عاجل جدا للاهميه نوبيرا موديل 97

[virse]

نداء عاجل لكل خبراء المنتدي


في قدامي عربيه نوبيا موديل 1997 اوتوماتيك وانا رايح اتفرج عليها انهردة الساعة 6 مساءا

صاحبها بيقولي انها مغيره الفتيس بفتيس دايو ليجانزا ماعدا العصايه والوير


ممكن حد يفيدني هل دا في مشكله ولا لا علشان اروح وانا متطمن لو دا عيب او يسبب مشكله برجاء افيدوني


بدل ما اروح وتعجبني واشتري والاقي المشاكل كلها تبتدي من بعد ما اشتري



وشكرا

[blazer]

مش عيب عادى
لانهم اصلا نفس الفتيس
المهم انصحك تبص على الميه لو بيحط ميه حنفيه بنسبه كبيره دوره الميه بلكامل اتهرت و هتحتاج تتغير و الماكينة اتاثرت
صوت الماتور لو خشن و بيشخلل وفيه ونه وانت مدور يبقى طقم الكاتينة عاوز يتغير و الماتور حالته تعبانه من كتر المشى
العفشه كدا كدا فى اى عربيه مستعمله هتصلحها فلمهم تكون المساعدين و البطاحات سلام و الكاوتش مش قديم عشان متصرفش كتير اول ما تجيبها
بص على العتب من تحت و داير الرفارف الخلفيه عشان البارومه و كمان على السقف من عند الزجاج الامامى و الخلفى تحت الجلده بتاعه الزجاج

[virse]

مش عيب عادى
لانهم اصلا نفس الفتيس
المهم انصحك تبص على الميه لو بيحط ميه حنفيه بنسبه كبيره دوره الميه بلكامل اتهرت و هتحتاج تتغير و الماكينة اتاثرت
صوت الماتور لو خشن و بيشخلل وفيه ونه وانت مدور يبقى طقم الكاتينة عاوز يتغير و الماتور حالته تعبانه من كتر المشى
العفشه كدا كدا فى اى عربيه مستعمله هتصلحها فلمهم تكون المساعدين و البطاحات سلام و الكاوتش مش قديم عشان متصرفش كتير اول ما تجيبها
بص على العتب من تحت و داير الرفارف الخلفيه عشان البارومه و كمان على السقف من عند الزجاج الامامى و الخلفى تحت الجلده بتاعه الزجاج

شكرا علي رد حضرتك كلام حضرتك مفيد جدا

وفعلا رحت اتفرج علي العربيه لقيت الموتور تعباااااااااان وغرقان زيت ولمبة الزيت منورة ومفيش عزم ومساعدين ضايعين وتكييف بايظ بعكس ما الراجل كان بيقول والشنب معوج جدا والفتيس بينتش جامد مع الغيار واحلي حاجة فيها بسم الله ما شاء الله ان الراجل كان عمال يقولي مفهاش الهوا وابص الاقي البارومه ماشيه في كل حته فيها حسبي الله ونعم الوكيل في صاحبها اللي لما كلمته قالي تعالي واتفرج العربيه تمام كانها لسه جايه من بلدها ههههههههههههههههههههه
الحمد لله علي كل حاجة وزعل اوي اني قلتله انها متنفعنيش وربنا يحسنلو سوقها ومشيت