برجاء كل ملاك الليجانزا

[virse]

انا قدامي ليجانزا موديل 2002 عايز اعرف اكشف علي ايه اهم حاجة فيها قبل ما اشتريها ولا بلاش اصلا وقطع غيارها غاليه ولا رخيصه وكعربيه تستاهل اشتريها ولا بلاش

حد يفيدني علشان هروح اتفرج عليها انهردة لو مشاكلها كتير او عربيه مش حلوة حد يفيدني مروحش من الاول قبل ما اتدبس وادفع الفلوس هههههههههههههه



وشكرا

[virse]

38 مشاهدة ومفيش ولا رد محدش سمع عنها حاجة ولا ايه

[hon]

قطع غيار نادرة ماتور اوبل ايكو تك لو معملتلوش صيانة صح كل سنة وانت طيب لكن كسيارة لا غبار عليها
لو وانا بقول لو لقيت عربية صيانة توكيل الى الان ودا نادر جدا خدها ومتسبهاش غير كدا بلاش
تحياتى

[virse]

قطع غيار نادرة ماتور اوبل ايكو تك لو معملتلوش صيانة صح كل سنة وانت طيب لكن كسيارة لا غبار عليها
لو وانا بقول لو لقيت عربية صيانة توكيل الى الان ودا نادر جدا خدها ومتسبهاش غير كدا بلاش
تحياتى

مشكور لرد حضرتك اللي كانت قدامي طلعت متهانه اوي ربنا يسهل والاقي حاجة كويسه بقي

[zendo]

مشكور لرد حضرتك اللي كانت قدامي طلعت متهانه اوي ربنا يسهل والاقي حاجة كويسه بقي

اللياجنزا من احسن عربيات الدايو وقطع الغيار موجودة مش نادرة ولا شىء موجودة عندنا فى بورسعيد بس اهم حاجة تاخدها مش متهانة والكلام ده بالنسبة لاى عربية والليجانزا احسن من اللانوس بمراحل والنوبيرا بفرق ضئيل

[hon]

اللياجنزا من احسن عربيات الدايو وقطع الغيار موجودة مش نادرة ولا شىء موجودة عندنا فى بورسعيد بس اهم حاجة تاخدها مش متهانة والكلام ده بالنسبة لاى عربية والليجانزا احسن من اللانوس بمراحل والنوبيرا بفرق ضئيل

لا هو حضرتك الليجانزا احسن من اللانوس ومن النوبيرا بمراحل بس مش معقول كل محتاج قطعة غيار انزل مربع الاسكان فى بورسعيد ادور !!!
الى عامل سوق للانوس و النوبيرا قطع الغيار المرطرطة وربنا يوقفك فى عربية لقطة لو انت غاويها
تحياتى

[zendo]

لا هو حضرتك الليجانزا احسن من اللانوس ومن النوبيرا بمراحل بس مش معقول كل محتاج قطعة غيار انزل مربع الاسكان فى بورسعيد ادور !!!
الى عامل سوق للانوس و النوبيرا قطع الغيار المرطرطة وربنا يوقفك فى عربية لقطة لو انت غاويها
تحياتى

مواصفاتها ايه وموديل كام وماشية كام ومنوال ولا اوتو وسعرها كام

[hon]

مواصفاتها ايه وموديل كام وماشية كام ومنوال ولا اوتو وسعرها كام

انا اسف بس كان قصدى ربنا يوفقك فى عربية لقطة
تحياتى

[waelfarid]

طب شوف الاسبرانزا 620
مكنة 2000 سم مكعب
وسع وركوبة وموديل احدث
لو غاوي الفئة دي وربنا يوفقك لحاجة كويسة

[tarek zedan]

متابع لانى نارى اشترى وعاوز اعرف العيوب

[do0om]

انا عندي دايو ليجانزا 2002 عادي مش اوتو
بصراحه العربيه عجباني جدا لدرجه انه الي فيها مكسب ومردتش ابيعها لاني احترت في اللي هشتريه مكانها ايه استهلاك البنزين متهيألي مش بطال هي كانت اعلي مره 700 كيلو بنزين 91 داخل وخارج المدينه والمكيف بتاعها جميل لو العربيه نظيفه مش هتفرق معاك لما تشغل المكيف حتي في صوت العربيه قطع غيارها مقدرش افيدك فيها لاني في السعوديه والقطع هنا زفت الزفت خصوصا للدايو بوجه عام واي موديلات اقدم من 2010 ومن باب العلم بالشيء السياره اللي معايا دي اقصي سرعه مشيت بيها 210 وكانت راسية لو في حاجه تحب تسأل عنها انا تحت امرك راسلني بس نسيت اقولك كماليتها من جوه ارخم حاجه فيها مفيش اماكن كتير للاكواب هو 2مكان للاكواب بس والباب مفيش فيه مجال انك تحط فيه ازازه مياه او عصير وشكرا

