شكراً وإطمنت ومشيت على أساس مافيش خرم ولا حاجة قولت لما أبقا أروح التوكيل ، بعدها الشرخ وسع والعلبة وقعت وأنا ماشى فى الشارع وكانت مسخرة طبعا وصوت كراكة ماشية !! المهم الحمد لله كنت قدام السبتية فدخلت لحمتها (الومنيوم) وركبتها عند بتاع شكمانات

[ahmad--ezzat]

شكرا للافادة يا استاذ سامح خوفتنى هههه
المهم انا الصوت عندى مش عالى ومش مسموع اصلا يعنى لما بقفل الزجاج مش بسمعو وكمان هو مش بيزيد
انا رحت التوكيل الساعة 1 قالولى تعلا بكرة الساعة 7 الصبح وهروح
ان شاء الله خير

[Sameh]

ده شكل العلبة ، خليهم يشيكوا عليها وشوف

[shamstec]

انا عندى نفس الصوت بس عالى جدا
لانوس 2007 وده من يوم ماجبتها
وبيحصل لو نقلت بدرى
باحس ان فيه صاج بيرن جامد
بتاع الشكمانات قاللى ان فيه فلنشات صاج داخل العلب وملحومه بنط
لكن اللحام فك
وبالتالى لازم نغير العلب
بس كلامه نصه يمشى لكن التغيير ده مش منطقى
كمان انا فحصت العربيه من تحت فى البنزينه واتاكدت ان مافيش اي حاجه سايبه
ولا ديل شكمان ولا الصاجه اللى فوق العلبه ولا القفايز........ ولا اى حاجه
صوتها فضايح

[ahmad--ezzat]

انا عندى نفس الصوت بس عالى جدا
لانوس 2007 وده من يوم ماجبتها
وبيحصل لو نقلت بدرى
باحس ان فيه صاج بيرن جامد
بتاع الشكمانات قاللى ان فيه فلنشات صاج داخل العلب وملحومه بنط
لكن اللحام فك
وبالتالى لازم نغير العلب
بس كلامه نصه يمشى لكن التغيير ده مش منطقى
كمان انا فحصت العربيه من تحت فى البنزينه واتاكدت ان مافيش اي حاجه سايبه
ولا ديل شكمان ولا الصاجه اللى فوق العلبه ولا القفايز........ ولا اى حاجه
صوتها فضايح

ايوةةةةةةةةة صاج بيرن دة اللى انا عايز اقولو بس ياباشا مش فضيح اوى
هو الصوت بيدايق لما تمشى فى شوارع داخلية هادية
ومش مزعج ولا حاجة بس بيدايق
انا مش عارف لو وديتها التوكيل هيعمولو ولا لا
انا فى الضمان
هو الصوت حاجة خفيفة بس انا حاسس ان الموضوع كبير ومتشائم جدا
هههه