تقفيل الانوس المصرى بتاع منصور

[Maged_Samy]

اليومين كنت بفكر اشترى عربية جديدة فى حدود 80 الف وكان اختيارى للشفورليه لانوس بعد استبعاد الايمجراند لانها صينى والفيرنا لانها ورقة واللوجان لاسباب اخرى
وبالذهاب لتوكيل منصور والكشف على السيارة لانوس المعروضة وجدت ألآتى :
1- كاوتش الزجاج الخلفى طالع ونازل وشكله سىء .
2- الكابوت فوق الموتور مفيش جلد عازل مع ان الدايو كان فيها وده هيعلى صوت الموتور ويخلى الكبوت سخن مولع .
3- التابلوه لا يقفل غير بالرزع .
4- طبعا السيارة مفيهاش دوسات ارضية .
5- القطعة البلاستيك التى تغطى الفوانيس الخلفية من الداخل مخلوعة وكل ما تركبها تطلع تانى وواضح انها بلاستيك رفيع ردىء الصنع .
هو التوفير وصل بتوكيل منصور انه يشيل عزل الموتور ويقفلها بالشكل السىء ده ؟
عايز رأيكم هل اقبل بالعيوب دى لجودة السيارة وتوافر ورخص قطع غيارها ، و ايه رأى مالكيها فى المواضيع دى .
واخر سؤال هل تشغيل التكييف يؤثر على عزم الموتور بشكل ملحوظ ام لا ؟
وشكراً

[ashourashour]

دي جنب الامجراند bmw

[hesham fawzy h]

لو العربية فيها عيوب متخدهاش و اطلب عربية تانية

و هتلاقى الكلام دة غى عربيات سعرها عالى كمان مش لانوس بس

[parq28]

لأ طبعا ما تخدهاش بالعيوب دي كلها وأ\لب عربية اخري كاملة فيها جميع الكامليات ولو اني انصحك نصيحة لوجه الله او اقتراح ما تشوف عربية لانوس بس دايو استعمال هتلاقيها احسن مليون مرة من شيفورليه هتلاقي فيها كل حاجة احسن وامتن من منصور وبالتوفيق بإذن الله

[riri4]

ما دام غرضك تجيب جديد يبقي أصبر شويه وكمل فوق الـ 100 ألف بشويه وهات حاجه تانيه علي سبيل المثال لا الحصر سيتروين أو سوزوكي سياز العربيات اللي في الفئه دي يعني بمستوي تاني خالص يختلف عن الكوري
ده رائ الشخصي فكر شويه ودور ولف وأتفرج في المعارض وقارن مش هتخسر حاجه الفرجه ببلاش بس علشان أنت هتدفع مبلغ مش قليل ...... يبق تجيب بالمره .....

[Maged_Samy]

عرفت كمان ان 40 % من تكويناتها مصرى وعلى فكرة انا شفت عربية تانية عند اباظة نفس التقفيل السىء

[Basem Tawfik]

انا لسة شاري جديد لانوس 2015..فعلا العربية اللي كانت في منصور كان فيها عيوب..بس انا روحت أجانص عربيات تاني و أشتريت منه و الحمد لله عاينتها و ما كانش فيها العيوب دي.
هي في الآخر تقفيل مصري و فعلا سيء بس في نطاق الفلوس اللي معاك أظن ده أحسن أختيار بدل ما تجيب صيني.

[رامي مصطفى]

1- كاوتش الزجاج الخلفى طالع ونازل وشكله سىء .
ده عيب في العربيه دي اشتريتها 2013 الجلد بتاعها مظبوط شوف عربيه تانيه
2- الكابوت فوق الموتور مفيش جلد عازل مع ان الدايو كان فيها وده هيعلى صوت الموتور ويخلى الكبوت سخن مولع .
كل العربيات التقفيل المصري كده على فكره كنت باشتري ايامها صني الشكل القديم ما كانش فيها حاجه بردو تفتح الكابوت والله تلاقي منظر اقل والله من 131 فيات
3- التابلوه لا يقفل غير بالرزع .
انا كمان بس اللسان يللي في التابلوه تانيته سنه لبره بأى بيقفل اسهل
4- طبعا السيارة مفيهاش دوسات ارضية .
طبعا وعلى فكره حتى العربيات المحترمه ايللي بتنزل بدواسات بتكون موكيت يعني كده كده هتركنهاةفيىالبيت وتشتري الجلد فكبر دماغك
5- القطعة البلاستيك التى تغطى الفوانيس الخلفية من الداخل مخلوعة وكل ما تركبها تطلع تانى وواضح انها بلاستيك رفيع ردىء الصنع .
لأ عيب فردي عندي كانت ماسكه كويس وبلاستيك خفيف ايوه

هو التوفير وصل بتوكيل منصور انه يشيل عزل الموتور ويقفلها بالشكل السىء ده ؟
لأ عزل الماتور موجود عربيتي كان فيها هتلاقي النصف كماليات هيا ايللي مش فيها

عايز رأيكم هل اقبل بالعيوب دى لجودة السيارة وتوافر ورخص قطع غيارها ، و ايه رأى مالكيها فى المواضيع دى .
العيوب دي عاديه وفرديه حاول تشوف حاجه تكون اقل عدد عيوب وتوكل على الله وعلى فكره كل العربيات التقفيل المصري فيها العيوب دي زيها زي الفرنا زي byd ولو قرأت تقارير الزملاء ايللي اشتروا عربيات لايخلوا تقرير من وجود عيب مهما كانت عربيتوا

واخر سؤال هل تشغيل التكييف يؤثر على عزم الموتور بشكل ملحوظ ام لا ؟
وشكراً
بيأثر بس معقول مش قوي بيأثر علي السحب من الصفر بس هيا اللانوس اصلا تعبانه في طلعتها بسبعد كده لأ كنت باشغل التكييف وامشي على 150 ومعايا 3 غيري والعربيه مرتاحه والله
وفكر في الفيرنا انا لو رجع بيها الزمن هاجيب فيرنا بدل اللانوس
وبالتوفيق

[hugan]

سؤال معلش
هي شيفروليه ﻻنوس بتاعت منصور
منشائها ايه

[Basem Tawfik]

سؤال معلش
هي شيفروليه ﻻنوس بتاعت منصور
منشائها ايه

كوريا الجنوبية

[eisaa100]

اللانوس عربيه حلوه بجد

[hugan]

كوريا الجنوبية

متاكد
الانوس حاليا اللي اعرفه انها صيني بالكامل تجميع مصري

[Yehya Badr]

صينى علي إوكراني و لا تعد هناك مكونات كورية لللانوس لآن خط الأنتاج الأصلي خرج نطاق الخدمة منذ سنوات !!!!

http://www.avtozaz.com/en/auto/export

http://www.avtozaz.com/en/scheme

http://www.avtozaz.com/en/about/partners

CJSC “ZAZ” products are sold by the biggest in Ukraine dealer network of “UkrAvto” Corporation. But export policy is conducted by Zaporizhia Automobile Plant independently. Today cars are exported to Russia, Syria, Egypt, Belarus, Azerbaijan, Armenia, Kazakhstan and Bulgaria, where Ukrainian cars confidently captivate the new roads.

[Ómåř Møĥåmęď]

زود شويه و جيب صنى سوبر صالون 2014 مستعمله

[مصطفى عصام]

بجد هات فيرنا احسن بكتير
قطع غيار متوفرة وعربية كويسة انا معايا بقالها 5 سنين ولحد دلوقتي مش بتشتكي
حاجات بسيطة
ومش ورق زي مانت فاكر في الفئة بتاعتها