[tarek zedan]

من اجمل ما انتجت دايو فعلا وبدور على واحدة

[mohnsar]

انا امتلاكها من 7 سنين أوتو هتحس انك راكب حاجه محترمه في كل شئ المشكله الوحيده فيها الفتيس غيرت 4 لحد دلوقتي والخامس بغيره انهارده عند الميكانيكي وطلع بايظ وهرجعوا قطع الغيار متوفره بالكامل بس عند ناس ناس نصيحتي أما مانيوال سواء هي أو النوبيرا أو بلاش وللعلم في نوبيرا أوتو فتيس كهربا انصحك بيها

[AHMED REFAT]

انا كنت محتار حيرتك وعقدت العزم وتوكلت علي الله وجبتها.. وربنا رزقني بعربية فابريكة بره وجوه بالكامل حتي الاكصدامات وكيلو متر مش عالي وكل حاجة فيها تمام.. انا اخدتها غالية بس بصراحة العربية نظيفة وما استخسرتش فيها..
بعد ركوبي لها.. اقدر اقولك
عربية محترمة بكل المقاييس.. اتزان وتسارع ووسع صالون وراحة ونعومة عفشه.. تابلوه حلو وشيك.. العربية في المجمل ممتازة وقيمتها لا تساوي سعرها ابدا واللي ظالمها انها 2000 سي سي.. قطع غيار موجودة ومتوفرة ومافيش حاجة ناقصة واسعارها حلوة كمان بس ناس معينة اللي بتشتغل فيها.. لكنها موجودة.. زيرو واستيراد في الحرفيين.. طقم تيل امامي وخلفي كوري 200 ج.. قاعدة الموتور الزيت ١٦٠ ج وقواعد القنطرة الواحدة ب ٨٠ ج فلتر بنزين ب ٣٠ ج بارات علبة الدريكسيون ب ٢٥٠ ج الطقم.. جلب مقصات ب ١٦٠ ج.. وموجود في ش زكي عند كذا واحد واشهرهم ابراهيم البنا واسعاره حلوة.. لو ربنا اكرمك بحالة حلوة وباكد بحالة حلوة وهاتلاقي منها لان اللي راكبها ناس كبار مش شباب وبيحافظوا عليها.. خدها وبدون تردد واكيد هاتعجبك قوي ان شاء الله

[cayman69300]

بسم الله الرحمن الرحيم
الليجانزا
مشتريها من سنة و نص و لكن مركبتهاش كتير لان معايا عربية تانية لوسط البلد و لما باسافر بسافر بالقطارات
كانت عاملة 89000 كم و دلوقتى 94000 تقريبا يعنى 5000 كم فى سنة و نص
موديل 1999 راشة جنبين فقط و اللون ابيض
ندخل بقة على العربية
روعه بسم الله ما شاء الله - حسيت بقيمتها بعد الاوبل اللى كانت معايا و اللى قعدت ست سنين و مكنتش شايف زى الاوبل
الليجانزا
تكييف روعة بمعنى الكلمة - كماليات ملهاش حل من سنتر و بور خفيف جدا جدا جدا و صالون و شياكة
معدل البنزين 200 فى الصفيحة على الطوالى - فى الملفات كويسة جدا جدا جدا لغاية 150 او 160 كمان
مبتحسش بمطبات الهواء خالص - كاوتش الاستوك اللى بتنزل بية جنط 15 و عرض 205
قطع غيارها ممكن اقل من النوبيرا او اللانوس - لكن اسعارها عادى جدا
مثلا
قربة مية بتاع النوبيرا بتركب عليها بتعمل 85 جنية
السيور ركب بتاعة الاوبل حتى بلى الكاتينة
تيل الفرامل الامامى بتاع الدايو بـ 90 جنية Hi Q
جوز فوانيس امامى استيراد 400:500 و الفوانيس فيها عدسات
مفتاح النور استيراد 120 جنية
فلتر التكيف 85 جديد
جنبين ( المساعدين كاملين بالبطاحات بالليات كاملين على التركيب و نمرة واحد ) 800 جنية اول كلمة
جوز فوانيس ورا استيراد فى بورسعيد زميلى كان هيشتريهم ليا حالتهم زيرو بـ 150 جنية
جوز فوانيس شبورة جديد بس صينى بـ 110 جنية
جوان غطا التاكيهات 45 جنية
الفلاتر عادى السعر المتداول الزيت 25 جنية و البنزين 45 جنية
الخلاصة توكل على الله
هتعجبك جدا
اه قبل ما انسى الموتور استيراد على تجربة 3500 جنية و الفتيس 1500 جنية و وش السلندر بـ 700 جنية
انا باحب اسال على كل التفاصيل
و الله الموفق